The Last Ship [S05 : E01] Sinhala Subtitles | මරු පහර! [සිංහල උපසිරසි සමඟ]

ඉතිං මේ සූදානම හැමදෙනාම වගේ පුන පුනා බලාගෙන හිටපු ලාස්ට් ශිප් කතා මාලාවේ අවසාන සමය ආරම්භ කිරිමටයි. කතා සමයේ ආරම්භය නිසා වගේම කතාවේ සිදුවෙන දේ බලන්න ඉතුරු කරන්න ඕනේ නිසාත් ලිපියේ මේ කතාවේ සිද්ධ වෙන්නේ මොකක්ද කියන වග නම් කතා කරන්න සූදානමක් වෙන්නේ නෑ..

පසුගිය කතා සමයන් වලදී ජීව විද්‍යාත්මක අතින් මූලික වුනු කරුණු, ඒ කියන්නේ වෛරස නිසා ඒ ඒ අදියරයන් ලෝක තත්වයට දේශපාලනයට වගේම සමාජ ක්‍රමයන්ට බලපාපු ආකාරයන් වගේම, ඒ බලපෑම් වලට නේතන් ජේම්ස් ඇතුලු කණ්ඩායමට මුහුණ දෙන්න සිද්ධ වුනේ කොහොමද යන ආකාරයන් තමයි අපි කතා වලින් බැලුවේ. ඒ අතරේ ඒ කතාවන් වල හිටපු චරිත වලට මැරෙන්න සිද්ධ වුනු බවත් ඔයාලට දකින්න ලැබෙන්න ඇති. ඒ නිසාම ගොඩක් අයට කතාව කෙරෙහි තිබුනු ආසාවන් නැතිවෙලා ගියා. නමුත් යුද්ධයක් පිලිබද කතාවක් වුනාම සතුරෝ ඉන්නවා නම් ඒ සතුරෝ අතින් හොද අය කොහොමත් මැරෙනවනේ. ගේම් ඔෆ් ත්‍රෝන් බලාපු අයට නම් ඕක තේරුම් ගන්න එක කජ්ජක් නෙමෙයි. 😀 නමුත් මෙදා පාර වෛරසයන් අතරින් සයිබර් වෛරසයකට මුහුණ දෙන බව නම් පසුගිය සමය අවසන් වනවාත් එක්කම වගේ නිකුත් වුනු පස්වෙනි සමයේ පූර්ව ප්‍රචාරක පටයෙන් බොහෝ දෙනෙක් දැනගන්න නම් ඇති. ඉතිං කතාව බලාගෙන ගියපු ගොඩක් අයට වගේම මටත් හිතුණු කාරණාවක් තමයි, ඕනේවටත් වඩා වෛරස් ගාගන්න ගියොත් කතාවේ වැඩක් නැතිවෙනවා කියලා. මොකද කිව්වොත් වෛරස් වුනත් සීමාවක් තියෙන්න එපැයි. නමුත් කතාව සිද්ධ වෙන විදියට නම් වෛරස් එකේ බලපෑම දිගටම කතා සමය පුරාවටම බලපාන්න පුළුවන් වුනත්, එහි ප්‍රධානතම හානිය පලමු කතාංගයෙන්ම ඉවරයක් වෙයි. ඒ කියන්නේ රෙඩ් ෆ්ලූ වගේම රෙඩ් රස්ට් කියන වෛරසයන් ජීවත් වෙන හැම තැනකම පැතිරිලා විනාශ කරනවා වගේ පරිගණක වෛරසයකට එහෙම ජීවත් වෙන්න නම් පරිගණකයක් තියෙන තැනක්ම වෙන්න ඕනේ නේ. ඒත් මෙතනදී එහෙම වෙන එකක් නෑ කියලයි හිතෙන්නේ. මොකද කිව්වොත් ඇතිවන පලමු ප්‍රහාරයෙන් පසුව සිදුවන ප්‍රධාන සිද්ධි දාමය හුදෙක්ම දේශපාලනික ගැටුමක් මැදි කොටගෙනයි ගලාගෙන යන්නේ. ඒ නිසා මෙදාපාර ප්‍රධාන හතුරා වෛරසයක් නෙමෙයි. දේශපාලනික ප්‍රතිවාදියෙක්. මේ නිසා කවුරුත් බලාපොරොත්තු වුනු ඇල්මැරුණු ගතියකට වඩා ලොකු වෙනසක් මේ අවසන් කතා සමයේ ගොඩක් දෙනෙකුට බලාගන්න පුළුවන් වෙයි. ඒ වගේම තමයි වෙනදාටත් වඩා ලොකු හානි ප්‍රමාණයක් නේතන් ජේම්ස් ඇතුලු කණ්ඩායමට බලාපොරොත්තු වෙන්න වෙයි කියලත් හිතනවා. ඒ වගේම කලින් නැතිවුනාට වඩා බොහෝමයක් චරිත ප්‍රමාණයක් මේ කතා සමයේදී නැති වෙන්න පුළුවන් කියලත් හිතනවා. මොකද කිව්වොත් මේ කතා සමය පුරාවටම අපිට බලාපොරොතත්තු වෙන්න පුළුවන් වෙන්නේ සටන් සහ සැලසුම් පමණයි. වෙන වෙන විකාර නැතුව හැමෝටම දිගටම උද්වේගයෙන් යුතුව බලන්න පුළුවන් කතාංග රැසක් හමුවෙයි කියලා හිතනවා.

කතාව බලලා අදහසක් දක්වලාම යන්න කියලා කියන ගමන් මම අදට සමුගන්නං..

ආයු -බෝ -වේවා !!!

 

 

 

Due to copyright issues, we do not provide any torrent link.

මෙම උපසිරැසි  WEB  පිටපත් සඳහා පමණක් වලංගු වේ.

36,091 downloadsDownload The.Last_.Ship_.S05E01.zip49 KB

මේ ලබා දී ඇති සිංහල උපසිරැසි පිළිබද “ප්‍රණිත් රණසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – AUG 18, 2014
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.