Flight Crew (2016) AKA Ekipazh with Sinhala Subtitles | මරණය පරදා ගුවනේ වික්‍රමය! [සිංහල උපසිරසි සමඟ]

ගුසීන් කියන්නේ රුසියානු ගුවන් හමුදාවේ සේවය කරන ගුවන් නියමුවෙක්. බොහොම එඩිතර නිලධාරියෙක් වගේම, කිසිම බලපෑමකට යටත් නොවී එඩිතර තීරණ ගැනීමට දෙවරක් නොසිතන ආකාරයේ නිලධාරියෙක්. මේ නිසාම යම් කිසි නියෝගයකට අවනත නොවී ක්‍රියාකිරීම නිසා මොහුව හමුදා සේවයෙන් පහකරනු ලබනවා. නමුත්, තම පියාගේ අඳුරුම් මාර්ගයකින් වෙනත් ගුවන් සේවා ආයතනයක ගුවන් නියමුවරයෙක් ලෙස රැකියාව ලබාගැනීම සඳහා සම්මුඛ පරීක්ෂණ සඳහා සහභාගී වෙනවා. නමුත්, ඉහල නිලධාරීන්ගේ දරදඬු තීරණ නිසා රැකියාව නොලැබී යාදෝ යැයි සැකයක් ඇති වුනත්, වාසනාවකටදෝ අවාසනාවකටදෝ අවසානයේ සහයක ගුවන් නියමුවෙක් ලෙස ඔහුට එම ආයතනයේ රැකියාව ලැබෙනවා. බොහොම පළපුරුදු, දරදඬු ගුවන් නියමුවෙකුගේ සහයකයා ලෙස සේවය කිරීමට පත්වන ඔහුට, එම නිලධාරියා සමග එකට වැඩ කිරීම සිතූ තරම් නම් ලෙහෙසි පහසු වන්නේ නැහැ.

ගුවනින් මගීන් එහා මෙහා ගෙනයෑමට අමතරව තවත් විශේෂ රාජකාරී කටයුතු වලට මෙම ගුවන් සමාගම විසින් සහය ලබා දුන්නා. එවැනි රාජකාරියක් සඳහා ගුසීන් සහ ඔහුගේ ගුවන් යානය එක්තරා දූපතක් වෙත පිටත්කර හරිනවා. ගිනිකඳු සක්‍රීය වීම නිසා විනාශ වෙමින් පවතින කුඩා දූපතක සිරවී සිටින්නා වූ මිනිසුන් පිරිසක් ගුවනින් රැගෙන ඒම තමයි ඔවුන් සතු රාජකාරිය වුනේ. නමුත්, බොහොම දරුණු ලෙස ගිනිකඳු සක්‍රිය වෙමින් පවතින්නා වූ මෙම දූපතේ වර්තමාන සැබෑ තත්වය පිළිබඳව මොවුන් දැන සිටියා නම්, තම ගුවන් යානය මෙම දූපතට ගොඩබැස්සවීමට පෙරාතුව සිය දහස් වාරයක් ඔවුන් කල්පනා කරනු ලබනු නියතයි. නමුත්, ඔවුන් පමා වූවා වැඩියි. ජීවිතය බේරාගැනීමට නම් කල යුතුව තිබුනේ පැන යෑම පමණයි. නමුත්, කොහෙට කියලා පැනගන්නද?

මේ එහෙනම් අරගෙන ආවේ රුසියානු චිත්‍රපටියක්. දන්න අය හොඳටම දන්නවා ඇති රුසියානු චිත්‍රපටි ගුණාත්මක අතින් මොන තරම් ඉදිරියෙන්ද ඉන්නේ කියලා. මේ චිත්‍රපටිය රුසියානු චිත්‍රපට ඉතිහාසයේ නිෂ්පාදනය කරන ලද දැවැන්තම චිත්‍රපටයක් කියලා බය නැතුව කියන්න පුළුවන්. Action, Adventure, Drama යන කාණ්ඩ ඔස්සේ, ඇමරිකානු ඩොලර් මිලියන නවයක බරපැනක් දරමින්, ඇමරිකානු ඩොලර් මිලියන විසි හතක බොක්ස් ඔෆිස් ආදායම් වාර්තාවක් පිහිටුවීමට සමත්කම් දක්වන ලද මෙම සිනමා සිත්තම, IMDB දර්ශකය තුල 7.0 ක ඉහල අගයක් වාර්තා කිරීමට සමත්කම් දැක්වුවා.

එහෙනම්, අරගෙන බලන්න. මුලින් මුලින් බොහොම නිස්කලංකව ගලාගෙන යන කතාව, ටික වෙලාවක් යද්දී උච්චතම ස්ථානයට ලංවෙනවා. එතන ඉඳන් ඇහිපිය ගහන්නේ නැතුව අවසානය වෙනකම්ම හුස්ම ගන්න එක අමතක කරවන තරමටම රසවත් චිත්‍රපටයක් කියලා වගකීමෙන් කියනවා.

හැමෝටම ජයවේවා!

 

 

 

Due to copyright issues, we do not provide any torrent links. 

Flight Crew 2016 BluRay 720p 1GB x264 Ganool

ලබා දී ඇති උපසිරසි ඉහත පිටපත් සඳහා අදාළ වේ.

9,612 downloadsDownload Flight-Crew-2016.zip59 KB

https://d36zzuvfojr38z.cloudfront.net/wp_content/uploads/2016/06/YushanPiyumal2.png මේ ලබා දී ඇති සිංහල උපසිරැසි පිළිබද “යුශාන් පියුමාල්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2013-06-02
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.