Viking (2016) Sinhala Subtitles | ඔවුහු මරණය ජීවත් කලහ [සිංහල උපසිරසි සමඟ] (18+)

යටගිය දවස (ඒ කියන්නේ කාලෙකට කලින්) උපසිරැසියක් හැදුවට පස්සේ ඔන්න මගේ විසි හත් වෙනි උපසිරැසි නිර්මාණය ඔයාලට ගේන්නේ හරිම සතුටින් වගේම හිතේ පොඩි ලැජ්ජාවකුත් තියාගෙනයි. ඒ ඉස්සර වගේ මාසෙකට උපසිරැසි දෙක තුනක් පහුගිය ටිකේ ගේන්න බැරි උන නිසයි. ඒකට හේතුවක් තිබුණා. ගෙවුන මාස තුන හතරේ කෙල්ලෙක් නිසා හොඳටම නන්නත්තාර වෙලා හිටියේ. ප්‍රශ්න ප්‍රශ්න. ඔෆිස් වැඩත් අවුල් වෙලා තිබ්බේ. කෙල්ලො නම් එපාමයි. සත පහකට ෂුවර් නෑ. බලා ඉද්දී වෙනස් වෙනවා. තනිකම සැපයි.

හරි එහෙනම් විරහව පැත්තකින් තියල චිත්‍රපටයට යමුකෝ. මේක ඇත්තටම මං දෙන්න හිටියේ ගිය අවුරුද්දේ මැද වගේ. ඒ කියන්නේ මාසෙ දොළහකට විතර කලින්. මොකක්හරි හේතුවක් උඩ මේකට බාලගිරි දෝෂේ සෙට් වෙලා එක්ස්පයර් වෙනකල්ම කල් ගියා. හැබැයි මේ චිත්‍රපටයට සිංහල උපසිරැසියක් තාමත් මං දැනුවත්ව අන්තර්ජාලයේ නෑ. ඒ නිසා පරක්කු උනත් මං දිනුම්.

කතාව ඔයාලට තේරුම් ගන්න නම් මං හිතන්නේ උපසිරැසි අත්‍යවශ්‍ය වෙනවා. ඒ මේ චිත්‍රපටය රුසියානු භාෂාවෙන් නිර්මාණය කර තිබීමයි. Vikings ටෙලි සීරීස් එක බලපු අයට නම් මේ චිත්‍රපටයේ පසුබිම ගැන පොඩි අදහසක් කලින්ම ගන්න පුළුවන්. අනිත් අය YouTube එකේ ට්‍රේලර් එක බලන්නකෝ. Viking Russian 2016 කියල හෙව්වම ට්‍රේලර් එක එනවා. චිත්‍රපටයත් Limetorrents වෙබ් අඩවියෙන් ඔයාලට බාගන්න පුළුවන්. මේ චිත්‍රපටය මුල ඉඳන් අගටම සටන් වලින් පිරුණු කතාවක්. ඒ නිසා යුධ සටන් ජවනිකා වලට කැමති අයට නම් මේක ගොඩක් ගැලපෙනවා.

කතාවේ ප්‍රධාන චරිතය වන්නේ ව්ලැදිමර් (Danila Kozlovsky). ස්විටස්ලෝ රජුගේ පුතුන් තුන්දෙනාගෙන් කෙනෙක් විදිහට ව්ලැදිමර් සලකනු ලැබුවත් ඇත්තටම ව්ලැදිමර් කියන්නේ දරුකමට හදා ගත්ත අවජාතක ළමයෙක්. මේ නිසා එයාගෙ අනිත් සහෝදරයන් දෙන්නා ඒ කියන්නේ ඔලෙග් (Kirill Pletnyov) සහ යාපොල්ක් (Aleksandr Ustyugov) ව්ලැදිමර් ගැන වැඩි සැලකිල්ලක් දක්වන්නේ නෑ. ඒ විතරක් නෙමෙයි ඔලෙග්ට යාපොල්ක්වත් පේන්න බෑ. පිය රජතුමා මැරෙන්න කලින් දරුවන් තුන්දෙනා අතර තමන්ගේ රාජ්‍ය බෙදලා දුන්නත් බෙදාගෙන කාල පුරුදු නැති අයියල මල්ලිලා තුන්දෙනා බදාගෙන කන්න එකිනෙකා එක්ක යුද්ධ කරලා මරා ගන්න හැටි තමයි මේ කතාවෙන් කියවෙන්නේ. ඉතිං කතාවේ හැටියට දරුවන් තුන් දෙනාගෙන් දෙන්නෙක්ම පරලොව යනවා. ඉතිරි වෙන්නේ කවුද කියල මං කියන්න ඕන නෑනේ.

හැබැයි දෙයක් කියන්න ඕන. මට මේ කතාව බලද්දී රජවරු දෙන්නෙක් මතක් උනා. එක්කෙනෙක් තමා මහා ඇලෙක්සැන්ඩර් රජතුමා. දෙවෙනියා අශෝක රජතුමා. මේ දෙන්නම රජකම, යුද්ධය, ධනය, බලය කියන දේවල් අසීමිත ආසාවෙන් ජීවිතයට බද්ධ කරගෙන හිටපු අයයි. ඒත් කාලය ගත වීමත් සමගම ජීවිතය කියන්නේ මොකක්ද, යතාර්ථය කියන්නේ මොකක්ද කියලා මේ තුන්දෙනාටම තේරුණා. ඒ හා සමානවම මේ කතාවේ ඉතුරු වෙන රාජ කුමාරයාටත් බලයට එහා ගිය යතාර්ථවාදී මානසිකත්වයක් කතාව අවසානයට වෙන්න ඇති වෙනවා. කිසිම දෙයක් සදාකල් පවතින්නේ නෑ කියන එක එයාටත් තේරෙනවා. ඒ නිසා මේ කතාව අර්ථවත් චිත්‍රපටයක් විදිහටත් මං පෙන්වා දෙන්න කැමතියි.

පොඩ්ඩක් හෝව්, යතාර්ථය තේරුම් ගන්න කලින් පොඩි ජිල් බිරිස් සීන් දෙකතුනක් මේකේ තියනවා කියලත් කියන්න ඕන. ඒ කියන්නේ ව්ලැදිමර්ගෙ බිරිඳ රෝග්නෙඩා (Alexandra Bortich) අඩ නිරුවතින් වගේම සම්පූර්ණයෙන් නිරුවත්ව ඉන්න දර්ශන මේකේ තියනවා. ඕව බලල කොල්ලෝ කඩු එහෙම මුවහත් කරගන්න එපා ඔන්න. හැම කෙනෙක්ටම ජය වේවා!

 

 

 

 

Due to copyright issues, we do not provide any torrent links.

මෙම ලබා දී ඇති උපසිරැසිය BR පිටපත් සඳහා අදාළ වේ.

https://d36zzuvfojr38z.cloudfront.net/wp_content/uploads/2016/02/ChamikaraV.jpg මේ ලබා දී ඇති සිංහල උපසිරැසි පිළිබද “චාමිකර විදානගේ (චාමි)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2015-02-03
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.