Rec (2007) | මහල් නිවාසයේ සිදු වූ භීෂණය..!! [සිංහල උපසිරැසි සමඟ]

“Pablo, දෙවියන්ගේ නාමෙන් ඔය වෙන දේවල් පටිගත කරන්න වෙනවා.”

කවදාවත් ඔයාල වෙනස් අත්දැකීමක් ලබන්න උත්සහ කරල තියෙනව ද? මම කියන්නේ සාමාන්‍යය විදිහට ඒකාකාරීව චිත්‍රපටයක් බලනවාට වඩා මොකක්හරි පොඩි වෙනස්කමක් එක්ක චිත්‍රපටියක් බලන්න හිතිල තියෙනව ද? ඔව්, ඒ වගේ වෙනස්කමක් තියෙන චිත්‍රපටියක් තමයි සබ් එකත් එක්කම මම උස්සගෙන ආවේ. චිත්‍රපටිය ලතින් එකක්. දැන් ඔයාල හිතනව ඇති මොකද්ද මේ වෙනස්කම කියල. ඔව්, ඒ තමයි චිත්‍රපටිය පුරාවටම යන්නේ එකම දර්ශන තලයක්. එකම සිද්ධියක්. IMDb එකේ 7.6 ක සුපිරිම සුපිරි රෑන්ක් එකක් හිමිවෙලා තියෙන මේ චිත්‍රපටිය 2007 වසරේදී වාර්තා පිට වාර්තා තියන්න හැකි වෙලා තියනවා කියල වටින් ගොඩින් ආරංචි වෙනවා. ඒ වගේම චිත්‍රපටය Horror ගණයට තමයි වර්ගීකරණය කරල තියෙන්නේ. හොඳයි, ඔක්කොටම ඉස්සරල අපි බලමු මේ චිත්‍රපටියේ මොකද්ද වෙන සිද්ධිය කියලා,

මම ඉස්සරල කිව්වනෙ චිත්‍රපටිය එකම දර්ශන තලයකින් නෙ යන්නේ කියලා. Angela Vidal කියන්නෙ මාධ්‍යයවේදිනියක්. මෙයා තමාගෙ කැමරාකරුවා වන Pablo සමඟින් රාත්‍රී කාලයේදී වැඩසටහනක් පටිගත කරනවා. ඒ තමයි “ඔබ නිදි අතර” වැඩසටහන. මේ වැඩසටහනේ එදා මාතෘකාව වුණේ ගිනිනිවන භටයින්ගේ රාත්‍රී කාලෙයේ ජීවන තොරතුරු සොයා බැලීම. තම සගයා වන Pablo සමඟින් මේ Angela නගරයේ තියෙන ගිනි නිවන මූලස්ථානයට ගිහින් විස්තර සොයා බලා ඒවා පටිගත කරනවා. එක පාරටම මේ මධ්‍යස්ථානයට ඇමතුමක් එනවා මහල් නිවාසයක හිර වුණු ගැහැනියක් සම්බන්ධව. සැණෙකින් මේ ගිනි නිවන භටයන් සමඟින් මොවුන් එතනට ළඟා වෙනවා.

එතනදි සිද්ධ වුණු දේ ඔයාලට හිතාගන්න පුළුවන් ද? උදව්වට ගියපු ගිනි නිවන භටයින් සමඟ මාධ්‍යවේදිනිය වන Angela සහ Pablo මේ මහල් නිවාසයේ හිර වෙනවා. මොවුන්ට තේරෙනවා මේ මහල් නිවාසයේ කුමක් හෝ අත්භූත යමක් සිදුවන බව. මහල් නිවාසයේ හිර වී සිටින මිනිසුන් එකින් එකා සපා කෑමෙන් දරුණු ලෙස උන්මන්තක රෝගයක් වැලඳෙන්න පටන්ගන්නවා. ඇත්තටම මේ සිද්ධිය පිටිපස්සෙ තියෙන්නේ මොකක්හරි භයානක දෙයක්. නමුත් ඒක මොකක් ද? මේ හැමදෙයක්ම සිද්ධවෙන්නේ මහල් නිවාසෙ උඩ තට්ටුවෙන්. කවුද මේ උඩ තට්ටුවෙ ඉන්නේ? දැන් ඉතුරු වෙලා ඉන්නේ අර මාධ්‍යයවේදිනියයි තම සගයායි තවත් ගිනි නිවන භටයෙකුයි විතරයි. එයාලට මොකක් වෙයිද? එයාල මෙතනින් පැගන්න විදිහක් හොයාගනී ද? Pablo ගෙ කැමරාවෙන් හැමදෙයක්ම පටිගත වෙනවා. මෙතනදි, ඔබ බලන්නෙත් ඔහු කැමරාකරන දර්ශන. මේ විදිහට ඉතාම කුතුහලය දනවමින් චිත්‍රපටයේ ඉතිරි ටික ගලාගෙන යනවා. මම එච්චර දුරට කියන්න බලාපොරොත්තු වෙන්නෙ නෑ. චිත්‍රපටියෙ ඉතුරුටික බලන්න තියෙන්නේ ඔයාගෙ අතේ.

Little Nicholas (2009) චිත්‍රපටයේ සබ් එකට පස්සේ මේක මම දෙන දෙවෙනි උපසිරසි නිර්මාණය. කලින් එක වගේම මේකත් සුපිරියටම දුන්න ඔන්න. (කලින් සබ් එකට කමෙන්ට් කරපු සහ බාගත්ත හැමෝටම බොහොම ස්තූතියි). ඉතින් මේ වෙනස ඔයාල රසවිඳියි කියල හිතනව. චිත්‍රපටය බාගෙනම බලන්න. එහෙනම්, තවත් පට්ටම ෆිල්ම් එකකින් හමුවෙමු. මම ගියා…!!

 

 

699 MB කොපිය මෙතනින් බාගන්න

f8d761414af6003b1baaeca0c343976279a307c6 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

1,597 downloadsDownload Rec.2007.baiscopelk.zip34 KB

 

https://d36zzuvfojr38z.cloudfront.net/wp_content/uploads/2014/03/YasH.jpg මේ ලබා දී ඇති සිංහල උපසිරැසි පිළිබද “යස්මික සෞභාග්‍යය” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.