The Bear (1988) Sinhala Subtitles | මවු සෙනෙහස අහිමි වී… [සිංහල උපසිරැසි සමඟ]

The Bear යනු 1988 දී ප්‍රංශ ත්‍රාසජනක නාට්‍ය පවුලේ චිත්‍රපටයක් වන අතර එය Jean-Jacques Annaud විසින් අධ්‍යක්ෂණය කරන ලද අතර TriStars Pictures විසින් නිකුත් කරන ලදී. ඇමරිකානු කතුවරයකු වන James Oliver Curwood විසින් රචිත The Grizzly King (1916) නවකතාවෙන් අනුවර්තනය කරන ලද මෙම තිර රචනය Gérard Brach විසින් රචනා කරන ලද්දකි. කැනඩාවේ බ්‍රිතාන්‍ය කොලොම්බියාවේ රූගත කර ඇති මෙම චිත්‍රපටය, දඩයම්කරුවන් දෙදෙනෙකු විශාල වලසෙකු පසුපස වනාන්තරයක් හරහා ලුහුබඳින විට, එම වලසා සමග මිත්‍ර වන අනාථ වලස් පැටියෙකුගේ කතාවකි. කැපී පෙනෙන මෙම චිත්‍රපටය ජාත්‍යන්තර චිත්‍රපට සම්මාන සඳහා ද නම් කරන ලදී. 1990 Academy Awards හි හොඳම සංස්කරණයට නිර්දේශ වී ඇති මෙම චිත්‍රපටය තවත් සම්මාන නිර්දේශ 8 කට ඇතුලත් වී ඇති අතර, සම්මාන 5ක් දිනා ගැනීමට සමත් වී තිබෙනවා. Adventure | Family | Drama යන කාණ්ඩයට අයත් වන මෙම චිත්‍රපටය Imdb දර්ශකයේ 7.7/10 ක ඉහළ අගයක් දිනා ගැනීමට සමත් වී තිබෙනවා. Google පරිශීලකයන් 85 % මෙයට තම කැමැත්ත පළ කර තිබෙනවා. Rotten Tomatoes හි 93% ක් තම මනාපය ලබා දී තිබෙනවා. හරිම අපූරු, ස්වභාදහම වටා නිර්මාණය වුනු හිතට වදින ලස්සන කතාවක්. හැමෝටම බලන්න කියල ආරධානා කරනවා.

Annaud සහ Brach 1981 දී කතාව හා නිෂ්පාදනය සැලසුම් කිරීමට පටන් අරගෙන තිබුනද, අධ්‍යක්ෂවරයාගේ වෙනත් ව්‍යාපෘතියක් හේතුවෙන් රූගත කිරීම් වසර හයක් පමණ ප්‍රමාද වී තිබෙනවා. The Bear රූගත කරන ලද්දේ ඩොලමයිට්වරුන්ගේ ඉතාලි හා ඔස්ට්‍රියානු ප්‍රදේශවල වන අතර සජීවී සතුන් ඇතුළු බාට් බෙයාර් (Bart the Bear) නමින් හැඳින්වෙන අඩි 9 කට වඩා විශාල පුහුණු කොඩියැක් වලසෙකු (Alaskan Kodiak Bear) ද මේ අතර සිටිනවා.

බාර්ට් ද බෙයාර් (Bart the Bear) යනු ඇලස්කන් කොඩියැක් වලසෙකු වන අතර මෙම වලසා දායකත්වය ලබා දී ඇති චිත්‍රපට අතර The Bear – 1988 මුල් තැනක් උසුලනවා. මේ සඳහා පුළුල් පිළිගැනීමක් ලැබී තිබුණා. ඊට අමතරව White Fang (1991), Legends of the Fall (1994), The Edge (1997) යන හොලිවුඩ් චිත්‍රපට සඳහා දායකත්වය ලබා දී තිබෙනවා. ඔහුව පුහුණු කර ඇත්තේ සත්ව පුහුණුකරුවන් වන Doug සහ Lynne Seus විසිනි. 1977 ජනවාරි මස 19 වන දින උපත ලබා ඇති මෙම වලසා 2000 මැයි 10 වන දින අවුරුදු 23 දී මිය ගොස් තිබෙනවා.

වලස් පැටියෙකු තම මව සමග සිටින අතර තුර, පැටියාගේ මව ගල් තලාවකදී අනතුරකින් මිය යනවා. මවගේ මිය යාමෙන් පසු පෝෂණය වීමට හෝ ආරක්ෂා වීමට නොහැකි වන වලස් පැටියා අවසානයේදී, විශාල පිරිමි වලසකු සමඟ මිත්‍ර වීමට උත්සාහ කරනවා. දිනක් මෙම පිරිමි වලසාව දඩයම්කරුවන් විසින් ලුහුබඳින අවස්ථාවේ, පැටියා එහි ආධාරයට පැමිණ ඔහුගේ සෙනෙහස දිනා ගන්නවා. කෙසේ වෙතත්, මෙම අවස්ථාවේ වලස් පැටියා එක් දඩයම්කරුවෙකු විසින් අල්ලා ගන්නවා. දඩයම්කරුවන්ගේ අශෝභන ආයුධ සන්නද්ධ සිද්දීන් වලට මුහුණ දීමට වලස් පැටියාට සිදු වෙනවා. මෙහි කතාව ගලා යන්නේ පැටියාගේ දෘෂ්ටිකෝණයෙන්. හරි මීට වඩා කතාව ගැන මම සඳහන් කරන්න යන්නේ නෑ. හැමෝටම බලන්න ආරාධනා කරන ගමන්, නැවත උපසිරසියකින් හමු වෙන තුරු හැමෝටම ජය.!

 

 

 

Due to copyright issues, we do not provide any torrent links.

මෙම ලබා දී ඇති උපසිරැසි සියළුම BR පිටපත් සඳහා අදාළ වේ.

1,654 downloadsDownload The-Bear-1988.zip8.8 KB

මේ ලබා දී ඇති සිංහල උපසිරැසි පිළිබද “චානක ලක්ෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2013-07-02
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.