Angrezi Medium (2020) Sinhala Subtitles | තාත්තගෙයි දූගෙයි ලන්ඩන් පලහිලව්ව! [සිංහල උපසිරැසි]

මතකද Hindi Medium කියන චිත්‍රපටිය. අර 2017දි සද්දයක් නැතුවම ඇවිල්ලා කවුරුත් නොහිතපු විදිහට සුපර් හිට් එකක් වෙච්ච චිත්‍රපටිය. අමතක වෙන්න විදිහක් නෑ, ලංකාවේ අපි අතරත් මේ චිත්‍රපටිය නොහිතපු විදිහට ජනප්‍රිය වුණා. ඉර්ෆාන් ඛාන්ගේ අසමසම රංගනයෙන් හැඩවෙච්ච හිනා කකා බලන ගමන් හිතත් සංවේදී කරවන මේ චිත්‍රපටිය ඔයා තාමත් බලලා නැත්තම් මේ දැන්මම බලන්න කියලයි ආරාධනාව.

ඔය Hindi Medium ගැන දැන් කතා කරන්න හිතුවේ, ඒකෙ දෙවැනි කොටස Angresi Medium චිත්‍රපටියේ ආගමනය හින්දයි. ඔව්, මේ තමයි කාගෙත් ආදරය දිනාගත්තු Hindi Medium චිත්‍රපටියේ ඊළඟ කතාව. හැබැයි කලින් කතාවට නම් කිසිම සම්බන්ධයක් නැහැ. ඒ නිසා ඒක නොබැලුවත් මේක බලන්න පුළුවන්. දෙක අතරේ එක සම්බන්ධයක් නම් තියෙනවා. ඒ තමයි මේ සැරෙත් ප්‍රධාන චරිතයෙන් අපි හමුවට එන්නේ ඉර්ෆාන් ඛාන්. වසර කීපයක් පිළිකා රෝගී තත්වයෙන් පීඩා විඳලා සුව වෙලා ඉර්ෆාන් පලවෙනි වතාවට අපි හමුවට එන්නේ මේ Angrezi Medium චිත්‍රපටිය හරහා. ඉර්ෆාන්ට අමතරව හිනා ගස්සන්න උපන් හපන්කම් ඇති දීපක් දොබ්‍රියාල්, අලුත් උනත් හරිම දක්ෂ රාධිකා මදන් එක්ක කවුරුත් දන්න කරීනා කපුර් ඛාන් මේ චිත්‍රපටියේ ප්‍රධාන චරිත වලට එක්කහු වෙනවා. ඊටත් අමතරව ඩිම්පල් කපාඩියා, රන්වීර් ෂෝරේ, පංකජ් ත්‍රිපාටි කියන ප්‍රවීණ නළුවොත් මේකට සම්මාදම් වෙනවා. ජාත්‍යන්තර සිනමා දර්ශකයේ මේ වෙද්දී 7.7ක ලකුණු අරන් ඉතා ලොකු ජන ප්‍රසාදයක් අරන් ඉන්නවා මේ චිත්‍රපටිය.

චිත්‍රපටියේ ආදායම් ගැන නම් අද කියන්න දෙයක් නැහැ. මොකද පහුගිය මාර්තු 13වෙනිදා තමයි චිත්‍රපටිය එලිදැක්වුණේ. ඒ වෙද්දී කොරෝනා රෝගය ඉන්දියාවත් ආක්‍රමණය කරන්න පටන් අරන් තිබ්බේ. එදා දවසේ රටෙන් බාගයකට වැඩිය සිනමාහල් වසා දමලා තිබ්බා. එහෙම වෙලත් පළමු දින සාමාන්‍ය චිත්‍රපටියක්වත් උපයන්නේ නැති කෝටි 4ක් ඉක්මවපු මුදලක් උපයන්න මේ චිත්‍රපටිය සමත් වුණා. දෙවැනි දවස සෙනසුරාදා වෙද්දී රටේ තවත් සිනමාහල් කිහිපයක් වසා දැමුණා. දෙවන දවසේ ආදායම කෝටි 3යි ගානක්. තුන්වෙනි දවස වෙද්දී සිනමාහල් ඔක්කොම ටික වසා දැමුණා. ඉතින් කියන්න දෙයක් නෑ ඒක අතීතයට අයිති දෙයක්. කොහොමත් පෞද්ගලිකව මං හිතන් හිටියේ කොරෝනාවෙන් පස්සේ මේක ආයේ තිරගත කරාවි කියලා. ඒත් හෙන ගහන්නා වගේ තිරගත වෙලා සති දෙකක් වගේ කෙටි කාලෙකින් මේකේ නිෂ්පාදකයෝ තීරණය කරලා තිබ්බා මේක ඩිජිටල් විදිහට එලිදක්වන්න. මැයි වල හොඳ කොපි එන්න තිබ්බ Angrezi Medium චිත්‍රපටිය, ගෙදර ඉන්න අපේ පාළුව මකන්න හිතුවටත් වඩා කලින් ආවේ ඔන්න ඔහොමයි.

චිත්‍රපටිය නම් මල් හතයි. හිනා කාලා මැරෙන්නයි වෙන්නේ ඉතින්. ඔන්න අඬන්න නම් ඔට්ටු නෑ හරිද? ඒ තරමට හැඟීම් සයුරක අපිව ගිල්ලන්න මේක සමත් වෙනවා. හැබැයි Hindi Medium එක්ක පෑහෙන්නවත් මේකට බැහැ කියලයි මගේ අදහස. Hindi Medium බලද්දිත් බැලුවට පස්සෙත් ප්‍රේක්ෂකයාට ලබා දෙන දේ අපමණයි. හැබැයි මේ Angresi Medium ඔයාලට ෆුල් එන්ටටේන්මන්ට් එකක් දෙනවා කියලා නම් සහතිකයි. ඒකෙ දෙකක් නෑ. එහෙනම් බලන්න ගන්නලා. අතයි බෙල්ලයි දෙකම රිදෙනවා. අපි ගියා එහෙනම්.

 

 

 

Due to copyright issues, we do not provide any torrent links.

 මෙම ලබා දී ඇති උපසිරසි Proper HD / WEB පිටපත් සඳහා අදාළ වේ.

17,606 downloadsDownload Angrezi-Medium-2020-WEB.zip147 KB

මේ ලබා දී ඇති සිංහල උපසිරැසි පිළිබද “මයුර සුරාජ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

           

Subtitle Contributor Rank
GOLD MEMBER
JOINING DATE – 2014-01-28
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.