Twisted Metal [S02 : E07] Sinhala Subtitles | මේහෑම්ට ලැබෙන සුපිරි AI කාර් එක [සිංහල උපසිරසි]

Twisted Metal  Sinhala Subtitles

හයවෙනි එපිසෝඩ් එක පටන් ගත්තේ අතීත සිදුවීමකින්. ජෝන් ඩෝ සහ කැලිප්සෝ මුලින්ම මුණගැහුණු හැටි මෙතනදී පෙන්වනවා. මෙයාලා දෙන්නා ගින්නක් ළඟ වාඩි වෙලා කැලිප්සෝගේ පුරාවෘත්තය ගැනත්, තමන් කොහොමද මේ බිඳ වැටුණු දේශය ආයෙත් එක්සත් කරන්නේ කියලත් කතා කරනවා. කැලිප්සෝ කියන්නේ තමන්ට ඕනේ හැමෝගෙම අවධානය දිනාගන්න විතරයි කියලයි.

ආයෙත් වර්තමානයට ආවොත්, රේස් එක දරුණුවටම යනවා. ජෝන් කාර් එක හරවාගෙන ගිහින් මේහෑම්ව බේරගන්නවා. හැබැයි ග්‍රිම් ඇතුළු අනෙක් දරුණු තරඟකරුවන්ගෙන් මෙයාලට ලොකු බාධාවල් එනවා. මේ අස්සේ ඩෝල්ෆේස් (ක්‍රිස්ටා) තමන්ගේ EMP ආයුධය පාවිච්චි කරන්න ගිහින් වැඩේ වරදිනවා. අන්තිමේදී මෙයා තමන්ගේ ජීවිතය පූජා කරලා අනෙක් අයට රේස් එක ඉවර කරන්න උදවු කරනවා. ඩෝල්ෆේස් එතනම මරණයට පත්වෙනවා.

රේවන් තමයි මුලින්ම ඉලක්කය කරා යන්නේ. ජෝන් තමන්ගේ නංගී නැති වුණු දුකෙන් ඉන්නකොටම හැමෝවම බස් එකක පටවාගෙන තරඟාවලිය පවත්වන තැනට අරන් යනවා. කැලිප්සෝ කියනවා ඉස්සරහට තියෙන හැම වටයක්ම කලින් එකට වඩා මාරාන්තිකයි කියලා. මෙයාලව අරගෙන යන්නේ අතහැරලා දමපු ඉස්කෝලෙකට.

ස්ටූට දැන් ස්වීට් ටූත් එක්ක ඉන්න එක එපා වෙලා. මිනිහට මයික් එක්ක තිබ්බ වගේ හොඳ යාළුකමක් ඕනේ වෙලා තියෙන්නේ. හැබැයි ස්වීට් ටූත්ගේ තරහ අවුස්සන එක ඇඟට ගුණ දෙයක් නෙවෙයි කියලා ස්ටූ දන්නවා.

කැලිප්සෝ හැමෝවම ආපනශාලාවට ගෙන්නලා කියනවා, එක් එක් කණ්ඩායමකට තමන් දිනුවොත් ඉටු කරගන්න ඕනේ එකම එක ප්‍රාර්ථනාවක් කරන්න පුළුවන් කියලා. ජෝන් සහ ක්වයට් දෙන්නම ප්‍රාර්ථනා කරන්නේ නගරයේ තාප්ප විනාශ වෙන්න කියලයි.

ක්වයට් එතනින් ගියාට පස්සේ ජෝන් රහසින් තව කාසියක් අරන් අර ප්‍රාර්ථනා කරන ළිඳට දානවා. මිනිහා ප්‍රාර්ථනා කරන්නේ තමන්ගේ නංගී “ක්‍රිස්ටාව ආයෙත් ජීවත් කරවන්න” කියලයි.

ඉතින් මේ එපිසෝඩ් එක ගැන බැලුවම,

ජෝන් කරපු වැඩෙන් ක්වයට් එක්ක තිබ්බ එකඟතාවය කැඩුණා නේද ? හැබැයි තමන්ගේ නංගී වෙනුවෙන් එහෙම කරන එක සාධාරණයි කියලත් හිතෙනවා. මේ කොටස චරිත අතර තියෙන පුද්ගලික ප්‍රශ්න සහ ආතතිය ගැන වැඩි අවධානයක් දුන්න එකක් වුණා. හැබැයි ක්‍රිස්ටාව ආයෙත් පණ ගන්වන්න ජෝන් කරන ප්‍රාර්ථනාව නම් ටිකක් ගැළපෙන්නේ නැති කතාවක් වගේ. මොකද ක්‍රිස්ටා කියන්නේ මේ කතාවේ ඉන්න ඒ තරම්ම ප්‍රබල චරිතයක් නෙවෙයි. ඉතින් ජෝන් සහ ක්වයට් තරඟය දිනලා ක්‍රිස්ටාව ආයෙත් ගේනවා දකින්න ප්‍රේක්ෂකයෝ ලොකුවට උනන්දු වෙයි කියලා හිතන්න අමාරුයි.

ඇත්තටම මේ එපිසෝඩ් එකේ හොඳම කොටස තමයි ස්ටූ සහ ස්වීට් ටූත් අතර තියෙන අවුල. ස්ටූ දැන් ස්වීට් ටූත්ගෙන් ඈත් වෙන්න හරි, පොරට ද්‍රෝහි වෙන්න හරි ලෑස්ති වෙනවා වගේ පේනවා. ඒක කතාවට හොඳ කුතුහලයක් එකතු කරනවා. හැබැයි මම පෞද්ගලිකවම කැමති දෙන්නා එකට ඉන්නවා නම්. 🙂

මේ එපිසෝඩ් එකේ එක අඩුවක් තියෙනවා. අනිත් ඩ්‍රයිවර්ලා ප්‍රාර්ථනා කළේ මොනවද කියලා පොඩ්ඩක් හරි පෙන්නුවා නම් ඒක ගොඩක් වටිනවා. මොකද ඒ අයව මේ තරඟය මෙහෙයවන්නේ මොන වගේ අරමුණුද කියලා දැනගත්තා නම් තරඟයේ තියෙන උද්යෝගය තවත් වැඩි වෙනවා. කොහොමටත් අන්තිමේදී ජෝන් සහ ක්වයට් දිනන්න ලොකු ඉඩක් තියන බව අපි දන්නවා වුණත්, අනිත් අයගේ අරමුණු දැනගන්න තිබුණා නම් ඒක මීට වඩා ලස්සන වෙන්න තිබුණා.

 

 

 

Due to copyright issues, we no longer provide any torrent links.

මෙම ලබා දී ඇති උපසිරස WEBRip පිටපත් සඳහා ගැළපේ

281 downloadsDownload Twisted-Metal-S02E07-Sinhala-Subtitles.zip21 KB

 

මේ ලබා දී ඇති සිංහල උපසිරැසි පිළිබද “ UD Shehan ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

 

Subtitle Contributor Rank

GOLD MEMBER
JOINING DATE – 2016-12-05

SUB-MAKER RATING BY ADMINS

 

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

 

 

 

 

Twisted Metal, Twisted Metal S02, Twisted Metal Sinhala, Twisted Metal Sinhala Subtitles, Twisted Metal Sinhala Sub