Inhumans [S01 : E05] with Sinhala Subtitles | ඇට්ලැන් තුල ඇවිලෙන ගිණිසිළු [සිංහල උපසිරැසි සමඟ]

මම කලින් සතියෙ පොරොන්දු වුනා මේ වතාවෙ මැක්සිමස් පිළිබඳව පොඩි විස්තරයක් කියනව කියලා. ඔන්න ඉතින් ඒ ගැන තමා මේ කියන්න හදන්නෙ. හරි එහෙනං මැක්සිමස්ගෙ දෙමව්පියන්ගෙන්ම පටන්ගමු. මැක්සිමස්ගෙ දෙමව්පියන් වෙන්නෙ Agon සහා Rynda. මෙයාලා තමයි ඉන්හියුමන්ලගෙ කලින් රජ්ජුරුවො සහ රැජින වුනේ. හැම කෙනෙක්ම වගේ මැක්සිමස්ටත් අවස්තාවක් ලැබෙනවා ටෙරිජන් වායුවට මුහුණ දෙන්න. නමුත් ඒ කාර්යයෙන් පස්සෙත් මෙයාගෙ කිසිම ඉන්හියුමන් ලක්ෂණයක් පෙන්නුම් කරලා නැ. ඒ කියන්නෙ මැක්සිමස් නිකන්ම මනුස්සයෙක්. කොහොම වෙතත් කාලයත් එක්ක මෙයාගෙ හැකියාවන් වර්ධනය වෙලා තියෙනවා. ඔව් දැන් ටිවි සීරියස් එකෙත් ඒ හරිය දැක ගන්න ලැබෙනවා. ඒ වගේම තමා අපි කතාව තුල දැක්කෙ එක වතාවක් මැක්සිමස් ඇට්ලැන් වල බලය අල්ල ගන්නවා විතරනෙ. ඒ වුනත් මෙයා කිහිප වතාවක්ම ඇට්ලැන් වල බලය අල්ලගෙන තියෙනවා. ඒ හැම වතාවකම වගේ නැවත වරක් මැක්සිමස්ම බලයෙන් නෙරපලා බ්ලැක් බෝල්ට් ඇට්ලැන් වල පාලනය අරන් තියෙනවා. ඒ ගැන ඉතින් කියන්න ගියොත් ලොකු හෑල්ලක් කියන්න වෙනවා. ඒ නිසා ඔය ටික දැනගත්තම ඇති.

දැන් බලමු මැක්සිමස්ට තියෙන හැකියාවන් මොනවද කියලා.

මැක්සිමස්ගෙ හැකියාව තමයි අනුන්ගෙ මනස පාලනය කරන්න පුළුවන් වීම. මැක්සිමස්ගෙ හැකියාවන් ටෙලිපති එහෙම නැත්නම් පරචිත්තඥානයෙන්වත් අවුල් කරන්න බෑ. ඒ කියන්නෙ මැක්සිමස්ට පුළුවන් හැඟීම් වගේම අදහසුත් පාලනය කරන්න. මැක්සිමස්ට හැකියාව තියෙනවා එයාගෙ අදහස් අන් අයගෙ මනසට ඇතුල් කරලා එයාලගෙන් වැඩගන්න. තවත් විශේෂ දෙයක් තමා මේ මනස පාලනය කිරීම එකම වතාවෙ කිහිප දෙනෙකුගෙ මනස වුනත් පාලනය කිරිමෙ හැකියාව මෙයාට තියෙනවා.

මනස පාලනය කිරිමට තියෙන හැකියාවටත් වඩා භයානකම හැකියාව තමයි මැක්සිමස්ගෙ තියෙන කූට මනස [ his own scheming mind.]. මැක්සිමස්ට හැකියාව තියෙනවා විශ්වාස කරන්න බැරි සැලසුම් යෝජනා කරන්න අඩුම තරමෙ කර්නාක්ටවත් අහුවෙන්නෙ නැතිවෙන්න. ඒ කියන්නෙ කර්නාක්ගෙ බලය මැක්සිමස්ට වැඩ කරන්නෙ නෑ කියන එක.[කර්නාක් පිළිබඳව පස්සෙ කියන්නම්] ඒ වගේම තමා මැක්සිමස්ට අධිමානුෂික බුද්ධියක් වගේම අතිශයින් වැඩි දියුණු කරපු අවි ආයුධ සහා උපකරණ විශාල ප්රමාණයක් මෙයා නිර්මාණය කරලා තියෙනවා. මේ උපකරණ අතරෙ තියෙනවා බ්ලැක් බෝල්ට්ගෙ හඩ ඝන සන්නායකයක් බවට හරවන්න පුළුවන් උපකරණයක් වගේම බ්ලැක් බෝල්ට්ගෙ හඬට ක්රියාත්මක වෙන නියුක්ලියෝ බෝම්බයක්. ඉතිං හිතා ගන්න පුළුවන්නෙ මැක්සිමස් කියන්නෙ කොච්චර නම් දරුණු කෙනෙක්ද කියලා. දැනටත් නපුරු එකේ බලයන් ලැබුනම කොහොමට තියේවිද. මොනාවුනත් Iwan Rheon මැක්සිමස්ගෙ චරිතය සුපිරියටම කරනවා කියන එක තමයි මට නම් කියන්න තියෙන්නෙ.

හරි එහෙනං සුපුරුදු විදිහට කලින් කොටස ගැන කියන්නම්.

බ්ලැක් බෝල්ට් හෙලිකොප්ටරෙන් පැනලා යන වෙලාවෙ මෙඩූසා කාර් එකකින් ඒ පස්සෙ පන්නගෙන එනවා. ඒහෙම යන්න ගිහින් පොලිසියෙනුත් පස්සෙන් ගෙන්න ගන්නවා. මොන දේ කලත් මෙඩූසට බ්ලැක් බෝල්ට්ව මගෑරෙනවා. බ්ලැක් බෝල්ට්ව ගෙනියන්නෙ මහාචාර්ය ඩෙක්ලන්ගෙ විද්යාගාරයකට. එයා පොරොන්දු වෙනවා මෙඩූසව හොයලා දෙන්න. ඔය අතරෙ තමා ක්රිස්ටල්ට ඩේව්ව හම්බවෙන්නෙ. එයාගෙ මාර්ගයෙන් ලොක්ජෝට බෙහෙත් කරන්න විදිහක් හොයා ගන්නවා. ඒ ඩේව්ගෙ හිටපු පෙම්වතිය හරහා. කොහොම වෙතත් එයා නම් ලොක්ජෝ දැකලා තක්කු මුක්කු වෙනවා. ඔය අතරෙ තමා මෙඩූස එක්ක ඉන්න ලුවිස්ට බ්ලැක් බෝල්ට් ගිය හෙලිකොප්ටරය හොයාගන්න විදිහක් මතක් වෙන්නෙ. ඒ වෙනුවෙන් මේ දෙන්නා ලුවිස් නැවතිලා ඉන්න හොටෙල් එකට යනවා.

මහාචාර්ය ඩෙක්ලන් බ්ලැක් බෝල්ට්ගෙයි අනික් කෙනාගෙයි ඩි එන් ඒ චෙක් කරලා පුදුම වෙනවා. ඔය අතර වාරයෙ තමා අපි නොහිතපු විදිහට මෙයා මැක්සිමස් එක්ක කතා කරන්නෙ. ඩෙක්ලන් කියන විදිහට මේ ඩි එන් ඒ වලින් හිතා ගන්න බැරි දේවල් වුනත් කරන්න පුළුවන්. මැක්සිමස්ට බලයන් ලබා ගන්න පවා. ඔය අතරෙ තමා මෙඩූසයි ලුවිසුයි ඉන්න හෝටලයට පොලිසියෙන් එන්නෙ. මේ දෙන්නා කොහොම හරි එතනින් පැන ගන්නවා. අන්තිමේ බ්ලැක් බෝල්ට් ඉන්න තැනත් හොයා ගන්නවා.

කොහොමහරි බ්ලැක් බෝල්ට් දැනගන්නවා එයාලව එක හිර ගේකින් තවත් එක්කට මාරු කලා වගේ වැඩක් වුනේ කියලා. ඉතින් මේ දෙන්නම ආපහු වතාවක් මෙතනින් පැනලා එළියට එනකොටම ඕරාන් ඇතුළු කට්ටිය මෙයාලට හරස් වෙනවා. මොර්ඩිස් බ්ලැක් බෝල්ට්ට පහර දෙන්න යද්දිම තමා මෙඩූසා ඇවිත් මිනිහගෙ ඇගේ වාහනේ හප්පන්නෙ. එතනදි ලොකු පිපිරීමක් වෙනවා. එතනදි බ්ලැක් බෝල්ට් සහ මෙඩූසා එකතුවෙනවා. ඒ දෙන්නා ලූකස්වත් එතනින් අරන් ලුවිස් එක්ක පිටත් වෙනවා.

ඔය අතරෙ ඇට්ලැන් වල මැක්සිමස්ට ඕන ආපහු වතාවක් ටෙරිජෙනිසස් වලට මුහුණ දෙන්න.ඒත් ඒකට ප්රවේණි කවුන්සිලය කැමති වෙන්නෙ නෑ. ඒ නිසාම මැක්සිමස් ප්රවේණි කවුන්සිලය නෙරපා දමන්න තීරණය කරනවා. අන්තිමේ එයාට කැමති ඕන දෙයක් කරන්න ඉඩ ලැබෙනවා.

එහෙනං මං ගිහින් එන්න. කමෙන්ටුවක් හලන් යන්න අමතක කරන්න එපා ඉතිං. එන්න එන්න අඩු වෙනවා වගේ දැනෙනවා අදහස් දැක්වීමෙ ප්රමාණය.

ජය වේවා!

 

 

 

Due to copyright issues, we do not provide any torrent links.

 

මෙම ලබා දී ඇති උපසිරැසිය HDTV පිටපත් සඳහා අදාළ වේ.

4,596 downloadsDownload Marvels-Inhumans-S01E05-Updated.zip26 KB

https://d36zzuvfojr38z.cloudfront.net/wp_content/uploads/2017/10/lahiru-prasad-new.jpg මේ ලබා දී ඇති සිංහල උපසිරැසි පිළිබද “ලහිරු ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2016-06-13
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.