The Rain [S01 : E07] Sinhala Subtitles | ප්‍රාතිහාර්යය…. [සිංහල උපසිරසි සමඟ]

ඔන්න එහෙනම් හත්වැනි කොටස එක්ක තමයි මේ ඔබ හමුවෙන්නට සූදානම… මේ කොටස ගැන කියන්න කලින් කලින් කොටස ගැන මතකය අවධි කරගමු. 

කලින් කොටස –

බියට්‍රිස් එක්ක තනිවෙන්න බොරුවක් කිව්ව රස්මුස් තමුන්ගේ ජිවිතයේ බොහොම සුන්දර දවසක් ඇය එකක් ගත කරන්නට සමත් වෙන අතරේ සිමෝනා ඇතුළු පිරිස කෑම ලබා ගැනීමේ අරමුණෙන් තවත් බංකර් එකක් වෙත ගමන් කරපු හැටි අමතක නැතුව ඇති කියල හිතෙනවා. මේ බංකර් එකෙත් මිනිස් වාසයක් සිද්ධ වෙලා තිබ්බ බවට ඔවුන් සාක්ෂි දකිනවා වගේම පැට්‍රික් එහි තිබූ ටැබ් එකකින් මේ බංකරයේ සිද්ධ වුන මහා අප්‍රසන්න සිද්ධියක් එහෙමත් දකිනවා… ඒ තුලින් තමයි අපි මෙතෙක් “අමුත්තන්” හැටියට හඳුනාගත් පිරිස ඇත්තෙන්ම කවුද කියන එක පැහැදිලි කරගන්නට සමත් වුනේ… ඔවුන් ඇපලෝන් සේවයකන් වගේම ඔවුන් දිවි බේරාගත් පිරිස දඩයම් කරන්නේ වෙන කිසිවක් නිසා නොවෙයි, ඔවුන් අතර වෛරසයට ස්වාභාවිකවම ප්‍රතිශක්තිකරණක් නිර්මාණය වුන කෙනෙක් ඉන්නවා ද බලන්න… ඔවුන් ඒ සඳහා ගෙන ගිය ක්‍රියා පටිපාටිය බොහොම දරුණු එකක් බව දකින්න ඇති…

මේ සියල්ල අස්සේ පැට්‍රික් තමුන්ගේ නියම ස්වරුපය පෙන්වමින් සිමෝනා ඝාතනය කරන්න හැදුව හැටි අමතක නැතුව ඇති කියල හිතනවා…. නමුත් ඒ සිදුවීම නිසා අපිට දකින්නට ලැබෙනවා තවමත් හරි හැටි පැහැදිලි කරගත නොහැකි දෙයක්… ඒ සිමෝනා, ලේයා වගේම මාර්ටින් වැස්සට තෙමුනත් කිසිවක් නොවෙන බව.. මෙතෙක් වැස්සෙන් දුවමින් හිටිය පිරිසට මේක සැබවින්ම ප්‍රෙහෙලිකාවක් බවට පත් වනවා… මේ සියල්ල එකක් සත්‍ය දැනගත් මාර්ටින් පැට්‍රික් පන්නා දමනවා… ඒ වගේම සිමෝනා මාර්ටින් හට කලින් කුරිරු වීඩියෝ පටයේ නියෝගය ලබා දුන් පුද්ගලයා තමුන්ගේ පියා බවත් හෙළි කරනවා…

මේ සියල්ල අස්සේ ආදරයෙන් මුසපත් වුන රස්මුස් අවදි වන්නේ බියට්‍රිස්ගේ මල සිරුර දකින්නටයි… ඉතින් ඉන් උමතු වුන ඔහු ඇයවත් රැගෙන බංකර් එක වෙත එන හැටිත්… මේ සියල්ල දකින පැට්‍රික් උදව් කිරීම ප්‍රතික්ෂේප කර දමා දුව යන විට අහුවෙන හැටිත් දකින මොහොතක් තමයි කතාව අවසාන වුනේ….

ඔහොම තමයි කලින් කොටස අවසාන වුනේ, මේ වෙනකොට අපි කරුණු කාරණා කිහිපයක් දැනගන්නට සමත් වෙනවා. ඒ වගේම එන්න එන්න මේ ප්‍රේහෙලිකාවේ අපි දන්න කරුණු ප්‍රමාණය වැඩි වෙනවා…

• ඇදහැලෙන වර්ෂාව බොහොම විසකුරුයි, තෙමුනොත් ඉරණම මරණය වන බව.
• ඔවුන්ගේ බංකර් එක වගේ තවත් බංකර් රට පුරා පැතිර තිබෙන බව.
• රස්මුස් තමයි මේ සියල්ලෙන් මිනිසුන් බේරා ගැනීමේ යතුර.
• ලෝකයම විනාශ වී වල්වැදි ඇති බව.
• ලෝකයේ පණ බේරාගත් තවත් මිනිසුන් සිටිනා බව.
• මාර්ටින්ගේ අතීතය.
• ආහාර සහ සියලුම අංගයන්ගෙන් සම්පුර්ණ තවමත් හරි හැටි භාවිතා නොවූ බංකර් ආසන්නයේ ඇති බව.
• සිනෝමාගේ පියා කෙසේ හෝ තවත් බංකර් එකක් වෙත පැමිණ ඇති බව.
• පියා ස්වීඩනයට යන්නට ඇති බව.
• නගරයේ මිනිසුන් කෑමබීම වෙනුවෙන් එකිනෙකා ඝාතනය කරගන්නා බව.
• බංකර් නිර්මණය කර තිබෙන්නේ මුර සංචාරයේ යෙදෙන අමුත්තන්ගේ ප්‍රයෝජනය වෙනුවෙන්.
• ෆ්‍රෙඩ්රික් ඇන්ඩර්සන් ලෝක විනාශයට සෘජුවම වගකිව යුතුයි.
• ජින්ගේ ජිවතුන් අතර ද ? නැත්නම් මියගිහින් ද ? යන ප්‍රශ්නය කණ්ඩායම සතුයි.
• ෆ්‍රෙඩ්රික් ඇන්ඩර්සන් මාරක වැස්සේ නිමැවුම්කරුවා බව.
• මාරක වැස්ස ඇපලෝන් සමාගමේ පරීක්ෂණයක අතුරු ප්‍රතිඵලයක් බව.
• නිරෝධන කලාපයේ මිනිස් දඩයක්කරුවන් ඇපලෝන් සමාගම විසින් එවන ලද ස්වභාවික ප්‍රතිශක්තිකරණක් සහිත මිනිසුන් හොයන කණ්ඩායමක් බව.
• සිමෝනා, ලේයා සහ මාර්ටින් යන තිදෙනාට වැස්සෙන් හානියක් නොවන බව.

ඉතින් මේ කරුණු හිත දරාගෙන අද  කොටස තුල සිද්ධ වෙන දෙය ගැන පොඩ්ඩක් කතා කරමු….

අද කොටස –

මේ කොටස බොහොම නොසිතු සිදුවීම් රැසක් සිදුවෙන, ඒ වගේම මෙතෙක් ලැබුණ හෝඩුවාවන් බොහොමයක් එකක් කරුණු පැහැදිලි වෙන කොටසක්. අද ආරම්භයත් රස්මුස්, බියට්‍රිස්ගේ නිසල මළසිරුරු ඔසවාගෙන බංකර් එක වෙත ඒමත් එකක් තමයි ආරම්භ වන්නේ. නමුත් කණ්ඩායමේ කිසිවෙකු ඔහුට උපකාර කරන්නට උත්සුක නොවන්නේ තමුන්ගේ ශරීර සෞඛ්‍ය පිලිබඳ ඇති බය සහ මරණයෙන් කිසිවෙකු නැවතත් මෙලොවට ගෙන ආ නොහැකි බව දන්නා නිසාවෙන්… මේ සියල්ල ගැන කලකිරීමක් ඇති කරගත් රස්මුස් බංකර් එකෙන් ඉවතට යන්නේ ජීවිතය හානි කර ගැනීමේ අරමුණෙන්…

මේ සියල්ල අතරේ අමුත්තන් ග්‍රහණයේ අවදි වන පැට්‍රික්ට බොහොම හොඳ දඩුවමක් ලැබෙන හැටි දැකගත හැකි වේවි… නමුත් කතාව ගලාගෙන යන හැටියට ඔබට දැකගත හැකි වේවි ඇපලෝන් ආයතනය කොයිතරම් කුරුරු සංවිධානයක්ද කියන එක… ඒ දිවි බේරාගත්ත පිරිසගේ පැත්තෙන් විතරක් නෙමෙයි ඔවුන්ගේම සොල්දාදුවන් පැත්තෙනුත්… ඉතින් අවසානය බොහොම නොසිතු කියන්නත් බැරි අපි සිතා සිටි අවසානයක් ඔප්පුකර පෙන්වීමක් වගේ කියන්න ඇහැකි…

තවත් එක කොටසක් පමණයි ඉතිරිව තියෙන්නේ. ඉතින් එහෙනම් ඊලග කොටසින් හමුවෙමු, එතෙක් ඔබට ජය වේවා !!!

 

 

 

 

Due to copyright issues, we do not provide any torrent links.

මෙම උපසිරැසිය WEB පිටපත් සඳහා වලංගු වේ.

 

https://d36zzuvfojr38z.cloudfront.net/wp_content/uploads/2018/03/28616527_1854152187963064_3150036820179633625_o-e1520102326421.jpg මේ ලබා දී ඇති සිංහල උපසිරැසි පිළිබද “සමීර කරුණාරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-02-12
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.