Dream Girl (2019) Sinhala Subtitles | සිහින කුමරි.. [සිංහල උපසිරැසි සමඟ]

සුභ දවසක් බයිස්කෝප්වාසී සියලු දෙනාට. ටික දවසකට පස්සේ අද ඔන්න වසරේ තවත් ජනප්‍රිය චිත්‍රපටයකට උපසිරැසි අරගෙන එන්නයි මේ සූදානම. මේකට හොඳ පිටපත් නිකුත් වුනේ මීට ටික දවසකට කලින්. අරගෙන එන්න සෑහෙන්න පරක්කු උනා. ප්‍රමාදය පිලිබඳ සමාව ඉල්ලන ගමන් වැඩ රාජකාරි අස්සේ කරගන්න බැරුව හිරවෙලා ඉද්දි උදව් කරපු දහරා අක්කටත් ගොඩක් ස්තුතියි.

අයුශ්මාන් කුරානා ගැන ඉන්දියානු සිනමාව ගැන දැනුමක් තියෙන කෙනෙක් බොහොම හොඳින් දන්නවා ඇති. සාමාන්‍ය සිනමා රටාවෙන් වෙනස් වුනු අවදානම් සහගත සිනමා නිර්මාණයන් වලට අත තියල සිනමාව පැත්තෙන් ඉතාමත් සාර්ථක ප්‍රතිඵල නෙලාගත් කෙනෙක් තමා අයුශ්මාන් කියන්නේ. ඉතාමත් දක්ෂ ගායකයෙක්, නිවේදකයෙක් මෙන්ම අතිදක්ෂ නළුවෙක් වන අයුශ්මාන් බොලිවුඩ් සිනමාවේ පහුගිය කාලයේ ලොකු පෙරලියක් ඇති කරන්නට සමත් වූවා. පහුගිය වසර කිහිපයේම ඉතාමත් උසස් තත්වයේ තාත්වික සිනමා නිර්මාණ කිහිපයකටම දායක වෙමින් ඉහල විචාරක ප්‍රසාදයන් වලට බඳුන් වුනු නළුවෙක් තමයි ඔහු. එමෙන්ම තිරපිටපත් තෝරා ගැනීම අතින් මාගේ පෞද්ගලික අදහස අනුව අමිර්කාන්ට පසු හොඳම තිරපිටපත් තෝරා ගැනීමක් තියෙන නළුවෙක් විදිහට තමයි මා ඔහුව දකින්නේ. අමීර්කාන්, නානි, අයුශ්මාන් යනු එවන් තිරපිටපත් තෝරාගැනීම් අතින් හොඳ නමක් දිනාගත් නළුවන් තිදෙනෙක්.

අයුශ්මාන් පහුගිය වසරේ රඟපෑ අන්ධාධුන් සහ බදායි හෝ සහ මීට ටික කලකට පෙර පැමිණි ආටිකල් 15 චිත්‍රපටිය ඉතාමත් ඉහල ප්‍රේක්ෂක ප්‍රසාදයක් සහ දිනාගන්නට සමත් වුවා. එම චිත්‍රපට තුනම IMDB 8/10 පසු කරන්නට සමත් වූවා. එමෙන්ම සම්මාන උළෙලවල් රැසකදීම හොඳම නළුවාට හිමි සම්මානයද ඔහු දිනාගනු ලැබුවා. ඉතිං ඉන් පසු මේ වසරේ අයුශ්මාන්ගේ මීළඟ චිත්‍රපටය වූයේ Dream Girl චිත්‍රපටයයි. ගෑණු කටහඬක් සහිතව කතා කල හැකි උපතින්ම ආ හැකියාවක් සහිත පුද්ගලයෙකු වටා ගෙතන මේ කතාව අයුශ්මාන්ගේ රංගන හැකියාවේ තවත් පැත්තක් පෙන්නුම් කරන්නට සමත් වනවා. අයුශ්මාන් සමගින් මෙහි Nushrat Bharucha, Annu Kapoor, Manjot Singh, Vijay Raaz ඇතුළු රංගන ශිල්පින් රැසක් රංගනයේ නිරත වනවා. Raaj Shaandilyaa ගේ අධ්‍යක්ෂණයෙන් සහ Ekta Kapoor සහ Shobha Kapoor දෙපලගේ නිෂ්පාදනයෙන් හැඩවන මේ චිත්‍රපටය පහුගිය සැප්තැම්බර් 13 වනදා තිරගතවීම ආරම්භ කරමින් ඉන්දියානු රුපියල් කෝටි 200කට අධික ආදායම් මුදලක් ඉපයීමට සමත් වුවා.

වැඩි දෙයක් කියන්න යන්නේ නැහැ, මගහැරගන්නේ නැතුව නරඹන්න කියා ආරාධනා කර සිටිනවා. සාමාන්‍ය සිනමා රටාවෙන් වෙනස් වුනු සිනමා නිර්මාණයක් නිසාවෙන් ඔබට අලුත් අද්දැකීමක් එකතු කරනු ඇති. ලස්සන සින්දු දෙක තුනක් එහෙමත් චිත්‍රපටයේ තියෙනවා. සිද්ධ වුනු ප්‍රමාදයට නැවතත් සමාව ඉල්ලා සිටින අතර බාගයක් කරල දුන්නු දහරා අක්කට නැවතත් ස්තුතිය පල කර සිටිනවා. එමෙන්ම එදා සිට අද දක්වා අපහා එක්ව සිටින ප්‍රේක්ෂක ඔබ සැමවත් මේ මොහොතේ මත කර සිටින අතර ඉදිරියටත් බයිස්කෝප් අඩවිය සමගින් රැඳී සිටින්න ආරාධනා කර සිටිමින් අපි විසි වෙනවා.. ජයෙන් ජය.!

 

 

 

Due to copyright issues, we do not provide any torrent links.

මෙම ලබා දී ඇති උපසිරැසිය Proper HD පිටපත් සඳහා ගැලපේ.

18,957 downloadsDownload Dream-Girl-2019.zip78 KB

මේ ලබා දී ඇති සිංහල උපසිරැසි පිළිබද “තාරක නුවන් දිල්හාර” සොහොයුරාට සහ දහරා මුතු අමා” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

 

SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.