The Flash [S05 : E08] Sinhala Subtitles | අතීතයට… [සිංහල උපසිරැසි සමඟ]

මා ප්‍රිය ෆ්ලෑෂ් ලෝලී හිත මිතුරනි. මෙන්න ඔයාලාට අරගෙන ආවා අටවෙනි කොටස. ඉතින් පහුගිය කොටස ගැන පොඩි ආවර්ජනයක් කරන්නම්. ඉතින් ෆ්ලෑෂ් ටීම් එකේ අයගේ ඉලක්කය උනේ සිකේඩා කියන චරිතය කවුද කියන එක හොයාගන්න එක. එයාලාට ඒක කරගන්න පුලුවන් උනා. හැබැයි ඒක හොයාගන්න පුලුවන් උනේ එයාගේ දුව කියලා හිතාගෙන හිටපු එයාගේ සහෝදරියගේ දුවගේ මාර්ගයෙන්. ඒ දුව කොමා එකක ඉස්පිරිතාලේ ඉන්න නිසා එයාව බලන්න එන අය අතරින් තමයි ඔන්න සිකේඩා කියන චරිතය ෆ්ලෑෂ් ටීම් එකට හොයාගන්න පුලුවන් කම ලැබුනේ.

ඉතින් සිකේඩා මෙටා හියුමන්ලාව මරන්න හේතුව අර කොමා එකක ඉන්න දුව. එයා කොමා තත්වයකට පත්වෙන්න හේතුව මේ මෙටා හියුමන්ලා කියන අදහසේ තමයි සිකේඩා ඉන්නේ. ඉතින් එයාගේ ඉලක්කය තමයි එක්කෙනෙක් නෑරම හැම මෙටා කෙනෙක්ම මරලා දාන එක. අනික් කාරණාව තමයි සිකේඩාව යටත් කරගන්න තව මෙටා හියුමන් කෙනෙක්ට හැකියාවක් නෑ. මොකද සිකේඩා ලඟ තියෙන කිණිස්සෙන් මෙටා හියුමන්ලා ලඟ තියෙන බලය උරාගන්නවා. ඉතින් ෆ්ලෑෂ් ටීම් එකටත් මෙයා ලොකු තර්ජනයක්. කලින් සතියේ කොටසේ ඔයාලා දකින්න ඇති සිකේඩාගේ ජීවිත කතාව. ඒවගේම තමයි හැම සතියකම වගේ අලුත් මෙටා චරිතයක් අපිට මුණගැහෙනවානේ. ඉතින් ගිය සතියේ අපිට හමුවුනේ කාලගුණය පාලනය කරන වෙදර් විච් කියන චරිතය. එයාවත් ෆ්ලෑෂ් ටීම් එක කොහොමහරි අල්ලගත්තා.

ඉතින් මේ සතියේ කොටසින් ඔයාලාට අලුත් මෙටා කෙනෙක්ව නම් දකින්න ලැබෙන එකක් නෑ. මොකද ෆ්ලෑෂ් ටීම් එකේ ප්‍රමුඛ ඉලක්කය තමයි සිකේඩාව කොටු කරගන්න එක. ඉතින් එයාලා සැලසුමක් නිර්මාණය කරනවා සිකේඩාව අල්ලගන්න. හැබැයි ඒකට බෙරිට කාලය හරහා අතීතයට යන්න සිද්ධවෙනවා. ඉතින් බෙරි අතීතයට යන හැටි මේ දේවල් බේරුමක් කරගනීවිද කියන එක ඔයාලාට බලාගන්න පුලුවන්. අනිත් කාරණය තමයි ඔයාලාට මතක ඇති මුල ඉඳන්ම ෂර්ලොක්ට පොඩි පොඩි සැක සංකා තිබුනා නෝරා ගැන. ඉතින් මේ සතියේ එයාගේ සැකය මොකක්ද කියලා අපිට බලාගන්න පුලුවන් වෙයි.

තව දෙයක් විශේෂයෙන් මතක් කරන්න ඕන. ගිය අවුරුද්දේ වගේම ඔන්න මේ අවුරුද්දෙත් ක්‍රොස් ඕවර් එක “Elseworld” නමින් එන්න සූදානම්. ෆ්ලෑෂ්, ඇරෝ සහ සුපර්ගර්ල් කතාමාලා තුන එකතුවෙන් කොටස් තුනක් විදියට තමයි ක්‍රොස් ඕවර් එක හදලා තියෙන්නේ. ඔයාලාට සුපර්මෑන්, මොනිටර්, බැට්වුමන් කියන චරිතත් බලාගන්න පුලුවන්කම ලැබෙයි. ඔයාලා කොටස් තුන බලන්න ඕන පිළිවෙල මම පහලින් සඳහන් කරන්නම්.

1 වෙනි කොටස : Flash ( Season 5 : Episode 9 )
2 වෙනි කොටස : Arrow ( Season 7 : Episode 9 )
3 වෙනි කොටස : Supergirl (Season 4 : Episode 9 )

ඉතින් ඔයාලාට අනිවාරෙන්ම මේ කොටස් තුනම බලන්න වෙනවා කතාව තේරුම් අරගන්න නම්. ෆ්ලෑෂ් 9 වෙනි කොටස දෙසැම්බර් 9 වෙනිදාත්, ඇරෝ 9 වෙනි කොටස දෙසැම්බර් 10 වෙනිදාත්, සුපර්ගර්ල් 9 වෙනි කොටස දෙසැම්බර් 11 වෙනිදාත් පැමිණීමට නියමිතයි. එහෙනම් අපි ක්‍රොස් ඕවර් එකෙන් මුණගැහෙමු. හැමෝටම ජය!!!

 

 

 

 

 

 

 

Due to copyright issues we don’t provide any torrent links.

ලබා දී ඇති උපසිරසි HDTV පිටපත් සඳහා අදාළ වේ.

15,125 downloadsDownload The-Flash-S05-E08.zip25 KB

මේ ලබා දී ඇති සිංහල උපසිරැසි පිළිබද “නුවන්ත දුලාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

GOLD MEMBER
JOINING DATE – 2014-09-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.