Samaritan (2022) Sinhala Subtitles | නපුරට එරෙහිව සටන් කරන වීරයා සමාරිටන්! [සිංහල උපසිරසි]

ආයූබෝවන් හැමෝටම ඔන්න එහෙනම් මේ වසරේ නිකුත් උන තවත් අළුත්ම චිත්‍රපටයක් මම අරගෙන ආවා. මේක ඊයේ (26) තමයි ඇමසෝන් ප්‍රයිම් ඔස්සේ නිළ වශයෙන් නිකුත් උනේ. සුපිරි නළු සිල්වෙස්ටර් ස්ටැලෝන්ව තවත් ඇමරිකානු සුපිරි වීරයකු විදියට ඔයාලට මේ සලරුවෙන් දැකගන්න පුළුවන්. වැඩිපුර කතාව කියන්නේ නැතුව චිත්‍රපටයේ අන්තර්ගතය මම ඔයාලට පොඩ්ඩක් විස්තර කරන්නම්. ශුද්ධ වූ බයිබලයට අනුව සමාරිටන් එහෙමත් නැත්තම් යහපත් සමරිතානුවා කියලා හඳුන්වන්නේ පුරාණ ඊශ්‍රායලයේ විසූ විපතකදී තරාතිරම නොබලා අනුන්ගේ පිහිටට පැමිණෙන ශුද්ධ වූ මිනිසෙකු විදියටයි. පසුකාලයෙත් ග්‍රැනිට් නගරයේ මේ වගේම සමරිටන් කෙනෙක් ඉඳලා තියෙනවා. ඒ වගේම ඔහු සුපිරි බලයකින් සන්නද්ධ සැමට උදව් කරන යහපත් මිනිසෙක් බවට ප්‍රසිද්ධියට පත්ව සිටියා. සෑම යහපතකට එරෙහිව නපුරකුත් තියෙනවා කියනවනේ. ඒ වගේම සමරිටන්ටත් දුෂ්ටයෙක් හිටියා ඒ වගේම ඒ වෙන කවුරුත් නෙමෙයි සමරිටන් සමඟ එක කුස උපන් ඔහුගේ නිවුන් සහෝදරයා වෙන නෙමෙසිස්. ඉතිං මේ යහපත අයහපත අතර ඝට්ටනය ග්‍රිනිට් නගරයේ අස්සක් මුල්ලක් නෑරම සිදු උනා. නමුත් දවසක් තීරණාත්මක දවසක් උදා උනා වගේම එදා දෙසොහොයුරන්ගේ ඉරණමත් වෙනස් උනා වගේම ග්‍රිනිට් නගරයේ ඉරණමත් වෙනස් උනා. ඒත් කවදාහරි නපුර විනාශ කරන්න යහපත නැවත එයි කියන බලාපොරොත්තුව කිහිප දෙනෙක්ගේ හිතවල යන්තමින් තිබුනා.

Samaritan කියන චරිතය පාදක කරගෙන තියෙන්නේ 2014දී Renzo Podesta විසින් Mythos Comics වෙනුවෙන් රචිත Samaritan කියන කොමික් චරිතය ඇසුරිනුයි. චිත්‍රපටය අධ්‍යක්ෂනය කරන්නේ Julius Avery විසින්. ඒ වගේම චිත්‍රපටය සම නිශ්පාදනයෙන් දායක වෙන්නේ Metro-Goldwyn-Mayer සහ සිල්වෙස්ටර් ස්ටැලෝන්ට අයත් Balboa Productions යන සමාගම් විසින්. ඉතිං මේ වෙද්දි IMDb හි 6.0ක අගයක් සහ 84%ක ගූගල් මනාප ලබාගන්න මේ සිනමාපටය සමත් වෙලා තියෙනවා. Action\ Drama\ Fantacy කාණ්ඩයන්ට අයත් මෙම සිනමාපටයේ ප්‍රධාන චරිතයට රංගනයෙන් දායක වෙන්නේ සුප්‍රසිද්ධ නළු Sylvester Stallone විසින්. ජෝන් රැම්බෝ සහ රොකී බල්බෝවා ලෙස අමරණීය චරිත මැවූ ඔහු හොලිවුඩයෙ පතාක යෝධයෙක් ලෙස හදුන්වන්න පුළුවන්. මෙහි සෙසු නළු නිළියන් ලෙස ළමා නළු Javon Walton සෑම් ලෙසත්, Pilou Asbæk සයිරස් ලෙසත්, Sophia Tatum සිල් ලෙසත්, Dascha Polanco ටිෆනි ලෙසත් මෙහි රංගනයෙන් එක් වෙනවා. එහෙනම් ඔයාලත් උපසිරසිය අරගෙන අදහසක් දක්වන්න කියලා ඉල්ලනවා. මට මේ චිත්‍රපටය ගැන දැනුවත් කරලා උපසිරසිගන්වන්න අවසර දුන්න චාමර සම්පත් සහෝටත් ගොඩක් ස්තූතිවන්ත වෙනවා. තවත් උපසිරසියකින් නැවත හමුවෙමු.

 

 

 

 

Due to copyright issues, we do not provide any torrent link. 

ලබා දී ඇති උපසිරසි WEB පිටපත් සඳහා අදාළ වේ.

18,978 downloadsDownload Samaritan-2022.zip42 KB

මේ ලබා දී ඇති සිංහල උපසිරැසි පිළිබද “ යුරාන් ධනුක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2018-08-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.