Sindhubaadh (2019) Sinhala Subtitles | මිනිස් ජාවාරමේ තවත් අමානුෂික පැතිකඩක්..! [සිංහල උපසිරසි සමඟ]

මක්කල් සෙල්වන් විජය සේදුපති කියන්නේ මහ අරුම පුදුම නළුවෙක්.! හරියට අවතාරයක් වගේ නොහිතන වෙලාවල නොහිතන ස්වරූපයන්ගෙන් චිත්‍රපටි අරන් එනවා. ඒ නිසා අපිත් එයා ගැන මීටරෙන් ඉන්නේ. මේ ලිපිය ලියන මොහොතෙත් පවා එයාගේ තව ෆිලුම් කිහිපයක්ම ළඟ ළඟම එන්න තියනවා. ඉතින් සේදුපතිගේ චිත්‍රපටි වැඩිපුරම කරපු උපසිරැසිකරුවා විදියට මම (ඉන්ද්‍රජිත්) මේ උපසිරැසිය භාර ගත්තට මොකද දැන් දැන් ඉස්සර වගේ කාල වේලාව හරස් වෙන නිසා ඔන්න MTR අයියත් එක්කහු කරගෙන වැඩේ ගොඩ දැම්මා. (ඇත්තටම වැඩි හරියක් කෙරුණෙත් තරිඳු අයියාගේ යතුරු පුවරුවෙන්). ඒ වගේම සිරාජ් ප්‍රියන්ත මල්ලිත් චන්දිම අමරසිංහ සොයුරත් (සෑර්) අපට මේකට සහයෝගය ලබා දුන්නා. දඩිබිඩියේ බාධක මධ්‍යයේ එළිදැක්වූවාට මොකද, මේකත් විවිධ ප්‍රේක්ෂක ප්‍රතිචාරයක් ලබාගත්තු ෆිලුමක් කියන්න පුළුවන්. හොඳම උපසිරැසියක් උණු උණුවෙම ගෙනත් තියෙන්නේ ඔයාලත් අනිවාර්යෙන්ම මේ ෆිලුම බලන්න ඕන නිසාමයි. එහෙනම්, ෆිලුම ගැන වැඩි විස්තර තරිඳු අයියා පහතින් ලියයි.

අද අපි සියලුම දෙනා ජීවත් වෙන්නේ ඉතාමත් දියුණු ලෝකයක. ඒ විතරක් නෙවෙයි මේ මොහ‍ොත වෙනකොටත් විවිධ නවතම සොයාගැනීම් ලෝකයේ කොතැනක හො සිදුවෙනවා. ඉදිරි අනා‍ගතෙදි අද කරන්න බැරි බොහොමයක් දේවල් ලේසියෙන් පහසුවෙන් කරන්න පුළුවන් වෙන්න තමයි මේ සොයාගැනීම් සිද්ද කරන්නේ.! ඉතින් කණගාටුවට කාරණයක් තමයි තවමත් අද අපි ජීවත්වෙන මේ වර්තමාන ලෝකයේ ඉතාමත් කෘෘර,පාපිශ්ඨ,අමානුෂික අඳුරු දේවල් තවමත් සැලකිය යුතු කොටසක සිද්ද වෙන එක. මේ අතර විශේෂයෙන් සඳහන් කරන්න ඕන දෙයක් තමයි හැමදේකටම ජාවාරම් කියලා දෙයක් තියෙන එක. ඉතින් අද මම ඔබ වෙත රැගෙන සිනමා පටයෙන්ද පෙන්වා දෙන්නේ අද ලෝකේ තියෙන ඉතාමත් පහත් අමානුෂික ජාවාරමක් සම්බන්ධවයි. ඒ මිනිසුන් විසින්ම මිනිසුන් අලෙවි කිරිමේ ජාවාරම.

අද ලෝකයේ විවිධ වර්ගයේ ජාවාරම් සිද්ද වෙනවා මත්ද්‍රව්‍ය,අනවසර භාණ්ඩ, ශරිර අවයව ඔන්න ඔය වගේ දේවල් මේ අතරින් ශරිර අවයවයන් මුදලට විකුණන ජාවාරමෙන් සිදු කරන්නේ ශරිරයේ තිබෙන අක්මා,වකුගඩු,ඇස්,හඳවත්, මේ වගේ අවයවන් අරගෙන ඉතාමත් ඉහල මිලකට අලෙවි කරන එක. අද කාලයේ ඉතාමත් ජනප්‍රිය වගේම කවුරු උනත් අකමැති නොවන දෙයක් තමයි රෑපලාවන්‍යකරණය. ලෝකයේ සිටින බොහොමයක් ධනවතුන් තමන්ගේ පෙනුම පැහැය පවත්වාගෙන යන්නට විවිධ ක්‍රියාවන් ඉතාමත් ඉහල මිලගණන් යටතේ සිදුකරගන්නවා. ඒවාට මිනිස් ශරිරයෙන් පවා ඇතැම් කොටස් අවශ්‍ය වෙනවා. මුලින් කී අවයව ජාවාරමේම අළුත්ම වෙළඳාම තමයි මිනිස් සම පවා අලෙවි කරන එක. ඒ කියන්නේ මිනිස් සමට පවා අවයවයන් අලෙවි කරන වෙළඳපලේ තියෙන්නේ අධික ඉල්ලුමක්.! ඇත්තටම මේවා කරන්නේ කොහොමද.? හිතාගන්නත් බෑ නේද..?

මේ වගේ දේවල් කරන්න ජාවාරම්කරුවෝ ඉලක්ක කරන්නේ දුප්පත් අහිසංක මිනිස්සු මොකද ඒ අයට යමක් සිද්ද වුනාම පෙරලා ප්‍රශ්න කරගෙන එන්න තිබෙන සම්භාවිතාව ඉතාමත් අඩුයි.! ඒ කාරණාවම තමන්ගේ වාසියට අරගෙන තමයි මොවුන් මේ වගේ පහත් ජාවාරම් සිද්ද කරන්නේ.! අද අප ඔබ වෙත සිංහල උපසිරැසි යොදා ගෙන ආ සිනමා පටයේ අන්තර්ගත වෙලා තිබෙන්නේ එවැනි කතාවක්..! මේ කතාව දමිළ සිනමා රසිකයො විතරක් නෙවෙයි පොදුවේ සියලුම දෙනා අනිවාර්යෙන් බැලිය යුතුම කතාවක් කියලා මම කිසිම පැකිලීමකින් තොරව යෝජනා කරනවා. මොකද අද බොහොමයක් දෙනා මුදල් අඟහිඟකම් වලින් මිදෙන්න වැඩි වැටුපක් වෙනුවෙන් විදේශ ගත වෙනවා.තමන්ගේ පවුලේ උදවියව විදේශ ගත කරනවා.! ඉතින් ඒ වගේ අය මේ ජාවාරම්කරුවන්ගේ ප්‍රධාන ඉලක්කගත ගොදුරු..! නිතරම දැනුමින් පෝෂණය වෙලා ඉන්න කෙනෙක් ලේසියෙන් අකරතැබ්බ වලට මුහුණ දෙන සම්භාවිතාව ඉතාමත් අල්පයි. අප ජීවත්වෙන සමාජේ ගොඩක් දේවල් වල අඳුරු පැතිකඩකුත් තියෙන බව දැන ගෙන ඉන්න එකත් සෑහෙන්න වැදගත්.! එතකොට තමන් වගේම තමන් ආදරේ කරන අය තමන්ගේ හිතමිතුරන්ව පවා එවැනි කරදර වලින් ඈත් කරගන්න පුළුවන් වෙයි.

‍මේ වසරේ ජුනි මස 21 වනදා තිරගතවීම සඳහා සියළු කටයුතු සූදානම් කර තිබු නමුත් ඇතිවු යම් ගැටලුවක් නිසා ජුනි මසම 27 වෙනිදා සිට තිරගත කිරිමට පටන්ගත් මේ චිත්‍රපටය ඔබ අප කවුරුත් දන්නා රංගන ක්ෂේත්‍රයේ හිනිපෙත්තටම ගිය දමිළ රංගධරයකු වන විජේ සේතුපති විසින් ප්‍රධාන චරිතය රඟ දක්වන අතර තවත් දක්ෂ දමිළ නිලියක් වන අංජලි ද මෙහි ප්‍රධාන චරිතයක් රඟදක්වනවා.Super Hit උන මේ චිත්‍රපටයේ අධ්‍යක්ෂණය හා රචනය S.U අරුන් කුමාර් විසින්. යුවන් ශංකර් රාජාගේ මියුරු සංගීතයෙන් සිනමාපටය තවත් අලංකාර වී ති‍බෙනවා. චිත්‍රපටය සඳහා උපසිරැසි ගැන්වීමට මටත් අවස්ථාව ලබාදීම සබැඳිව අප අඩවියේම සහෝදර උපසිරැසිකරුවකු වන ඉන්ද්‍රජිත් මල්ලිට ස්තුතිවන්ත වෙමින් අදට අප සමුගන්නවා. තවත් සිංහල උපසිරැසියකින් හමුවෙමු.

ඔබ සැමට කඳ සුරිඳු පිහිටයි.!

දැනට නිකුත් වූ දමිල පිටපත line audio සහිත පිටපතක් වන අතර එහි බොහෝ දෙබස් නෑසෙන තැන් ඇති නිසා දැනට නිකුත් වූ original මලයාලම් පිටපතට උපසිරසි ලබා දී ඇත. Original දමිල පිටපත නිකුත් වූ වහාම උපසිරසි යාවත්කාලීන කරනු ඇත

 

 

 

Due to copyright issues, we no longer provide any torrent links.

ලබා දී ඇති උපසිරැසි මලයාලම් HD  සහ Proper HD දමිල පිටපත් සඳහා අදාළ වේ.

17,878 downloadsDownload Sindhubaadh-2019-update.zip108 KB

මේ ලබා දී ඇති සිංහල උපසිරැසි පිළිබද “ඉන්ද්‍රජිත් උදය කුමාර” සොහොයුරාට සහ M.T.R. තරිදු රුක්ෂාන් පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.