Njandukalude Naattil Oridavela (2017) Sinhala Subtitles | කකුළුවන්ගේ දේශයේ නිවාඩුවක්..! [සිංහල උපසිරැසි සමඟ]

කුරියන් චාකෝ කියන්නේ තමන්ගේ අම්මාගේ ඉල්ලීම මත ලන්ඩන් වල ඉඳලා කේරලයට එන තරුණයෙක්.අම්මා දුරකතනයෙන් කතා කරලා එක පාරටම ඔහුට ගෙදර එන්න කියනවා.ඒත් ඒ මොනවටද කියලා කියන්නේ නෑ .මේ ගැන කුතුහලයෙන් ඉන්න කුරියන්ට ගුවන් යානය ඇතුලෙදි එයාගේ යාළුවෙකුගෙන් ඉඟියක් ලැබෙනවා.යාළුවගේ මතය වෙන්නේ ඒ විදියට අම්මා කතා කරේ කුරියන්ගේ විවාහය ඉක්මනට කරලා දෙන්න කියලා.කුරියනුත් ඒ ගැන හිතලා ගොඩක් සතුටෙන් තමන්ගේ ගෙදරට යනවා.කුරියන්ට අක්කා කෙනෙක් සහ නංගි කෙනෙක් ඉන්නවා.අක්කා නම් විවාහකයි.කුරියන්ගේ අම්මා ගුරුවරියක්.මේ අය වගේම කුරියන්ගේ සීයාත් එයාලා එක්ක ජීවත්වෙනවා.කුරියන්ගේ අම්මා හැම දේකටම ගොඩක් ධෛර්යවන්තව මුහුණ දෙනවා.එයාගේ තාත්තා නම් ඊට හාත්පසින්ම වෙනස් කෙනෙක්.මේ වගේ පවුල් පසුබිමක් තමයි කුරියන්ට තියෙන්නේ.කොහොමවුනත් කලින් සඳහන් කරපු විදියට එහෙමත් නැත්නම් කුරියන් හිතාගෙන ඉන්න විදියට එයාගේ විවාහය වෙනුවෙන් නම් නෙමෙයි එයාගේ අම්මා කුරියන්ට කේරලයට එන්න කියලා කියන්නේ.එහෙම කතා කරන්න හේතුව වෙන්නේ කුරියන්ගේ අම්මට එයාට පිළිකාවක් තියෙනවා කියලා සැකයක් ඇතිවෙන එක.කොහොමවුනත් කුරියන් මේ ගැන දැනගන්නේ ටික දවසක් ගෙවුනට පස්සේ.කුරියන්ගේ අම්මට ඒ විදියේ රෝගයක් වැළඳිලා කියලා වෛද්‍ය පරීක්ෂණ වලින් තහවුරු වෙයිද? කුරියන් මේ දේට ඉස්සරහට මොන විදියට මුහුණ දෙයි ද? එයාගේ පවුලේ අනිත් අය මේකට මොන විදියට මුහුණ දෙයි ද? කුරියන්ගේ අම්මගේ ඉරණම මොන විදියට විසඳෙයි ද?

ඔන්න මේ සති අන්තයේත් මලයාලම් රසිකයින් එනකල් බලාගෙන හිටපු තවත් චිත්‍රපටියක් අරගෙන තමයි ආවේ.ෆිලුම නිකුත්වෙන්නේ සැප්තැම්බර් 1වෙනිදා.ඒ Comedy, Family, Romance කියන ගණයන් ඔස්සේ වර්ගීකරණය වෙමින්.ඇත්තටම ගොඩක් මලයාලම් රසිකයින්ගේ අවධානය ෆිලුමට යොමුවුණේ මෙහි ප්‍රධාන රංගනයට පණ පොවන්නේ Nivin Pauly නිසා කිව්වොත් ඒකෙ වරදක් නැහැ .ලංකාවේ අපේ ගොඩක් අය මලයාලම් සිනමාවට ඇබ්බැහි වෙන්න හේතුවුන Premam(2016), Bangalore Days (2014) වගේ ආදරණිය චිත්‍රපට වල Nivinගේ රංගනය ගොඩක් කැපී පෙනෙන දෙයක් වුනා.Nivin එක්ක ෆිලුමේ ප්‍රධාන නිළිය විදියට රංගනයෙන් දායකවෙන්නේ නවක නිලියක්.ඒ වගේම කුරියන්(Nivin)ගේ අම්මාගේ චරිතයට පණ පොවන Shanthi Krishnaගේ සිනමා දිවියේ අවුරුදු 19ක හිස් තැනෙන් පසුව නැවතත් ඇය සිනමාවට එකතුවෙන චිත්‍රපටය ලෙසත් මේක ලොව පුරා මලයාලම් රසිකයින් අතර ජනප්‍රිය වුනා.චිත්‍රපටයේ අධ්‍යක්ෂණය,සංගීත අධ්‍යක්ෂණය සහ කැමරාකරණය සඳහා දායකත්වය දක්වන්නේ මේ චිත්‍රපටයෙන් ඒ ඒ ක්ෂේශ්ත්‍ර වලට එක්වෙන නවක කලාකරුවන් තිදෙනෙක් විසින්.ෆිලුම මේ වෙද්දී 7.2ක IMDb අගයක් ලබලා තියෙනවා.ඒ වගේම මෙය ආදායම අතින් ඉතා සාර්ථක වුන චිත්‍රපටයක් විදියට වාර්තා වෙනවා.

ගොඩක් වෙලාවට මේක මේ අවුරුද්දේ අරගෙන එන අවසාන උපසිරැසිය වෙන්න පුළුවන්.ඒ නිසා අවසාන වශයෙන් හැමෝටම සුභ මලයාලම් සිනමා සති අන්තයක්, සුභ නත්තලක් සහ සුභ නව වසරක් ප්‍රාර්ථනා කරනවා! එහෙමනම් තවත් ෆිලුමකින් ආයෙත් හමුවෙමු. එතෙක් ඔබට ජය!

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි DVDRip පිටපත් සඳහා වලංගු වේ.

11,805 downloadsDownload Njandukalude-Naattil-Oridavela-2017.zip80 KB

https://d36zzuvfojr38z.cloudfront.net/wp_content/uploads/2017/01/TharinduRRasanga1-e1485642059118.jpg මේ ලබා දී ඇති සිංහල උපසිරැසි පිළිබද “තරිඳු රසාංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-01-29
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.