Ekk Deewana Tha (2012) | ආදරයෙන් උමතු වූවෙක්… [සිංහල උපසිරසි සමඟ]

ඔන්න මගේ දෙවැනි උපසිරැසිය, පළවෙනි එක තරම්ම අමාරු වුණා. මුල්ම එක කොමඩියක්නේ, මේක ආදර කතාවක්, අමුතුම තේමාවක් ගත්ත ආදර කතාවක්, නම Ekk Deewana Tha…. මේකත් හින්දි එකක්, සටන්, කොමඩි, දුෂ්ටයෝ නැති ආදර කතාවක්.

මේක ගිය අවුරුද්දේ, ඒ කියන්නේ 2012 පෙබරවාරි 17 තිරගත වුණු චිත්‍රපටියක්, මේකේ අධ්‍යක්ෂක තමා Gautham Vasudev Menon. හින්දි සිනමාවට තරමක ආගන්තුකයෙකු වුණත් දමිළ සිනමාවේ ජය කෙහෙළි නංවපු කෙනෙක්, මීට ප්‍රථම ඔහු එකම එක හින්දි චිත්‍රපටියක් පමණයි කර තිබෙන්නේ, ඒ තමා 2001දී තිරගත වුණු Rehnaa Hai Terre Dil Mein, ඒකත් ඔහුගේම චිත්‍රපටියක ප්‍රති නිෂ්පාදනයක්, මේ චිත්‍රපටියත් ඔහුගේම දමිළ චිත්‍රපටියක් වූ Vinnaithaandi Varuvaayaa චිත්‍රපටියේ ප්‍රති නිපැයුමක්. මෙය තෙළිඟු බසින්ද නිමැවී තියෙනවා, ඒ මොහුගේම අධ්‍යක්ෂණයෙන් Ye Maaya Chesave යන නමින්, මට නම් මේ භාෂා තුනෙන්ම වඩාත් සිත් ගත්තේ හින්දි චිත්‍රපටියයි.

රංගනයෙන් දායක වෙන්නේ නවක නළු නිළි දෙපළක්, ප්‍රධාන චරිතය වන Sachin Kulkarani ලෙස, පිය උරුමයෙන් රංගනයට පිවිසි Prateik Babbar රංගනයෙන් දායක වෙනවා, මොහො මීට කලින් සැලකිය යුතු තරමේ චරිතයක් රඟපා නැහැ. නමුත් Dhobi Ghaatහි රෙදි සෝදන්නා ලෙස කල රංගනය අමතක කරන්න බෑ, Jessie Thekkekutu ලෙස බ්‍රිතාන්‍ය සම්භවයක් ඇති Amy Jackson රඟපානවා. ඇයද රංගනයෙන් එතරම් ඉහළට ගිය අයෙකු නෙවෙයි, මෙය ඇයගේ ප්‍රථම හින්දි චිත්‍රපටියයි, මීට ප්‍රථම Madrasapattinam නම් දමිළ චිත්‍රපටියෙහි රඟපා තිබෙනවා. තව Manu Rishi උප ප්‍රධාන චරිතයක් වන Anay නමැති චරිතය විදහා දක්වනවා.

හරි දැන් මේකයි කතාව, සචින් කියන්නේ වැඩිදුර අධ්‍යාපනයට කැමති නැති, චිත්‍රපටිවලට කැමති, අධ්‍යක්ෂක කෙනෙකු වීමට සිහින මවන කොල්ලෙක්. ජෙසී කියන්නේ තාත්තගේ දැඩි ප්‍රතිපත්ති මත ජීවත් වන තරුණියක්, ජෙසීගේ ගෙදර කුළියට තමා සචින්ලා ඉන්නේ, දවසක් සචින්, ජෙසීව දැකලා ඇය කෙරෙහි ආදරයක් පහළ වෙනවා, හෝව්. ඉතින් ප්‍රශ්නයක් නැහැනේ? දෙන්න බැඳලා සතුටින් ඉන්න ඇති. නෑ චිත්‍රපටිය පටන් ගන්නේ මෙතනින් නෙවෙයි, පල්ලියක විවාහ මංගලෝත්සවයකින්, කව්ද කසාද බඳින්නේ? ජෙසී. ජෙසීයි, සචිනුයි වෙන්න ඇති, නෑ ඒ දෙන්නා නෙවේ, ජෙසී වෙනින් කෙනෙක්ව. ඇයි ඒ? ප්‍රශ්න ගොඩක්. ජෙසිට වඩා සචින් අවුරුද්දකින් බාලයි, සචින්ට වඩා ජෙසී උගත්, ලොකුම ප්‍රශ්නේ ජෙසී ක්‍රස්තියානි, සචින් හින්දු. ජෙසී කේරළ, සචින් හින්දි, ජෙසීලා චිත්‍රපටි බලලාවත් නෑ, බලන එක ආගමට අනුව තහනම්, සචින් සිනමාවම ජීවිතය කරගත් අයෙක්….

ජෙසී, සචින් සමඟ ආදරයෙන් බැඳේවිද? මේ ප්‍රශ්න කොහොම ජය ගනීවිද? … සචින් සිනමාකරුවෙක් වේවිද? එය දැනගන්න නරඹන්න Ekk Deewana Tha….

තව දෙයක් මේකේ සංගීතය A.R. Rahmanගේ. ඒ සංගීතයේ මිහිරියාවත් විඳගන්න. මේ චිත්‍රපටියෙත් සිංදුවල උපසිරැසි ගොනුව මට ලැබුණේ නෑ. මට මේකට උදව් කල අයට බොහොම ස්තූතියි. බාගන්න ගමන් අදහසකුත් දෙන්න කියලා ඉල්ලනවා. තවත් උපසිරසියකින් නැවතත් හමුවෙමු.

 

 

500 MB කොපිය මෙතනින් බාගන්න

a3674325157789ebf74abd104a967ee75b8bea15

710 MB කොපිය මෙතනින් බාගන්න

59f0fa81bb452c082c27ac30ceaae61055cf260a

900 MB කොපිය මෙතනින් බාගන්න

44060ce8fa7c230670924a62838606e73c93e6c4 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ්  (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

4,850 downloadsDownload Ekk.Deewana.Tha_.2012.zip156 KB

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “සිසිත සමරතුංග (සිසියා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.