Sooryavanshi (2021) Sinhala Subtitles | මුම්බායට නැවතත් ප්‍රහාරයක්? [සිංහල උපසිරසි]

අවුරුදු හැටකට කලින් බල තන්හාදික මිනිස්සු එකතු වෙලා
මේ රට ආගම් අනුව බෙදුවා.
අපි වගේ මිනිස්සුන්ටයි ඒකට දඩුවම් ලැබුනේ.
අපේ පවුල් බලෙන්, තමන්ගේ රටෙන්
තමන්ගේ ගෙවල් වලින් එලියට දැම්මා.
අවුරුදු පහක දරුවෙක් ඉස්සරහදී
එයාගේ තාත්තගේ බෙල්ල කැපුවා.
අම්මව මරලා දැම්මා.
පාකිස්තානයට ආවට පස්සෙත් ඒ
මිනිස්සුන්ට සරනාගතයෝ කිව්වා.
ඒ අවුරුදු පහේ දරුවා වුනේ මම.
අපිට ජීවිත පරිත්‍යාගයක් කරන්නම වෙනවා.
නැත්නම් අපෙයි උන්ගෙයි ඇති වෙනස මොකක්ද?
හින්දුස්තානය මගේ දෛවය වෙනස් කලා.
දැන් මම හින්දුස්තානයේ දෛවය වෙනස් කරනවා.

1993 දි මුම්බායට දාම බෝම්බ ප්‍රහාරයක් එල්ල වෙනවා. මුම්බායේ විවිධ ස්ථාන 12ක සිදු වන මේ බෝම්බ පිපිරීමෙන් සිය දහස් ගනනකට ජීවිත අහිමි වෙනවා. ඉන් පසුවත් එවැනි ප්‍රහාර කිහිපයක්ම මුම්බායට එල්ල වනවා. ඒ අතරේ ඒ සැමටම වඩා දරුනු ප්‍රහාරයක් ගැන බුද්ධි අංශ වලට තොරතුරු ලැබෙනවා. 1993 වසරේ එල්ල වුනු ප්‍රහාරයට RDX කිලෝ දහසක් ඉන්දියාවට ගෙනාවත් පිපිරිම් වලට යොදාගෙන තිබෙන්නේ කිලෝ හාරසියයක් පමනයි. ඉතුරු RDX යොදාගෙන තවත් බිහිසුනු ප්‍රහාරයක් එක්ක කරන්නට යන බවට ඔවුන්ට තොරතුරු ලැබෙනවා. ඉතින් එම පරීක්ශනය යොමු වෙන්නේ වීර් සූර්‍යවන්ශි ඇතුලු පිරිසට. ඔහුට මෙම පරීක්ශනය සාර්තකව විසඳා ගැනීමට පුලුවන් වෙයිද කියලා බලමු.

පහුගිය නොවැම්බර් මාසේ පස් වෙනිදා සිනමාශාලා වල තිරගත වීම ආරම්බ කරපු චිත්‍රපටියක් තමයි මේ අරගෙන ආවේ. රෝහිත් ශෙට්ටිගෙ Cop Universe එකේ සිව් වන චිත්‍රපටිය විදිහට තමයි සූර්‍යවන්ශි නිපදවෙන්නේ. ඒ වගේම බජිරාඕ සින්හම් සහ සිම්බා චරිතත් මේ චිත්‍රපටියේ අවසානයේදී දැකගන්න පුලුවන්. මේ චිත්‍රපටියේ ගීත ගත්තොත් ගීත හතරක්ම වෙනත් චිත්‍රපටි ගීත තමයි රීමේක් කරලා තියෙන්නේ. Khatta Meetha චිත්‍රපටියේ Aila Re Aillaa ගීතය, පංජාබි ගීතයක් වන Najaa ගීතය, Mohra චිත්‍රපටියේ එන Tip Tip Barsa Pani ගීතය සහ Hum Hindustani චිත්‍රපටියේ එන Hum Hindustani ගීතය අයත් වෙනවා.

ආදායම්අතින් පලමු දවසේ ආදායම ලෙස කෝටි 26.9ක් ලබා ගන්නවා. දෙවන දවසේ කෝටි 23.85ක්ද ලෙසින් සති අන්ත ආදායම කෝටි 77.08ක් ලබා ගන්නවා. දෙසැම්බර් දෙවෙනි දින වන විට කෝටි 227.79ක ආදායමක් ලබනවා. ඒ වගේම ලොව පුරා ප්‍රදර්ශනයෙන් කෝටි 288.4ක ආදායමක් ලබනවා. ඉතින් බලන ගමන් කමෙන්ටුවක් දාගෙන යන්න අමතක කරන්නත් එපා. තවත් චිත්‍රපටියකින් හමු වෙමු.

 

 

 

Due to copyright issues, we do not provide any torrent link

මෙම උපසිරැසි සියලුම HD සහ WEB DL පිටපත් සඳහා වලංගු වේ.

30,680 downloadsDownload Sooryavanshi-2021.zip105 KB

මේ ලබා දී ඇති සිංහල උපසිරැසි පිළිබද “දහරා මුතු අමා” සොහොයුරිට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2014-10-06
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.