Supernatural [S02 : E02] – Sinhala Subtitles | කවටයන්ට කවුද අකමැති? [සිංහල උපසිරැසි සමඟ]

අධ්‍යක්ෂණය කලේ : ෆිලිප් ස්ග්රිසියා (Philip Sgriccia)
කථාව /රුපවාහිනී තිර රචනය : ජෝන් ශිබාන් (John Shiban)
විකාශය වුනේ : CW නාලිකාවේ 2006 ඔක්තෝම්බර් 05 වෙනිදා

අද කතාවේ නම “Everybody Loves a Clown” කියන එක අරන් තියෙන්නේ 1965 නිකුත් වුන Gary Lewis & The Playboysලගේ සින්දුවක් ඇසුරෙනුයි.

දැන් තාත්තත් නැතිවුනා මදිවට ඩීමන් ගැනවත් තුවක්කුව ගැනවත් කිසිම හෝඩුවාවක් හොයා ගන්න බැරුව ඉන්න අයියා මලෝ දෙන්නට හම්බවෙනවා වොයිස් මේල් එකක් තාත්තගේ ෆෝන් එකක තිබිලා. ගෑනු කෙනෙක් කතා කරලා කියන ඒ පනිවිඩෙන් කියන්නේ එයාට උදව් කරන්න පුළුවන් බවයි. ඉතින් අයියා මලෝ දෙන්න යනවා එයා කවුද කියලා හොයලා බලන්න. ඒ අතරේ දැනගන්න ලැබුන මිනි මැරුම් වගයක් ගැනත් හොයලා බලන්න යන දෙන්නට හම්බවෙන්නේ විකටයෙක් වගේ ඇදගෙන මිනිස්සු මරණ රාක්ෂසයෙක් ☺. තාත්තගේ මරණෙට මේ දෙන්න මුණ දෙන්නේ කොහොමද? කෝල් ඒක දීපු ගෑනු කෙනා කවුද? එයාට කරන්න පුළුවන් උදව් මොනවද? රාක්ෂසයා අල්ලන්න පුළුවන් වෙනවද? මේවට උත්තර ඉතින් කථාව බලලම තමයි හොයා ගන්න වෙන්නේ. ඕගොල්ලන්ට මතක ඇති පහුගිය සීසන් එකේ හතරෙවෙණි කතාවේදී (ගුවන් යානා කඩා වට්ටපු ඩීමන් ගැන කථාව – “අදිසි සංචාරකයා”) අපි දැනගත්තා වීරයා වගේ හිටියට ඩීන් සමහර පුංචි දේවල්වලට බයයි කියලා. අද කතාවේදී සෑම් මොනවටද බය කියලා දැනගත්තහැකි.

අලුත් චරිත:
අද කතාවේදී අදුනවලා දෙනවා අලුත් චරිත තුනක්; එලන් හාවෙල් (Ellen Harvelle ) ලෙස සමන්තා ෆෙරිස් (Samantha Ferris) සහ ජෝ හාව්ල් (Jo Harvelle) ලෙස ඇලෝනා ටැල් (Alona Tal) අද ඉදන් කතාවට එකතු වෙනවා. මේගොල්ලෝ පස්වෙනි සීසන් එක වෙනකම් කතාවේ රැදෙනවා නැවත නැවතත් මතුවෙන චරිත විදිහට. ඈෂ් (Ash) නමින් එක් වෙන කැඩ් ලින්බර්ග් (Chad Lindberg) මේ සීසන් එකේදී නැවත නැවත මතුවෙන චරිතයක් විදිහට රැදී සිටීවී.

දැනුමට:
අද කතාවේ ඉන්න අත්භූත බලවේගය ගැන නං ඕගොල්ලන්ට කියනවා වෙනුවට ඔගොල්ලන්ගෙන් අහන්නයි වෙන්නේ… රාක්ෂස කියන්නේ දකුණු ආසියානු, ඒකියන්නේ අපේ රටවල්වල තියෙන සංකල්පයක් වුනත් මං මේ සංකල්පේ ගැන වැඩිය දන්නේ නෑ. සුප(ර්)නැචුරල් එකේ කියන හැටියට නං උන් මිනී කන, අපිරිසිදු, නොපෙනී ඉන්නත් පෙනී හිටින්නත් පුළුවන්, ආරාධනාවකින් පමණක් ගේකට ඇතුල් විය හැකි සත්තු ජාතියක්ලු. ඉතින් මේවා ගැන දන්නා කෙනෙක් ඉන්නවනම් අපිටත් දැනගන්න එක්ක කමෙන්ට් එකක් දාලා කියන්න බලන්න මේවයේ ඇත්ත නැත්ත ☺.

 

 

 

Due to copyright issues, we do not provide any torrent links.

5,062 downloadsDownload Supernatural.S02E02.zip136 KB

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “MDG” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                            All Episodes                              Next Episode >>