Let Her Out (2016) with Sinhala Subtitles | ඇයට පිටවෙන්න දෙන්න [සිංහල උපසිරසි සමඟ] (18+)

ඇය කවුරුන්ද..? ඔබට සිතාගත හැකිවේවිද..? බොහෝදුරට නොහැකි වනු ඇති. මන්ද යත් ඇයව ඇමතීමට නමක් නැත, ඇය මියගොස් ඇත්තේ ඇයගේ මව් කුස තුළදීමය. එසේනම් කුමක්ද, තවත් ඈ සමඟ.. ඔබට සිතෙනු ඇති. සාධාරණයි. හිඳින්න, මා ඔබට විස්තර කරන්නම්.

ඇයගේ මව, තම ශරීරය විකුණා මුදල් හම්බ කරන්නියක්. කොටින්ම කිවහොත්, වෛශ්‍යාවක්. ජීවත්වූයේ නවාතැන්පොළක. එම කාන්තාව ඇගේ වෘත්තිය තමාට ගැටළුවක් නොවන අන්දමින් පවත්වාගෙන යනවා. නමුත් එක්තරා දිනක, නොසිතූ මොහොතක පැමිණෙන ආගන්තුකයෙක් එම කාන්තාවට බලහත්කාරකමක් සිදුකර පිටව යනවා. අවාසනාවන්ත ලෙස, මා මෙතෙක් ‘ඇය’ යන්නෙන් පැවසූ පුද්ගලයාගේ පියා වන්නේ ඔහුයි. කාලය ගතවුණි. දරුවන් බිහිකිරීමට ආසන්නව තිබියදී ඇයගේ මව ඉතා දරුණු තීරණයක් ගන්නවා. එය නම්, ආගන්තුකයාගේ දරුවන්ගේ ජීවිතද සමඟ තමාගේ ජීවිතය අහිමි කරගැනීමයි.

එම සිදුවීමෙන් මවගේ ජීවිතය අහිමි වුවත්, දරුවෙකු බේරාගැනීමට වෛද්‍යවරුන් හට හැකිවෙනවා. ඒ ගැහැණු දරුවෙක්, දැන් ඔබට නිසැකවම ගැටළුවක් ඇති. එසේනම් මා මුලින් පැවසුවේ කුමක්ද කියා. නිවැරදියි, නමුත් ඒ මෙලොව එළිය දුටු දැරිවිය මා පැවසූ ‘ඇය’ නම් නොවෙයි. ඒ ‘හෙලන්’ නම් ඇගේ සොහොයුරියයි. නිවුන් දරු දෙදෙනෙකුගෙන් එක් අයෙක්. එවිට මා ‘ඇය’ යනුවෙන් පවසන කෙනා මියගොස්ද..? විද්‍යානුකූලව ඔව්. නමුත් ඇයගේ මෙලොවට පැමිණීමේ දැඩි ආශාව තම මවගේ සිරුරෙන් ඉටුකරගත නොහැකි බව තේරුම් යත්ම, ඇය ඊට වෙනත් මඟක් සොයාගන්නවා. ඇය සොහොයුරිය (හෙලන්) ගේ සිරුරට ඇතුල්වී, වසර ගණනක් හෙලන්ගේ හිසෙහි සැගවී, සිරවී සිටිනවා. කෙසේ හෝ වසර 23කට පසු ඇයට හෙලන්ගේ සිරුරෙන් පිටවීමට.. නැතිනම්, ඇගේ ආත්මයට එම සිරුරේ පාලනය ලබා ගැනීමට.. අවස්ථාවක් උදාකරගැනීමට හැකි වෙනවා.

හොඳයි. එසේ නම් මා විස්තර කළා ඇති. ඉතිරිය.. ඇයට හෙලන්ගෙන් පිටවීමට හැකිවේද, හෙලන් ඊට ඉඩ දේවිද, ඇය තමාගේ පළිගැනීමේ වියරුව කෙසේ සපුරා ගනීවිද කියා දැනගැනීමට ඔබම චිත්‍රපටය බාගත කර නරඹන්න. හොඳ මට්ටමේ හොරර් නිර්මාණයක් කියා පවසන්න පුළුවන්. නමුත් මෙහි අඩංගු ඇතැම් දර්ශන නිසා කුඩා ළමුන්ට නැරඹිය නොහැකියි. එසේනම් මා අදට සමුගන්නම්. නැවතත් උපසිරැසියකින් හමුවෙමු. අවසාන වශයෙන් චිත්‍රපටය බාරදීම සම්බන්ධයෙන් හසන්ත වික්‍රමරත්න සොයුරාට මගේ විශේෂ ස්තූතිය..

ජයවේවා…!

 

 

 

Due to copyright issues, we do not provide any torrent links.

Let Her Out 2016 720p BRRip 650 MB – iExTV

Let.Her.Out.2016.720p.BRRip.x264.AAC.5.1.-.Hon3y

Let.Her.Out.2016.BDRiP.x264-GUACAMOLE

Let.Her.Out.2016.BRRip.XviD.AC3-RARBG

මෙම ලබා දී ඇති උපසිරැසි ඉහත පිටපත් සඳහා අදාළ වේ.

5,758 downloadsDownload Let-Her-Out-2016.zip67 KB

https://d36zzuvfojr38z.cloudfront.net/wp_content/uploads/2017/06/Chamith-Mihiranga.jpg මේ ලබා දී ඇති සිංහල උපසිරැසි පිළිබද “චමිත් මිහිරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2016-09-20
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.