Mortal (2020) Aka Torden Sinhala Subtitles | තෝර්ගේ නෑදෑයෙක්… [සිංහල උපසිරසි]

හරි ඔන්න මේකත් හසන්ත අයියා තමයි කරන්න පුළුවන්ද කියලා ඇහුවේ. ඉතිං තව එකක් බාර අරන් ඉන්න හින්දා බෑ ත් කියලා පස්සේ මේකෙ ලයින් අඩු හින්දා අනිත් ෆිල්ම් එක පස්සට දාලා මේක කරන්න ගත්තා. මේක IMDb අගය 5.7 ලබාගත්ත Fantasy/Action කියන වර්ග වලට අයත් වෙන නෝර්වීජියානු ෆිල්ම් එකක්. ඒ වුනාට ගොඩක්ම තියෙන්නේ ඉංග්‍රීසි දෙබස් නිසා මේක Mortal කියන නමෙන් ඉංග්‍රීසියෙනුත් නිකුත් වුණා. ඉතිං මේකේ අධ්‍යක්ෂකතුමා ගැන කිවුවොත් André Øvredal කියන අධ්‍යක්ෂකවරයා තමයි මේක අධ්‍යක්ෂණය කරලා තියෙන්නේ. එතුමාගේ අධ්‍යක්ෂණයෙන් තමයි The Autopsy of Jane Doe (2016) කියන ෆිල්ම් එක නිෂ්පාදනය වෙලා තියෙන්නේ. බලලා නැත්තම් ඒකත් අනිවාරෙන්ම බලන්න.. සුපිරි මූත්‍රා පහවෙන Horror එකක්. ඉතිං මේ ෆිල්ම් එකේ නළු නිළියෝ ගැන කිවුවොත් ප්‍රධාන චරිතය වන එරික්ට Nat Wolff සහ ක්‍රිස්ටීන්ට Iben Akerlie රංගනයෙන් දායක වෙනවා. තව Priyanka Bose කියන රංගන ශිල්පිනිය හාර්තවේ ට රංගනයෙන් දායක වෙනවා. එයා අර Dev Patel ගෙදර එන Lion (2016) ෆිල්ම් එකටත් රංගනයෙන් දායක වෙනවා.

ඉතිං මේ කතාව ගැන නම් කියන්න දෙයක් නෑ. ඒක බලන්න. මම පසුබිම ගැන ටිකක් කියන්නම්. මේකෙ මනුස්සයෙක්ට තෝර්ගේ බලේ හම්බෙන සීන් එකක්නේ තියෙන්නේ. ඉතිං තෝර් කියන්නේ කවුද? කට්ටිය කියයි ඉතිං අවෙන්ජර්ස්ලාගෙන් කෙනෙක් කියලා. නැත්තම් මාවෙල් කොමික් චරිතයක් කියලා.(මට නම් ඕවා අදාළ නෑ.. මම හිසේ සිට දෙපතුල දක්වාම DC ෆෑන් කෙනෙක්) ඒත් ඇත්තටම තෝර් කියන්නේ නෝර්වීජියානු මිත්‍යා සංග්‍රහයේ එක දෙවි කෙනෙක්. මාවෙල් කොමික් වලටත් තෝර්ව අරන් තියෙන්නේ එතනින් තමයි. මාවෙල් ෆෑන්ස්ලාට නම් තෝර් කියන්නේ අකුණු වලට අධිපති දෙවියානේ. ඒ වුනාට ඇත්තටම තෝර් කියන්නේ අකුණුවලට, වැස්සට.. ඒ වගේම ගොවිතැනටත් අධිපති දෙවියා. (බලනකොට මෙච්චර කල් අවෙන්ජර්ස්ලාත් එක්ක එකට සටන් කරලා තියෙන්නේ ගොවි මහත්තයෙක්නේ. දැන් මාවෙල් අයට රිදෙයි ඉතිං.) කොහොමහරි මේ ෆිල්ම් එකට නම් පාදක කරගෙන තියෙන්නේ නෝර්වීජියානු මිත්‍යා සංග්‍රහයේ කතා තමයි. ඒක නිසා මේකෙ ඉන්න කෙනාට අකුණු වලට අමතරව තවත් විශේෂ බල තියෙනවා. ඉතිං ඒ මොනාද කියලා ඔයාලම බලාගන්න.

ඉතිං මේ ෆිල්ම් එක දුන්නු හසන්ත අයියටත් බයිස්කෝප් ටීම් එකේ හැමෝටමත් මම ස්තූතිවන්ත වෙනවා. ඉතිං සබ් එක බාන ගමන් කමෙන්ට් එකකුත් දාගෙනම යන්න කියලා ඉල්ලන ගමන් මම සමුගන්නවා. ඉතිං මේ සතියෙම තවත් ෆිල්ම් එකකින් හම්බෙනකන්… ඔබට සුභ දවසක්…!!

 

 

Due to copyright issues, we do not provide any torrent link.

මෙම ලබා දී ඇති උපසිරැසි WEB පිටපත් සඳහා අදාළ වේ.

8,905 downloadsDownload Mortal-2020.zip17 KB

මේ ලබා දී ඇති සිංහල උපසිරැසි පිළිබද “ ගීත් මිහිර සත්සර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2020-04-26
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.