Jurassic World Dominion (2022) Sinhala Subtitles | ජුරාසික් ලොවේ අවසානයද? [සිංහල උපසිරසි] (150)

ඔන්න එහෙනම් මෙදා පාර මං අරගෙන ආවේ හැමෝම වගේ ඉවසිල්ලක් නැතුව බලාගෙන හිටිය ෆිලුමක් අරගෙන. ඒවගේම තව දෙයක් කියන්න තියෙනවා. ඔව්, මේක මගේ 150 වෙනි උපසිරසි ගැන්වීම. ඉතින් ෆිල්ම් එක ගැන කියන්න කලින් මෙච්චර දුරක් හරි ආපු එක ගැන පොඩ්ඩක් කියල හිටියනම් හොඳයි කියල හිතනවා. මගේ පම්පෝරිය කියවන්න අකමැති කෙනෙක් ඉන්නවනම් කෙලින්ම ෆිලුම ගැන තියෙන කොටසට ගියා කියල මගේ කිසිම තරහක් නෑ.

ඉතින් ඇත්තටම මගේ මුල්ම උපසිරැසිය අන්තර්ජාලයේ පළවුණේ 2013 වසරේ මැයි 31 වෙනිදා . ඒ කියන්නේ වසර 10කට ආසන්න කාලයක් මං වෙබ් අඩවිය සමග සම්බන්ධ වෙලා ඉඳල තියෙනවා, මේ ගෙවෙන්නේ 9 වෙනි අවුරුද්ද. (ඒ ගැන පොඩි ආඩම්බරෙකුත් නැතුවම නෙමෙයි) ඉතින් ආසාවට පටන්ගත්තු වැඩේ මෙච්චර දුරකට හරි දිගටම කරගෙන එන්න ලැබුණු එක ගැන සතුටුයි. ආරම්භයේ සිටම සැරෙන් සැරේ යම් යම් ගැටළු මතුවුණත්, කොහොමහරි නොකඩවා වැඩේ කරගෙන එන්න ලැබුනේ අපේ උපසිරැසියක් අරගෙන අදහස් දක්වලා යන ඔබ සියලු දෙනා නිසාමයි. සුභපැතුම් සහ බැනවැදීම් අතරින් ඉතා සතුටින් ආපු ගමනක් තමයි මේක. මින් ඉදිරියටනම් කොහොම වෙයිද කියල කියන්න අමාරුයි මගේ රැකියාව නිසා. හැකි තරමින් මගේ දායකත්වය ඉදිරියටත් ලබාදෙන්න මං උපරිම උත්සාහයක යෙදෙනවා. ඉතින් කොහොමහරි මගේ අවසන් උපසිරැසිය නිකුත්කලේ 2021 ඔක්තෝම්බර් 11 වෙනිදානේ, ඒ කියන්නේ මීට මාස 9කට කලින්. කොහොමහරි ඉවසල ඉවසල කඩයිම කරා ළඟාවෙන්න හැකිවුනා. ඉතින් මේ අවුරුදු 9 තුල මට සෑහෙන යාළුවො ප්‍රමාණයක් අඳුරගන්න හැකිවුනා. ඒ හැමෝම මෙතන සඳහන් කරන්න යන්නේ නැත්තේ එක්කෙනෙක්ගේ හරි නමක් මගහැරුනොත් හොඳ නැති නිසයි. වෙන කියන්න දෙයක්නම් නැහැ ඉතින්,

එහෙනම් අපි කෙලින්ම ෆිල්ම් එක පැත්තට හැරෙමු. තිරගත උණු මුල් සතියේ සුපිරි වීර නොවන චිත්‍රපටයකට ලැබුණු වැඩිම ආදායම් වාර්තාවට හිමිකම් කියන්න මේ චිත්‍රපටයට හැකිවුනා. ඒ ඇමරිකානු ඩොලර් 143 ක ආදායමක් ලබාගනිමින්. වසංගතයෙන් පසුව වැඩිම ආදායමක් ලබාගත්තු චිත්‍රපට ලයිස්තුවේ තුන්වෙනි ස්ථානය ලබාගත්තේ Spider Man No Way Home සහ Multiverse Of Madnesss යන චිත්‍රපට දෙකට පමණක් දෙවෙනි වෙමින්. දැනට සම්පුර්ණ බොක්ස් ඔෆිස් ආදායම ඩොලර් මිලියන 839ක් දක්වා ලැබෙන්න තරම් චිත්‍රපට හොඳ මට්ටමක තිබෙනවා. කොහොම නමුත් IMDB අගය 6.0 ක් වගේ තමයි මෙයට ලැබිලා තියෙන්නේ. ඉතින් මං හිතනවා ඒ ගැන වැඩිය නොහිතා ෆිල්ම් එක රසවිඳින්න පුළුවන් කියල.

එහෙනම් ස්ටෝරි ලයින් එක පැත්තට යමුකෝ. ඉතින් මේ දවස්වල හැම චිත්‍රපට අධ්‍යක්ෂක වරයෙක්ම කරනවා වගේ මේ ෆිල්ම් ඒකත් මුල්ම චිත්‍රපට තුනට සම්බන්ධ කරලයි හදල තියෙන්නේ. මීට කලින් නිකුත් වුනු ජුරාසින් පාර්ක් සහ ජුරාසින් වර්ල්ඩ් ෆිල්ම් දෙක හැමෝම බලලා ඇති කියල හිතනවා. නොබලපු කෙනෙක්නම් අඩුමගානේ අන්තිම ෆිල්ම් දෙකවත් බලන්න කියල මං ඉල්ලා සිටිනවා. නරඹලා තිබුනත් කතාව අමතකයි වගේනම් මං පොඩි මතක් කිරීමක් කරගෙනම යන්නම්.

බලමු අයටනම් මතක ඇති පලවෙනි චිත්‍රපටය අවසානයේ බ්ලූ සහ ටී-රෙක්ස් එකතුවෙලා ඉන්ඩෝමිනස් රෙක්ස් ව පරාජය කරලා මෝසසොරස් විසින් පාර්ක් එකේ කලපුව ඇතුලට ඇදගෙන ගියපු විදිහ. ඉන් පසුව ඉස්ලා නුබ්ලාර් දිවයින ඩයිනසෝර්ලත් සමග තනිවුනා. නමුත් මෙතෙක් කලක් අක්‍රියව තිබුණු ගිණි කන්ද සක්‍රිය විම මගින් සියලුම ජීවීන්ගේ පැවැත්ම තර්ජනයකට ලක්වුනා. මෙතැනදී තමයි අපිට ඩොක්ටර් ඉයන්ව බලාගන්න ලැබෙන්නේ, එයානම් කියන්නේ ඩයිනසෝර්ලා එතනදීම විනාශ වී යන්න ඉඩදෙන්න කියලයි. කොහොම නමුත් ක්ලෙයාර් සහ ඕවන් එකතුවෙලා මෙයාලව බේරාගන්න මෙහෙයුමක් දියත් කලත් ඔවුන්ව රවට්ටලා කුලී හේවායන් විසින් ඩයිනසෝර්ලා ටික පැහැරගන්නවා. ඉතින් අවසානයේ මේ හැමෝම එකතුවෙන්නේ ලොක්වුඩ් මන්දිරයටයි. එතැනදී අපිට පෙන්නනවා ලොක්වුඩ් ගේ මියගිය දියණියගේ ජාන ක්ලෝන කරලා මේසී නමුත් තමන්ගේ දියණිය හා සර්ව සමාන දරුවෙක් නිර්මාණය කර ඇති බව. කොහොමහරි අවසානයේදී මේසී ගත්තු තීරණය නිසා ඩයිනසෝර්ලා සේරම සාමාන්‍ය ලෝකයට මුදාහැරෙනවා.

මේ මම කිවුවේ කතාව බොහොම කෙටිකරලයි. තවත් තොරතුරු අවශ්‍යනම් Youtube එකේ සෙවුමක් කරලා බලන්න පුළුවන්. ඉතින් මේ තුන්වෙනි කොටස පටන්ගන්නේ එතැන් සිටයි. ඒ නිසා මේ ෆිල්ම් එක ගැන මම මොකුත්ම කියන්න යන්නේ නෑ.

ඉතින් මං කලින් මතක් කළා වගේ, අපිට මේ චිත්‍රපටයෙත් තවත් පැරණි චරිත දෙකක් නැවත දැකගන්න ලැබෙනවා, ඒ ඩොක්ටර් ග්‍රාන්ට් සහ ඩොක්ටර් ඇලී. ඇත්තටම ඔවුන් දෙදෙනා සහ ඩොක්ටර් ඉයන්ව හරිම අපූරුවට කතාවට සම්බන්ධ කරලා තියෙනවා. ඉතින් ඒ වගේම අලුතින් ඩයිනසෝර්ලා විශාල ප්‍රමාණයක් හඳුන්වලා දීලා තියෙනවා. හැමෝම නැතත් කිහිපදෙනෙක්ව මං පහලින් සඳහන් කරගෙන යන්නම. මේ ෆිල්ම් එකේදී අපිට හම්බෙන භයානකම කෙනා තමයි ලෝකයේ ජීවත්වෙන විශාලම මාංශ භක්ෂකයා ලෙස සැලකෙන ගිගැනොටෝසෝරස්. ඔන්න එහෙනම් පහලින් බලාගන්න අපිට දකින්න ලැබෙන ජීවින් , සමහර අය දෙවෙනි කොටසිනුත් දකින්න ලැබුනා මතකයේ හැටියට.

(1) ඩ්රෙඩ්නෝටස්

 

(2) කොට්සකොආට්ලස්

 

(3) ඕවිරැප්ටර්

 

(4) ලිස්ට්‍රෝසෝරස්

 

(5) නසුටෝසිරැප්ටොප්ස්

 

(6) මෝරෝස් ඉන්ට්‍රෙපිඩස්

 

(7) ඉගුවැන්නොඩෝන්

 

(8) ඇට්‍රෝසිරැප්ටර්

 

(9) පයිරෝරැප්ටර්

 

(10) තෙරිසිනෝසෝරස්

 

(11) ගිගැනොටෝසෝරස්

 

ඉතින් තවත් එකී මෙකී නොකී ඩයිනසෝර් වර්ග විශාල ප්‍රමාණයක් ඉන්නවා. සේරම මෙතන පෙන්නන්න බැරි නිසා විශේසම අයව විතරයි දැම්මේ. ඉතින් මීටත් වඩා මට කියන්න දේකුත් නැති නිසා ලිපිය මෙතනින් නවත්තන්නම්.

හැබැයි විශේෂයෙන්ම කියන්න දෙයක් තියෙනවා, මේක HC කොපියක් , ඒ නිසා හදිසි අය විතරක් අරගෙන බැලුවට කමක් නෑ. ඒවගේම සඳහනක් තියෙනවා මේකේ Extended Editon එකකුත් නිකුත් වෙනවා කියල. ඒ ගැනනම් හරියටම කියන්න බැරි නිසා අඩුම Bluray එකවත් බලන්න ඉතින්. එහෙනම් මට මේ ෆිලුම බාරදුන්නු විමා අයියට විශේෂ ස්තුතිය පුදකරන ගමන් මං මෙතනින් නවතිනවා.

ඒවගේම ඔයාලගේ අදහසුත් කියාගෙනම යන්න, මොකද කොච්චර අඩුපාඩු බැලුවත් තව ඕනේ තරම් තියෙන්න පුළුවන් නිසා. ඒ වගේම ලිපියෙත් වැරදි තියෙනවනම් පෙන්නගෙන යන්න. හදිසියෙන් කරපු නිසා නොගැලපීම් තියෙන්නත් පුළුවන් . ඒ හැමදේටම මම සමාව ඉල්ලනවා. හමුවෙන හැම වැරැද්දක්ම පහලින් කමෙන්ට් කරගෙන යන්න, නැවත හදලා අප්ලෝඩ් කරන්නම්.

ආයෙත් දවසක හමුවෙමු.

බයිස්කෝප් අඩවියට ජය.

 

 

 

Due to copyright issues, we do not provide any torrent links.

මෙම ලබා දී ඇති උපසිරසි

HC-WEBRip / WEB / EXTENDED BR පිටපත් සඳහා වලංගු වේ.

74,935 downloadsDownload Jurassic.World_.3.Dominion-2022-Updated.zip176 KB

මේ ලබා දී ඇති සිංහල උපසිරැසි පිළිබද “රඛිත රණතුංග” සොහොයුරාට සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2013-05-21
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.