Confession of Murder AKA Nae-ga sal-in-beom-i-da (2012) with Sinhala Subtitles | ඝාතනයන්හි පාපොච්චාරණය [සිංහල උපසිරැසි සමඟ]

ආයුබෝවන්! සුපුරුදු විදියටම අදත් සුපිරිම බයිස්කෝපකට සිංහල උපසැරසි අරගෙන මම ආවා. ඉතින් කලින් දීපු ”Detective K.Secret of Virtuous Widow” බලන්න ඇති කියලා හිතනවා. ඒක හොයා ගන්න බැරි වුණා නම් මට මැසේජ් එකක් දාන්න. ලින්ක් එක එවන්නම්. මේ ෆිලුම නම් හොයා ගන්න කිසිම අමාරුවක් නෑ. හොඳයි ඉතින් මේක 2012 වසරේ නොවැම්බර් 8 තිරගත වුණ චිත්‍රපටියක්. පැය 2 ක කාලයක් දිවෙන මේ චිත්‍රපටිය ක්‍රියාදාම සහ ත්‍රාසජනක ගණයට අයත් imdb 7.1 ලබාගත් හොඳම චිත්‍රපටියක්.

Choi Hyeong-goo (Jung Jae-young) කියන්නෙ 1986 ඉඳන් 1990 වෙනකන් කාන්තාවන් දස දෙනෙකු ඝාතනය කර පැන යන දරුණු මිනීමරුවෙක් එහෙම නැත්නම් සීරියල් කිලර් කෙනෙක්ව පන්නන පොලිස් පරීක්ෂකයෙක්. ඒ වගේම ඔහු සැක කරනවා තවත් එක් කාන්තාවකගේ පැහැර ගැනීමක් හෝ ඝාතනයකටත් මොහු වැරදිකරු බව. මේ පරීක්ෂකතුමා ඝාතකයාව අල්ලගත්තත් සටනකට පස්සෙ ඔහු පලා යනවා. ඊට කලින් චොයි නිලධාරිතුමා මේ ඝාතකයට තියෙන වෙඩි පහරක් උරහිසට වදිනවා.

චිත්‍රපටිය පටන් ගන්නෙ මේ සිද්දියෙන් අවුරුදු 15 කට පස්සෙ 2005 අවුරුද්දේ මෙම ඝාතන නඩුවේ නීතිමය කාල සීමාව ඉවර වුණාට පස්සෙ. ඒ කියන්නෙ මේ ඝාතකයාට නීතිමය බාධාවක් නෑ දැන්. චොයි නිලදාරිතුමා දැන් බේබද්දෙක්. මෙයාගෙ ඇස් ඉස්සරහම ඝාතනය වුණ ගෑණු කෙනෙක්ගෙ පුතෙක් වහලෙන් බිමට පනිනවා. මේ සිද්දියෙන් අවු. 2 කට පස්සෙ Lee Doo-seok (Park Si-hoo) කියන කෙනා ”ඝාතනයන්හි පාපොච්චාරණය” පොත එළි දක්වනවා නිව්ස් වලට පෙන්වනවා. ඔහු කියන විදියට අවු. 17 කට කලින් වුණ ඝාතන පෙලේ අපරාදකරු මොහුයි. මේ පොතේ ඔහු කල ඝාතන සහ ඒ ගැන හැම විස්තරයක්ම තියෙනවා. උරහිසේ තියෙන වෙඩි පාර පවා මාධ්‍යට පෙන්වනවා. මෙයාගෙ ආකර්ෂණය නිසා පොත හොඳම ආදායම් ලබමින් විකෙණනවා. ඒ වගේම මොහු කල වැරදි වලට අපරාදයට ගොදුරු වූවන්ගෙ පවුල් වලට ගිහින් සමාව අයදිනවා. ඒ වගේම චොයි නිලදාරීවත් මුණ ගැහෙනවා. මේ සේරම නිව්ස් වලට පෙන්වනවා. ඒත් චොයි පිළිගන්නෙ නෑ ඝාතකයා මොහු බව. මෙයා කියන්නෙම පොත ලියපු ලී දෝ සක් වංචාකාරයෙක් බව. මේ නිසා මේ දෙන්නවම සජීවී විවාදයකට රූපවාහිනියට ගෙන්වන්න තීරණය කරනවා.

ඒ අතරම අපරාදයට ගොදුරු වුණ අයගේ පවුල් කීපයක් එකතු වෙලා මේ පොතේ කතෘ ලී දෝ සක්ව පැහැර ගන්න සැලසුම් කරනවා. මේ පිරිසේ නායකයා වෙන්නෙ 11 ස් වෙනියට ඝාතනය කලා යැයි සැකකරන කෙල්ලගෙ අම්මා. ඇයට දැන ගන්න ඕන කරනවා එයාගෙ දුව පණ පිටින්ද මොකද වුණේ කියලා.

ඉතින් කොහොම හරි විවාදය පටන් ගන්නවා සජීවීව. මේ වාදය අතරෙදි ඇමතුමක් එනවා නරඹන්නෙකුගෙන් මෙයා නම කියන්නෙ නෑ J හැටියට තමයි හඳුන්වන්නෙ. මේ j කියනවා ලී දෝ සක් නෙමෙයි ඇත්තම ඝාතකයා ඔහු බව. ඒ වගේම ඔහු ළඟ සාක්ෂි පවා ඇති බව. j මෙහෙම පිළිගත්තට පස්සෙ මුළු රටම සහ හැමදෙයක්ම ව්‍යාකූල වෙනවා. අන්තිමේදි තුන්දෙනාවම එකම වේදිකාවට ගෙන්වන්න තීරණය කරනවා.

එතනින් එහාට මම කියන්න යන්නෙ නෑ. පැය 2 පුරාම ත්‍රාසය කුතුහලය පුරවගෙන ක්‍රියාදාම සමඟ මෙම චිත්‍රපටිය බලන්න පුළුවන් ඔයාලට. ඉතින් මේ j පිළිගත්තට ඝාතකයා ඔහු බව ඇත්තටම ඒ ඔහුද? එහෙනම් ලී දෝ සක් කොහොමද විස්තර ඇතුව පොත ලිව්වෙ? උරහිසේ තියෙන තුවාලෙ කොහොම වුණේ? නිලධාරී චොයිට ඇත්තම මිනීමරුවාව අල්ල ගන්න පුළුවන්ද? බලන්න එහෙනම්. මං තවත් උපසිරසියක් අරන් එන්නම්.

බුදු සරණයි!

 

 

 

Due to copyright issues, we do not provide any torrent links.

 

Confession Of Murder 2012 BRRip 720p x264 Korean ESubs – PRiSTiNE

මෙම ලබා දී ඇති උපසිරැසිය ඉහත පිටපත සඳහා අදාළ වේ.

4,556 downloadsDownload Confession-Of-Murder-2012.Baiscopelk.com_.zip44 KB

 

මේ ලබා දී ඇති සිංහල උපසිරැසි පිළිබද “චාමල් කැලුම් අතපත්තු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගෙ අවසරය මතම සිදුවිය යුතුය.