Chhaava (2025) Sinhala Subtitles | සිංහ පැටවෙකුගේ ආගමනය [සිංහල උපසිරැසි]

Chhaava (2025) Sinhala Subtitles

ආයුබෝවන්. දිග නිවාඩුවක් සමග ප්‍රීතිමත් සිංහල අලුත් අවුරුද්දකට ලක ලැහැස්ති වෙන මේ මොහොතේ අද උදෑසන OTT හරහා නිකුත් උනා ඔබ නොඉවසිල්ලෙන් බලා සිටිය මේ වසරේ වැඩිම ආදායමක් ලැබූ ඉන්දියානු චිත්‍රපටය චාවා (සිංහ පැටවා). ඉතිං අපි ලෑස්තියි අදම ඔබට ඒ උපසිරැසිය තිළිණ කරන්න. මේක ඓතිහාසික ක්‍රියාදාම (historical action film) ශානරය යටතේ නිපදවන ලද චිත්‍රපටයක්. වාණිජ අතින් මෙය කෝටි 140ක් පමණ වැය කර නිපදවා රුපියල් කෝටි 780ක් ඉක්මවා ආදායමක් ලබපු අති සාර් ථක චිත්‍රපටයක්. මේ වන විට ඉන්දියානු සිනමා ඉතිහාසයේ වැඩිම අදායම් ලැයිස්තුවේ 13 වන තැනත් හින්දි සිනමාවේ අටවන වන තැනත් මේ චිත්‍රපටය ලබා ගෙන තිබෙනවා.

විකී කෞශාල්, රශ්මිකා මන්දානා, ආක්ශේ කන්නා ඇතුළු ජනප්‍රිය නළු නිළියන් රාශියක් සමග ලක්ෂ්මන් උටේකාර් විසින් අධ්‍යක්ශනය කරන ලද මෙම චිත්‍රපටය ශිවාජි සවන්ත්ගේ චාවා නම් වූ ඓතිහාසික නවකතාවක් ආශ්‍රයෙන් නිපදවූවක්. ඒ වගේම මෙහි සංගීත අධ්‍යක්ෂනය ඒ ආර් රහමන්ගෙන්.

ක්‍රිස්තු වර්ෂ එක්දහස් පන්සිය ගණන් වල බිහිවී ඉන්දියාව පුරා ව්‍යාප්ත වූ බල සම්පන්න මුස්ලිම් මෝගල් අධිරාජ්‍යයත් ඊට එරෙහිව බිහිවූ ඩෙකෑන් සානුව මූලික කර ගත් වර්තමාන මහාරාෂ්ත්‍ර ප්‍රදේශය මූලික කර ගත් මරාතා රාජධානියත් අතර ඇති වනු ලබන සටන් ආශ්‍රිතව මේ කතාව ගොඩ නැගී තිබෙන්නේ. මෝගලුන්ගේ අවසන් බලසම්පන්න අධිරාජ්‍යයා වූ අවුරන්ග්සෙබ්ට එරෙහිව සටන් කල චත්‍රපති ශිවාජි රජුගේ අභාවයත් සමග එම ප්‍රදේශයත් තමා යටතට ගැනීමට උත්සාහ කරන මෝගල් අධිරාජ්‍යයාට මුහුණ දීමට ඔටුන්න හිමි කුමරු ශිවාජිගේ පුත්‍ර සම්භාජීගේ ලක ලෑස්තියත් සමග මේ කතාව ආරම්භ වෙනවා. ඇත්තෙන්ම අධ්‍යක්ශක වරයා පවසන්නේ මේ සම්භාජී චරිතයට ඓතිහාසික පුරාවෘත්තයන් මගින් සාධාරණයක් ඉටු කර නැත යන්නයි. ඒ අනුව ඔහු වීරයෙක් ලෙස කරළියට ගෙන එනවා. දෙපැත්තේම පාවාදීම්, ද්‍රෝහී කම්, බල අරගල අස්සේ මේ කතාව ඇදී යනවා. මෙහි සෑම අංශයක්ම ඉතා ඉහළ මට්ටමේ තිබෙනවා. හිංදි සිනමා ලෝළීන් කිසි විටෙකත් මග නොහැරිය යුතු චිත්‍රපටයක් ලෙස මෙය හඳුන්වන්න පුළුවන්.

මේ චිත්‍රපටය තුල මුසල්මාන මෝගල් අධිරාජ්‍යය කෲර අන්‍ය ආගම් විරෝධී පාලනයක් සේ හුවා දක්වීම හේතු කොට ගෙන සමහර ප්‍රදේශවල දැඩි ආගමික නොසන්සුන් කාරී තත්වයන් ගොඩ නැගුණු බවත් ආරංචි උනා. ඉන්දියාවේ මෙවැනි චිත්‍රපටයකට පහසුවෙන්ම එවැනි ගැටුම් නිර්මාණය කරන්න පුළුවන්. ඒත් ඒ සියල්ල පසෙක ලා මෙය තවත් ඉතා සුන්දර කළාත්මක නිර් මාණයක් සහ වානිජ අතින් අති සාර් ථක චිත්‍රපටයක් ලෙස ඉතිහාසයට එක් වීමට මෙයට කිසිදු බාධාවක් උනේ නෑ.

එහෙනම් මේ නිවාඩු කාලයේ රස විඳින්න. තවත් උපසිරැසි කිහිපයක් සමග හමු වෙමු. ඔබ සියළු දෙනාටම කිරියෙන් පැණියෙන් ඉතිරෙන අළුත් අවුරුද්දක් වේවා!

Chhaava (2025) Sinhala Subtitles

 

 

 

Due to copyright issues, we no longer provide any torrent links.

මෙම උපසිරැසිය HQ-HD පිටපත් සඳහා පමණක් වලංගු වේ.

6,864 downloadsDownload Chhaava-2025.zip43 KB

මේ ලබා දී ඇති සිංහල උපසිරැසි පිළිබද “BANDULA K” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2023-09-10
SUB-MAKER RATING BY ADMINS

 

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Chhaava (2025) Sinhala Subtitles