Reset (2017) Sinhala Subtitles | කාලය-අවකාශය හරහා දෙලොවක් යා කල මව් සෙනෙහස! [සිංහල උපසිරැසි සමඟ]

අම්මා! මේ ලෝකේ උතුම්ම පදවිය. බුදුන්ට පමණක් දෙවැනි වන්නා වූ, ගෙදර බුදුන් තමයි, අම්මා! දස මසක් කුසේ දරාගෙන සිට, මෙලොවට බිහි කරන්නා වූ දරුවා හට තම රුධිරය කිරි බවට හරවා පෝෂණය කරන්නා වූ මිහිපිට දෙවියන්… අම්මා! තමන් හරි හැටි නොකා නොබී, තමන්ගේ කොටසත් දරුන්ව හට කන්න දී, ඒ දෙස බලා සිට සතුටු වෙමින් තම කුසගිනි නිවාගන්නා… අම්මා! සැපේදී මිනිසුන් ඕනේ තරම් ඔබත් එක්ක ඉඳීවි. හැබැයි දුකේදී හැමෝම ඔබව අත්හැරලා දාලා යාවි. එකම එක්කෙනෙක් ඇරෙන්න… අම්මා! ඔබ කාගෙන්හරි දෙයක් ඉල්ලන්න… බහුතරයක් දෙනා ඔබව මගහරීවී. නමුත් ඔබ අම්මගෙන් දෙයක් ඉල්ලන්න. සතුටෙන් හිනාවෙලා ඔබගේ නාමයෙන් තම ජීවිතය වුනත් ඇය ඔබ වෙනුවෙන් පූජා කරාවි. ඒ තමයි අම්මා! ධනය මත, බලය මත සියල්ල වෙනස් වන ලෝකයේ, කිසිවිටෙකත් අංශු මාත්‍රයකින් හෝ නොවෙනස්ව තම දරුවන් වෙනුවෙන් ඇප කැප වී, දරුවන්ගේ සතුට තම සතුට කරගත්තා වූද, දරුවන්ගේ දුක තම දුකක් කරගත්තා වූද ලොව ආදරණීයම පදවිය… අම්මා!

ඇයත් අම්මා කෙනෙක්, හය හතර නොතේරෙන්නා වූ දරුවෙකු සමගින් මෙලොව තනි වූ. රැකියාවෙන් ඇය විද්‍යාඥවරියක්. රැකියාවේ ස්භාවය නිසාම බොහොම අවිවේකී දිවි පෙවතක් තමයි ඇය ගත කලේ. නමුත්, හැකි සෑම විටෙකම තම දරුවා සමග කෙළිදෙලෙන් ගත කිරීමට මේ ආදරණීය අම්මා අමතක කලේ නැහැ. ජීවිතය බොහොම සුන්දර විදියට ගතවෙලා ගියා. නමුත්, නොසිතූ විරූ මොහොතක චණ්ඩ මාරුතයක් හමුවා.

අහලා තියෙනවද වෝම්හෝල් කියන්නේ මොකක්ද කියලා? වෝම්හෝල් කියන්නේ සාපේක්ෂතාවාදයේ සාමාන්‍ය න්‍යායන්ට ගැලපෙන දෙයක්. වෝම්හෝල් එකකට හැකියාව තියෙනවා, ආලෝක වර්ෂ බිලියන ගණනක් හෝ ඊට වැඩි ප්‍රමාණයක් හෝ, මීටර් කීපයක දුරක් හෝ, වෙනත් විශ්වයන් හෝ,එකිනෙකට වෙනස් කාලයන් සම්බන්ධ කිරීමට. හැමෝටම තේරෙන විදියට කියනවා නම්, කාලය හරහා ගමන් කරන්න මෙමගින් උදව් ලබාගන්න පුළුවන්. හැබැයි, මේ වෝම්හෝල් කියන එක සැබෑවටම පවතිනවාද කියලා තවම කිසිම කෙනෙක් දන්නේ නැහැ. මේ කාලය හරහා ගමන් කිරීම පදනම් කරගනිමින් ඇමරිකාව අතිශය රහසිගත ලෙස පරීක්ෂණ පැවැත්වුවා. ඇමරිකාවට කරට කර සටනක් දෙමින් චීනයත් රහසිගත ලෙස මේ පිළිබඳව පර්යේෂණ පැවැත්වුවා. නමුත්, ඇමරිකාව සොබාදහමේ නීති උල්ලංඝනය කරමින් තම පරීක්ෂණ පවත්වාගෙන ගියා. නීති විරෝධී ලෙස මිනිසුන් පවා යොදාගනිමින් ඔවුන් මෙම කටයුතු පවත්වාගෙන ගියා. මෙයින් සිද්ධවුණේ ලොකු විනාශයක්. කිසිවෙකුත් නොසිතූ පරිදි සමස්ත පර්යේෂණාගාරයම විනාශ වී ගියා. නමුත්, චීනය කෙසේ හෝ තමන්ගේ පර්යේෂණ සාර්ථක කරගන්නා මට්ටමට පැමිණියා. මේ නිසාවෙන්, ඇමරිකාව තම ප්‍රතිවාදී චීනයේ පරීක්ෂණ රහස් හොරකම් කිරීම සඳහා සැලසුම් කරනු ලැබුවා.

කාල තරණය සම්බන්ධයෙන් පරීක්ෂණ පවත්වන්නා වූ, කුඩා දරුවෙකු සමගින් තනි වූ විද්‍යාඥවරියක්… නොසිතූ විරූ මොහොතක දරුවා පැහැරගැනීමට ලක්වෙනවා. මොකක්ද මේ වෙන්නේ? දරුවෙක්ට වෙන්න පුළුවන් දරුණුම දේ වෙනවා දකින්න තරම් මේ ආදරණීය අම්මා පෙර පව් කරලා තියෙන්න ඇති. තම දරුවාට අති මහත් විනාශයක් වෙන අයුරු අසරණව බල සිටිනවා හැරෙන්න මේ අම්මට කිසිම දෙයක් කරගන්න බැරි වුණා. දෛවය එතරම් ඇයට කුරිරු වුණා. නමුත්, තම දරුවාට සහ ඇයට සිදුවූ අසාධාරණය නිසාවෙන් කිසිවෙකුත් හීනෙන් හෝ නොසිතා අන්දමේ තීරණයක් ඇය විසින් ගනු ලැබුවා!

Richie (2017) චිත්‍රපටියේදී පොරොන්දු වුණා 2018 අවුරුද්ද ලබන්න කලින් තව ෆිල්ම් එකකුයි, පළවෙනිදට ෆිල්ම් එකකුයි අරගෙන එනවා කියලා. ඔන්න එහෙනම් ඒ පොරොන්දුව ඉෂ්ඨ කරමින්, මේ 2017 අවුරුද්දේ බයිස්කෝප් වෙබ් අඩවිය විසින් ඔබ වෙත තිලින කරන්නා වූ අවසාන උපසිරසියත් අරගෙන තමයි අද මේ එන්නේ. මේකත් විශේෂ චිත්‍රපටියක්. චිත්‍රපටය නිෂ්පාදනය කරන්නේ, අපි කොයි කවුරුත් හොඳින් අඳුරන, ජැකී චෑන් විසින්. Action, Sci-Fi කාණ්ඩ යටතේ, Imdb දර්ශකයේ 5.8ක අගයක් ලබාගත් මෙම සිනමා නිර්මාණය තිරගතවීම ආරම්භ කරන්නේ, 2017 වර්ෂයේ ජුනි 30 වෙනිදා. ඇමරිකානු ඩොලර් මිලියන 29.8 ක බොක්ස් ඔෆිස් ආදායම් වාර්තාවක් තබන්නත් මෙම සලරුවට හැකියාව ලැබිලා තියෙනවා. විශේෂයෙන්ම කියන්න ඕනේ, චිත්‍රපටය තුල තාක්ෂනය බොහොම ඉහළම මට්ටමකින් පවත්වාගෙන ගිහිල්ලා තියෙනවා. ඒ වගේම, කතාවත් මගේ මතය අනුව නම් අවිවාදයෙන්ම කිසිම කම්මැලිකමක් නැතුව බලන්න පුළුවන්. මොකද, මේක තවත් අඩු මුදලින් නිෂ්පාදනය කරපු චිත්‍රපටියක් නම් නෙමෙයි. චිත්‍රපටියේ ට්‍රේලර් එක බැලුවොත් හිතාගන්න පුළුවනි මං මේ කියන කාරණාවේ සත්‍ය අසත්‍ය තාවය. කතාවේ අවසානයත් බොහොම සංවේදී එකක් වේවි. ඒ නිසා, අද වගේ දවසක රෑට (දෙසැම්බර් 31) බලන්න කියාපු චිත්‍රපටියක් විදියට මේක හඳුන්වන්න පුළුවන්.

පොරොන්දු වෙච්ච විදියට තව චිත්‍රපටියක් දෙන්න තියෙනවා. ඒකත් අනිවාර්‍යයෙන්ම හෙට උදේ (ජනවාරි පළවෙනිදා) ලැබේවි. ඒ නිසා, දැන්ම අලුත් අවුරුද්දට සුභ පතන්නේ නැතුව ඉන්නම්. එහෙනම්, ගිහිල්ලා එන්නම්. හැමෝටම ජය!

 

 

 

Due to copyright issues, we do not provide any torrent links.

ලබා දී ඇති උපසිරසිය WEB-DL පිටපත් සඳහා අදාළ වේ.

7,158 downloadsDownload Reset-2017.zip34 KB

https://d36zzuvfojr38z.cloudfront.net/wp_content/uploads/2016/05/SisilaPrasad.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2015-01-24
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.