Egypt [E – 05] | රොසෙටා සෙල් ලිපිය සහ කාර්ටුෂ් කලංකරණය [සිංහල උපසිරැසි සමඟ]

ඉතින් යාළුවනේ… බයිස්කෝප් සිංහලෙන් වෙබ් අඩවියෙන් ඔබ වෙත ගෙන ආ ලිපි ප්‍රමාණය 2000ක් වන මේ මොහොතේ මටත් ඊට සමගාමීව සිංහල උපසිරැසියක් සමගින් ලිපියක් ගෙන එන්න ලැබීම ගැන මුළු හිතෙන්ම ආඩම්බර වෙන ගමන් බයිස්කෝප් සිංහලෙන් වෙබ් අඩවියේ ඉදිරි ගමනට මගේ හද පතුලෙන්ම සුභ ප්‍රාර්ථනා එකතු කරන්නත් මේක අවස්ථාවක් කර ගන්නවා..

BBC ආයතනයෙන් පෞරාණික ඊජිප්තු ශිෂ්ඨාචාරය ගැන නිර්මාණය කරනු ලැබූ රූපවාහිණී වාර්තාමය වැඩසටහන් මාලාවේ පස් වෙනි කොටස තමයි මේ සිංහල උපසිරැසි යොදලා ඔයාලට ගෙනාවේ.. මෙහි කාර්ටුෂ් කලංකරණය කියලා හඳුන්වන්නේ මොකක්ද කියලා මුලින්ම කිව්වෙ නැත්නම් ඔයාලට ඒක තේරෙන එකක් නෑ.. ඊජිප්තුවේ හිටිය පාරාවෝ රජවරුන්ගේ නාමය ලියා තැබූ රූපාක්ෂර මාලාව තමයි මේ කාර්ටුෂ් කලංකරණය ලෙස හැඳින්වෙන්නේ.. එම රූපාක්ෂර මාලාව වෘත්තමය කොටුවකින් වට කොට දක්වා තිබෙනවා. එහි ඇතුලේ ඇති සංකේත වලින් නැගෙන ශබ්ධයෙන් එම පාරාවෝ රජුගේ නාමය කියැවෙනවා.

මෙම කොටසේ දැක්වෙන්නේ ඊජිප්තුවෙන් ‍සොයා ගනු ලැබූ රොසෙටා නම් සෙල් ලිපියක සඳහන්ව ඇත්තේ කුමක්දැයි විසඳීම සඳහා බ්‍රිතාන්‍යය සහ ප්‍රංශය අතර ඇති වන තරඟය පිළිබඳ කතාවයි. එම පාෂාණයේ භාෂා තුනකින් යම් පණිවිඩක් සඳහන් වෙනවා. මුලින්ම ඊජිප්තු රූපාක්ෂරද ඉන්පසු පෞරාණික ඊජිප්තු භාෂාවද අවසානයට පෞරාණික ග්‍රීක භාෂාවද යොදා ගනිමින් එහි පණිවිඩයක් සටමන් කොට තිබෙනවා. මෙම භාෂා තුනෙන්ම දැක්වෙන්නේ එකම පණිවිඩයක් බව සිතන වාග් විශේෂඥයන් තමන්ට වඩාත් සමීප පෞරාණික ග්‍රීක භාෂාව හා රූපාක්ෂර සංසන්දනය කොට මෙම රූපාක්ෂර කියවීමට දැඩි පරිශ්‍රමයක් දරනවා. ඒ සඳහා ප්‍රධාන වශයෙන් වාග් විශේෂඥයන් තිදෙනෙක් තරඟ වදිනවා. ඒ ඉංග්‍රීසි ජාතික තෝමස් යන්ග්, පැරීසියේ මහාචාර්ය සැසී සහ ප්‍රංශයේ දුෂ්කර ගම්මානයක ජීවත් වූ ජෝන්-ෆ්‍රැන්සොයිස් ෂැම්පොලියන්. මෙයින් ජෝන්-ෆ්‍රැන්සොයිස් ෂැම්පොලියන් විශේෂ තැනක් ගන්නවා. ඔහුගෙ සහෝදරයගෙ උදව්වෙන් පැරීසියේ මහාචාර්ය සැසීගෙන් පෞරාණික භාෂා පිළිබඳ ඉගෙනීමට පැමිණෙන ෂැම්පොලින්, නොයෙකුත් පැණ වලට පිළිතුරු සෙවීමේ දැඩි ආශාවෙන් පෙලෙන පුද්ගලයෙක්.

එකිනෙකා සතුව ඇති සම්පත් සහ බුද්ධිය යොදා ගෙන මෙම රූපාක්ෂර වලින් කියවෙන පණිවිඩය සහ රූපාක්ෂර වලින් දැක්වෙන අක්ෂර මාලාව වහා ගැනීම මුලින්ම සිදු කරන්නේ කුමන භාෂා විශේෂඥයාද? මෙහිදී ෂැම්පොලියන් විශේෂ තැනක් ගන්නේ ඇයි? මෙම රොසෙටා පාෂාණයේ මොන වගේ විස්තරයක් සඳහන් වෙලා තියෙනවද? රූපාක්ෂර, පෞරාණික ඊජිප්තු භාෂාව සහ පෞරාණික ග්‍රීක භාෂාවෙන් තියෙන්නේ එකම පණිවිඩයක්ද? මෙම අභිරහස් ලේඛනය භාෂා සංසන්දනය තුලින් විසඳන්න පුළුවන් වේවිද? නැත්නම් ඒකට වෙනත් ක්‍රමයන් යොදා ගන්න සිදු වේවිද? මෙම ලේඛනය තේරුම් ගන්න කොපමන කලක් ගතවේවිද කියලා කතාව බලලම දැනගන්න යාළුවනේ.

බයිස්කෝප් සිංහලෙන් වෙබ් අඩවිය මේ යන ගමනේ සෑම මොහොතකම ඔයාලා හැමෝම අපිත් එක්කම ඉඳීවි කියලා අපි බලාපොරොත්තු වෙනවා. හැමෝටම ජයවේවා!

 

 

ටොරන්ට් එක තුල සියලුම කොටස් ඇතුලත් වෙනවා. එයින් අවැසි කොටස පමණක් ඔබට බාගත කරගන්න පුළුවන්. එයට උපදෙස් සිංහලෙන්ම මෙතන තියනවා.

700 MB (4.2 GB) කොපිය මෙතනින් බාගන්න 2452b6216f6fd88faa56bc7c825dbceba5fa06c7 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් සයිට් එකකින් එම ටොරන්ට් එක බාගත කරගන්න.

1,529 downloadsDownload Egypt-E05.zip33 KB

https://d36zzuvfojr38z.cloudfront.net/wp_content/uploads/2012/10/දිනිඳු-සම්පත්.jpg මේ ලබා දී ඇති සිංහල උපසිරැසි පිළිබද “දිනිඳු සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                                                                                Next Episode >>