Split (2016) with Sinhala Subtitles | මිනිස් මනසක අරක්ගත් අති බිහිසුණු මෘගයා [සිංහල උපසිරැසි සමඟ]

මිනිසා කියන්නෙ හරිම පුදුමාකාර නිර්මාණයක්. අපේ පැරණි කටවහරක් තියෙනවා, මිනිසා කියන්නෙ කාලා බලලාවත් තේරුම් ගන්න බැරි සත්වයෙක් කියලා. ඒකට ප්‍රධානතම හේතුව තමයි, මේ මොහොතකට කලින් ඉන්න මිනිසා නෙමෙයි තවත් මොහොතකින් ඉන්නෙ. මම මෙහෙම කියන්නම්. සමහරවිට අපිට කේන්ති ගියාම අපි කියනවා, “මගේ යකා අවුස්සගන්න එපා” කියලා. ඔබ මොහොතකට හෝ හිතුවද ඇයි ඔබ එහෙම කියන්නෙ කියලා. නැහැ නේද? සත්‍ය තමයි, අපිටත් නොදැනී, අපේ ශරීරයේ යක්ෂයෙක් ජීවත්වෙනවා. “කේන්තිය’ නම් වූ චිත්තවේගය මූලික කරගනිමින්, අපේ ශරීරයේ ගැඹුරු ආත්මයේ නිද්‍රෝපගතව වෙසෙන්නාවූ “යක්ෂ ආත්මය” අවදි වෙනවා. ඔබ කිසිදා තේරුම් නොගත්, සරල සත්‍ය එයයි. පොඩ්ඩක් ඉන්න…ඔබ විශ්වාස කරනවද, සමහර පුද්ගලයින්ගේ ශරීරයේ ඒ ආකාරයේ තවත් ආත්මයන් කිහිපයක්ම ඉන්නවා කියලා මම ඔබට කිව්වොත්?

විශ්වාස කරන්න ටිකක් අමාරුයි වගේ නේද? මම එහෙනම් මෙහෙම කියන්නම්…එක්තරා පුද්ගලයෙක් තුල, එකිනෙකට වෙනස් ආකාරයේ පෞරුෂයන් විසි තුනක් තියෙනවා කියලා කිව්වොත් ඔබ පිළිගන්නවද? සමාවෙන්න…විසි තුනක් නෙමෙයි, විසි හතරක්. විසි හතරවෙනි පෞරුෂත්වය මුදා හරින්නයි ඔහු දැන් උත්සාහ කරන්නෙ. ඔබ කිසිදා නොඅසූ විරූ අන්දමේ, අතිශයින් භයානක බිහිසුණු මෘගයෙකු සිය ආත්මයෙන් නිදහස් කිරීමයි ඔහුගේ අභිප්‍රාය වන්නේ…

තම උපන්දින සාදය අවසානයේ, සිය පියා සහ යෙහෙලියන් දෙදෙනෙකු සමගින් නිවස කරා ගමන් කිරීමට සූදානමින් සිටින්නාවූ තරුණියක්…නොසිතූ මොහොතක, මේ තරුණියක් තිදෙනා සිහිසුන්කොට පැහැරගන්නා තරුණයෙක්…තමන් සිටින්නේ කොහෙද, තමන්ව පැහැරගත්තේ කවුරුන් විසින්ද, තමන්ගේ ඉදිරි අනාගතය කෙසේ ලියැවී ඇත්ද…මේ ආදී දහසක් ප්‍රශ්න මධ්‍යයේ, අනේක විදි දුක් කම්කටොලු වලට මුහුණ දෙමින්, කාමරයක සිරකොට තබන්නාවූ නව යොවුන් තරුණියන් තිදෙනාගේ අවාසනාවන්ත ඉරණම කුමන ආකාරයෙන් විසඳේවිද? සමහරවිට ඔබ හිතාවි, මේ ආකාරයේ චිත්‍රපට ඔබ කොතෙකුත් නරඹලා ඇතිද කියා. නැහැ, ඔබ වැරදියි. කිසිම දිනෙක ඔබ මේ ආකාරයේ චිත්‍රපටයක් නරඹා තිබෙන්න හැකියාවක් නැහැ. තවත් සමහරු හිතාවි, මේ චිත්‍රපටය නීරස, කම්මැලි චිත්‍රපටයක් කියලා. මගේ වචනය විශ්වාස කරන්න, ඔබටත් නොදැනීම, ඔබව භීතියෙන් කිලිපොලා යාවි.

Horror, Thriller යන කාණ්ඩ නියෝජනය කරමින් 2017 වර්ෂයේ ජනවාරි මස 20 වෙනි දින නිල වශයෙන් මහජන ප්‍රදර්ශනය ආරම්භ කල චිත්‍රපටයක්…ඇමරිකානු ඩොලර් මිලියන නවයක බරපැනක් දරමින් නිෂ්පාදනය වුණා වූද, මේ සටහන ලියවෙන මොහොත වෙනවිට, 2017 වර්ෂයේ වැඩිම බොක්ස් ඔෆිස් ආදායම් වාර්තාවක් හිමිකරගත් චිත්‍රපට ලැයිස්තුවේ දහවෙනි ස්ථානය හිමිකර ගනිමින්, ඇමරිකානු ඩොලර් මිලියන 265.4 ක බොක්ස් ඔෆිස් ආදායම් වාර්තාවක් තමන් සතුකරගෙන ඇති චිත්‍රපටය…මේ වන විටත්, අසූ හයදහස ඉක්මවූ ප්‍රේක්ෂක ජනතා මනාපයෙන් Imdb දර්ශකයේ 7.4 ක ඉහල අගයකින් සමන්විත වන විශිෂ්ඨ සලරුවක්…X-Men: Apocalypse (2016), Victor Frankenstein (2015), X-Men: Days of Future Past (2014), X-Men: First Class (2011) යනාදී ප්‍රකට චිත්‍රපට තුලින් ප්‍රේක්ෂක ඔබ සැම හමුවට සපැමිණි, සම්මානනීය රංගධර, James McAvoy ගේ අති විශිෂ්ට රංගනයෙන් ඔපවත්වී, London Film Critics’ Circle සහ Saturn Awards යන සම්මාන උළෙලවල් හිදී, සම්මාන තුනක් සඳහා නිර්දේශ වී ඇති සුවිශේසී නිර්මාණයක් සමගින් පුරා හෝරා දෙකකට ආසන්න කාලයක් අතරමං වීමට සහෘද ඔබ සැමට කෙරෙන්නාවූ ආරාධනයත් සමගින් අදට ඔබෙන් සමුගැනීමට අවසරයි. හැමදෙනාටම ජයවේවා!!!

ප. ලි. – චිත්‍රපටය සඳහා උපසිරැසි ගන්වා ඇත්තේ, HC HDRiP පිටපතක් සඳහා වේ. නමුත් වගකීමෙන් කියනවා, වෙබ් පිටපතක් හා සමාන ඉහලම ගුණාත්මක තත්වයෙන් යුතු පිටපතක් සඳහායි උපසිරැසි ගන්වා තිබෙන්නේ. ඒ නිසා, චිත්‍රපටය නැරඹීමට කිසිසේත්ම බාධාවක් නැහැ. කොහොම වුනත්, සුපුරුදු පරිදි ගුණාත්මක පිටපතක් නිකුත් වුනු සැණින් උපසිරැසි යාවත්කාලීන කරලා දෙන්න පොරොන්දු වෙනවා.

චිත්‍රපටය උපසිරැසි ගැන්වීමට ලබාදුන් ප්‍රනීත් මධූ සොයුරාට විශේෂ ස්තූතියක් පිරිනමනු ලබනවා.

 

 

 

 

Due to copyright issues, we do not provide any torrent links.

 

Split.2016.720p.BluRay.x264-[YTS.AG]

ලබා දී ඇති උපසිරසි BR පිටපත් සඳහා යාවත්කාලින කර ඇත

29,989 downloadsDownload Split-2016-BR.zip49 KB

මේ ලබා දී ඇති සිංහල උපසිරැසි පිළිබද ““සිසිල ප්‍රසාද්” සහ  “යුශාන් පියුමාල්” යන සොහොයුරන් හට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගෙ අවසරය මතම සිදුවිය යුතුය.