Green Lantern: Emerald Knights (2011) with Sinhala Subtitle | මගේ බලයෙන් පරිස්සම් වෙන්න! [සිංහල උපසිරසි සමඟ]

ඔන්න මේ ගෙනාවේ මගේ තුන්වැනි සිංහල උපසිරැසිය. මං මීට කලින් දුන්නේ Batman Year One 2011 ඇනිමේට්ටුවටනේ. මේ පාර ග්‍රීන් ලෑන්ටර්න්. මේක කරනවද නැද්ද කියලා හුඟ කාලෙක ඉඳන් හිත හිත හිටියේ. මේ බයිස්කෝප් එකට ළඟදී අළුත් කැටයම් පාරක් එහෙම දාල තියනවනේ, දැන් නම් කලින්ට වඩා ලයින් එකක් තියනවා නේ? ඒක නිසා මමත් හිතුවා තවත් උපසිරැසියක් කරන්න. ඔන්න වෙලාවක් ලැබුණු ගමන්ම ඊයේ රෑ බාර අරගෙන තමයි මේ උදෙන්ම අරගෙන එන්නේ.

මම මුලින්ම දුන්නු Green Lantern First Flight 2009 කස්ටියට මතක ඇතිනේ, ඒකෙදී තිබුණේ හැල් ජෝර්ඩ්න්ට අබින් සර්ගේ බල මුද්ද ලැබිලා ග්‍රීන් ලෑන්ටර්න් කෙනෙක් වුන විදියනෙ, සිනෙස්ට්‍රෝ කහ පාට මුද්දක් හදාගත්තා. ඒක කොළ පාටට වඩා ගොඩක් බලගතුයි. ඔහු මුළු ග්‍රීන් ලෑන්ටර්න් බලකායම යටත් කරගෙන කොළ මූල ධාතුව සම්පූර්ණයෙන්ම වගේ විනාශ කරා. ආරක්ෂකයෝ හැල් ගැන වැරදි අවබෝධයක හිටිය නිසා ඔහුගේ මුද්ද අයින් කරලයි තිබුණේ. නමුත් හැල් අවසාන සටනට ඒ මුද්ද හොයාගෙන යන්න හැදුවා. ඒත් මූල ධාතුව නැති නිසා බලයක් නැහැ.හැල් බැටරිය ළඟට ගිහිල්ලා කොහොම හරි ඒකට බලය ගත්තා. හැල් අසීමාන්විත විශාල බලයක් ලබාගෙන සුපිරිතමයෙක් වගේ වුණා. සිනෙස්ට්‍රෝගේ කහ පාට බලයත් එක්ක තනිව සටන් කරලා දිනුවා.

ඒ කලින් එකනේ, මේකෙදි වෙන්නේ මෙහෙමයි. අබින් සර්ගේ මුද්ද ලැබිලා හැල් ග්‍රීන් ලෑන්ටර්න් කෙනෙක් වෙනවා. සිනෙස්ට්‍රෝ තවමත් හොඳ කෙනෙක්.මේ කතාවෙ මූලික වෙලා තියෙන්නේ ග්‍රීන් ලෑන්ටර්න්ලගේ ඉතිහාසය. මේක නම් අනිවාර්යෙන්ම බලන්න ඕන එකක් කියලයි මම නම් හිතන්නේ. මොකද මේකෙදී හොඳ හොඳ කතා ගොඩක් දැනගන්න පුළුවන්. පළවෙනි ග්‍රීන් ලෑන්ටර්න් කවුද? ඒක වුණේ කොහොමද? කිලොවොග්ගේ ආධුනික ලෑන්ටර්න් අතීතය කෙබඳුද? ඇත්තමයි ඒ ටික නම් නියමයි. එතකොට කාටවත් හැප්පෙන්න බැරි බලගතුම ග්‍රීන් ලෑන්ටර්න් කවුද? ඒක නම් කට්ටියට හිතාගන්නවත් බැරි දෙයක්! මම පුදුම වුණා… තව හුඟ දෙනෙක්ගේ විස්තර ඔයගොල්ලන්ට දැනගන්න පුළුවන් වෙයි. ඒ වගේම මේකෙදි අර මම දුන්න අනිත්  Green lantern First Flight එකේ සිනෙස්ට්‍රෝ දුෂ්ටයෙක් උන එක ගැනත් කියවෙනවා. Green lantern චිත්‍රපටියෙදිත් අවසානයෙදි සිනෙස්ට්‍රෝ කහ පාට මුද්දක් දා ගන්නවනේ. ඒක නම් අනිවාර්ය සිද්ධියක්. මේකෙදි ඔය අතරේ ක්‍රෝනා කියලා යෝධ සතුරෙකුගේ ආක්‍රමණයක් සිද්ධ වෙනවා. ඒක නම් අර සුවිශේෂී කෙනා ඇවිල්ලා විසඳනවා. මම නම් කියන්නේ කාටූන් බලන්න කැමති කෙනෙක් නම් මේක අනිවාර්යයෙන් බලන්න ඕන සුපිරි කතාවක් කියලයි.

ආයිත් නම් අවුරුදු තුනක් විතර යනකම්වත් මට උපසිරැසියක් ගේන්න බැරි වේවි.මේක බලලා රස විඳින්න. 

෴යළි හමුවන තෙක් සැමට සුබ පැතුම්…!෴

 

 

651 MB (720p BR) කොපිය මෙතනින් බාගන්න

2867629E5618FBFEDD016A71DF715A8E8B1CEA6A

1.3 GB (1080p BR) කොපිය මෙතනින් බාගන්න

47640A8FA57FEF243067B50476FDF3F25CCA5FF0 Hash tag එක මාර්ගයෙන් ඉතා පහසුවෙන්ම, මෘදුකාංගය හරහා පමණක් ටොරන්ට් එක බාගත කරගන්න උපදෙස් සිංහලෙන්ම මෙතන තියනවා.

1,633 downloadsDownload Green-Lantern-Emerald-Knights-2011-baiscopelk.zip71 KB

 

https://d36zzuvfojr38z.cloudfront.net/wp_content/uploads/2015/03/හෂාන්-මධුවන්ත.jpg මේ ලබා දී ඇති සිංහල උපසිරැසි පිළිබද “හෂාන් මධුවන්ත – හෑෂ් [#]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.