Strike Back : Retribution (2017) [S06 : E02] with Sinhala Subtitles | මිසයිල ව්‍යසනය.. [සිංහල උපසිරැසි සමඟ] (18+)

කොහොමද අලුත් සට්‍රයික් බැක් එකේ අලුත් මුහුණුවර හොදට තිබුනද? ඔන්න මේකේ සාමාන්‍යයෙන් බදාදා නිකුත් වුන වීඩියෝ පටයට අදාළ උපසිරැසි බදාදා රෑ වෙද්දීම නිකුත් වෙලා තිබුණා. ඒත් ඉතින් මට කරන්න නම් ලැබුනේ බ්‍රහස්පතින්දා. කලින් කතාමාලා පහ වගේ නොතිබුනත් අලුතින් අන්තර්ගත කරලා තිබුණු චරිත පරණ චරිත හා සමාන වෙන්න සැහෙන්න වෙහෙසක් දරන බවක් දකින්න ඇතියි කියලා විශ්වාස කරනවා. අනික තමයි පෙර කතාමාලා පහේම අවසානයේ ඉතිරි වූ ස්කොට් හා මයිකල් හැරුනම සෙක්ෂන් 20 හි අනික් සියලු සාමාජිකයන් මිය යාම නිසාවෙන් යලි පිහිටුවනු ලැබූ සෙක්ෂන් 20 හැටියට තමයි මේ අලුත් මුහුණුවර තුල සලකන්නේ.

පෙර කොටසින් දකින්න ඇති අති දරුණු ත්‍රස්තවාදියෙකු වූ ඕමාර් ඉඩ්‍රිසිව සිරියානු ආරක්ෂකයින් විසින් බාර දීමක් කරන්න තිබුනත් සිරියානු ආරක්ෂයින්ගේ ඇතුලේ ඕමාර්ට වැඩ කරන අය ඉදලා ඒ අයයි තවත් කට්ටිය ඇවිල්ලා ඒ අයගෙත් උදව් ඇතිව එතන හිටිය සිරියානු ආරක්ෂයින්ට වගේම ඕමාර්ව බාරගන්න ගියපු ඇමරිකානු සෙබළුන්ට පහර දෙන්න ගත්තා. අන්තිමට ඉතුරු වුණේ සාජන්ට් මැකැලැස්ටර් විතරමයි. ඉතින් මැකැලැස්ටර්ගේ කට්ටිය මිය යාම නිසාවෙන් එයාට ආපු තරහට මුලස්ථානයෙදී එයා එයාගේ ඉහල නිලධාරියාගේ මුහුණට පහර දීලා මැකැලැස්ටර්ට සිද්දවුණා යුධ අධිකරණයට මුහුණ දෙන්න. ඒ විතරක් නෙවෙයි මේ සිරකරුවාව හරි ආකාරයෙන් අරගන්න බැරිවුනා නිසා එයාව නිලයෙන් ඉවත් කිරීමක් පවා සිද්දවුණා. මේ අතරේ තමයි කර්නල් ඇඩීනා ඩොනවන් ඇවිත් මැකැලැස්ටර්ට යෝජනාවක් කලේ නැවත පිහිටවපු සෙක්ෂන් 20 වෙත එකතු වෙන්න කියලා. එයාට ලැබුණු පළවෙනි මෙහෙයුම වුණේ ඔත්තු හොයන අරමුණින් ආයුධ වෙළෙන්දෙක් හැටියට ගිහින්, ජෙනරාල් ෆරීඩ් අල්ලගෙන වද විදිමින් හිටිය සාජන්ට් සැමියුල් වායට්ව බේරගෙන එන එකයි. මැකැලැස්ටර් ගිහින් මුලස්ථානයේ බාගයක්ම විනාශ කරලා, ෆරීඩ්ගේ කට්ටියවත් මරලා වායට්ව බේරාගෙන ආවා මගදී මුණගැහුණු කණ්ඩායමේ අනික් සමාජ්කාව නෝවින්ගේ උදව් ඇතිව. කණ්ඩායම එකතු වුණේ ට්‍රිපෝලි වලදී. ඕමාර් වගේ ත්‍රස්තවාදීන්ට අරමුදල් සපයන කෙනෙක් හැටියට සලකපු ප්‍රින්ස් කලීඩ් කියලා කෙනෙක්ව හොයාගෙන යන එකයි මේ අයගේ මෙහෙයුම වුණේ. ඒ වෙනුවෙන් මේ අයට සමාජ ශාලාවක් තුලට යාන්න සිද්දවුණා. සමාජ ශාලාව තුලදී තමයි අනික් සාමාජිකාව වෙච්චි කැප්ටන් රෙනෝල්ඩ් එකතු වුණේ. මේ අය මෙහෙයුම දියත් කරලා වැඩ කරගෙන යන අතරෙදි ඕමාර්ගේ දකුණු අත වගේ ඉන්න කෙනෙක් වෙච්චි සිබීල් අඩීස් තවත් කට්ටියක් එක්කගෙන ආවා කලීඩ්ව පැහැරගෙන යන්න. කට්ටියට කලීඩ්ව බේරගන්න බැරි වුණා. මොකද කලීඩ්ව පැහැරගෙන ගියා. පස්සේ ඕමාර්ටයි එයාගේ බිරිදටයි ඕන කරපු ඩොලර් මිලියන පහක මුදලක් කලීඩ්ගෙන් බලෙන්ම වගේ අරගත්තා. කලීඩ්වයි, ඕමාර්වත් අල්ලගන්න අරමුණින් ආව සෙක්ෂන් 20 කට්ටියට කලීඩ්ව හැරුනම අනික් කිසිම කෙනෙක්ව අල්ලගන්න නම් බැරි වුණා. මොකද කලීඩ්ගෙන් මුදල් හුවමාරුව කරගත්ත ගමන්ම ඕමාර් වගේම ජේන් පැනලා ගියා. මේ අතරේ ලොකු ආයුධ වෙලදාමකුත් වෙන්නයි යන්නේ.

ආයුධ වෙළදාම ගැන පෙර කොටසේ පුංචි සිදුවීම් වගයක් පෙන්නුවනේ. ඔන්න අද කොටසදී තමයි මේ සම්පුර්ණ ආයුධ වෙළදාම සිද්දවෙන්නේ. අයිව්ස් කියන මනුස්සයා හිතපු විදිහට නම් මේ ගනුදෙනුව වෙන්නේ නැහැ. සැහෙන්න අවුල් යනවා. ඌරගේ මාළු ඌරගේ පිටේ තියලා කපනවා වගේ එයාගෙම මිසයිලකින් අයිවිස් ගමන් කරමින් හිටිය හෙළිකොප්ටරයට ඕමාර් පහර දීමක් සිදු කරනවා. පස්සේ මේ හෙලිකොප්ටරය කැරලිකාරයින් පිරුණු ප්‍රදේශයකට කඩා වැටිලා සෙක්ෂන් 20 කට්ටිය වහිනවා මිනිහව බේරගෙන ඕමාර් ඉන්න තැනක් හොයාගන්න පුලුවන්ද කියලා බලන්න. මොකද වෙන්නේ කියලා බලලම ඉන්නකෝ එහෙනම්.

සුපර්නැචුරල් වලින් හමුවෙමු. ගිහින් එන්නම්. ජය!

 

 

 

 

Due to copyright issues, we no longer provide any torrent links.

ලබා දී ඇති උපසිරැසි HDTV පිටපත් සඳහා පමණක් අදාළ වේ.

12,183 downloadsDownload Strike.Back_.S06E02.zip93 KB

 

https://d36zzuvfojr38z.cloudfront.net/wp_content/uploads/2016/02/චාමර-සම්පත්.jpg මේ ලබා දී ඇති සිංහල උපසිරැසි පිළිබද “චාමර සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2015-02-12
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.