Rocky V (1990) Sinhala Subtitles | ගුරාට එරෙහිව ගෝලයා.. [සිංහල උපසිරසි සමඟ]

කොහොමද ඉතින් හැමෝටම ! මේ පාර බයිස්කෝප් අඩවියේ අඩුපාඩුවක්ව තිබුන චිත්‍රපටියකට තමයි උපසිරැසි ගෙනාවෙ. ගොඩ දෙනෙක් රොකී චිත්‍රපට මාලාව බලලා ඇතිනෙ. 70,80,90 දශක වල අතිශය ජනප්‍රිය උන මේ චිත්‍රපට මාලාව ගැන අමුතුවෙන් වැඩි විස්තර කියන්න ඕනි නෑනෙ. ඉතින් මේ චිත්‍රපටිමාලාවෙ චිත්‍රපට හයෙන් හතරකටම අඩවියෙ සහෝදරයෙක් උපසිරැසි කරලා තිබුනා. ඉතින් මාත් ඒ චිත්‍රපටි හතරම බලලා පස්වෙනි කතාව බලද්දි පස්වෙනි ඒකට කවුරුත් උපසිරැසි කරලා තිබ්බෙ නෑ. ඉතින් ඔයාලා ගොඩ දෙනෙක්ට මගඇරුන රොකී පස්වෙනි කතාවට උපසිරැසි අරන් ආවා. මොකද මේ හැම චිත්‍රපටියක්ම එකිනෙකට සම්බන්ධ වෙනවනෙ. ඒ වගේම “rocky”නමින් විකාශනය උන චිත්‍රපටවල අන්තිම එක තමයි මේක. ඊටපස්සෙ 2006 දි rocky balboa නමිනුයි තවත් චිත්‍රපටියක් එළිදක්වන්නෙ. පස්සෙ තමයි creed 2015 සහ Creed II 2018 බිහිවෙන්නෙ.කොහොම උනත් මේ චිත්‍රපටි මාලාව මුල ඉදන් බලනවනම් මේ කතාවත් නොබලම බෑ.

හතරවෙනි කතාවෙ ඔයාලට මතක ඇති රොකී බැල්බෝආ සහ අයිවන් ඩ්‍රාගෝ අතර ඇතිවෙන මාරාන්තික සටන. මේ සටනෙදි රොකීට ඩ්‍රාගෝගෙන් ගොඩක් දරුණු පාරවල් කීපයක් වදිනවනෙ. ඉතින් සටන අවසානයෙන් පස්සෙ තමයි මේ කතාව පටන්ගන්නෙ. ඩ්‍රාගෝගෙ පහරවල් වලින් රොකීට හොදක් සිද්ධ වෙන්නෙ නම් නෑ. රොකීට සුවකර නොහැකි මොලේ ආබාධයක් කියලා වෛද්‍ය වාර්තා වලින් එළි වෙනවා. ඒ මදිවට එයාගෙ දේපළ ඔක්කොමත් එයාට නැති වෙනවා. බිරිදයි දරුවයි එක්ක රොකී ආයෙත් එයාගෙ පරණ ගෙදරයි ජීවත් වෙන්නෙ. ඉතින් ඔය අතර රොකීට ටොමී ගන් කියලා කොල්ලෙක් හම්බෙනව. එයා හොද දක්ෂ සටන්කරුවෙක්. රොකී තමයි ටොමීගෙ කළමනාකරුවා විදිහට එයාව පුහුණු කරන්නෙත්. ඉතින් රොකී ටොමීට හොදක් කරන්න ගිහින් ලොකු කරදරයක වැටෙන හැටි ඔයාලට බලාගන්න පුලුවන්.

මේ චිත්‍රපටියත් අධ්‍යක්ෂණය කරලා තියෙන්නෙ John G. Avildsen අධ්‍යක්ෂවරයා. චරිත සහ තිර රචනය Sylvester Stallone ගෙ. IMDb අගය 5.2 ක්. චිත්‍රපටිය පැයකුත් විනාඩි 51ක කාලයක් දිවෙනවා. Sylvester Stallone,Talia Shire,Burt Young ආදී ප්‍රධාන නළු නිළියන්ට අමතරව

රොකීගෙ පුතා විදිහට සිල්වෙස්ටර්ගෙ ඇත්තම පුතා Sage Stallone සහ Tommy Gunn විදිහට ඇමරිකානු බොක්සින් ශූර Tommy Morrison රංගනයෙන් දායක වීමත් විශේෂත්වයක්. ඉතින් මේ චිත්‍රපටියත් ඇමරිකානු ඩොලර් මිලියන 119.9ක බොක්ස් ඔෆිස් ආදායම් වාර්තාවක් උසුලනවා.

*John G. Avildsen ට ඕනි වෙලා තියෙන්නෙ රොකී අන්තිමට ටොමී එක්ක කරන වීදි සටනෙදි මැරෙන එක. ඒත් රොකී බැල්බෝආ වගේ විශිෂ්ට චරිතයක් මරන්න එපා කියලා ස්ටූඩියෝ එක නියෝග කරලා තියෙනවා.

ඔය ටික තමයි කියන්න තියෙන්නෙ. දැන් වෙලාවනම් හරියටම පාන්දර 1යි. වෙලාව යනව දැනුනෙත් නෑ.😊 කලින් ෆිල්ම් එකට නම් මහන්සි වෙලා උපසිරැසිය කරත් මේකනම් හිමීට කරේ. මොකද කලින් එකේ මහන්සියේ ප්‍රතිපල හොදට පේන්න තිබ්බා. කොහොම හරි මෙච්චර මහන්සි වෙලා සබ් එකක් කරලා ඔයාලා කිසිම ප්‍රතිචාරයක් නොදා යද්දි උපසිරැසි කරන එකත් ඇත්තටම එපා වෙනවා. අඩු ගානෙ බැනලා අඩුපාඩු කියල හරි කමක් නෑ. කොහොමත් හැමදාම comment එකක් දාලා යන්නෙ සුපුරුදු සහෝදර සහෝදරියො ටික විතරයිනෙ. ඒක හරි කණගාටුවට කාරණයක්. ඉතින් ඔන්න ඒ කාරණෙත් මතක්කරා. තවත් බයිස්කෝප් එකක් එක්ක ඉක්මනින් හමුවෙමු. ජයවේවා !!

 

 

Due to copyright issues, we do not provide any torrent link.

මෙම ලබා දී ඇති උපසිරසි BR පිටපත සඳහා වලංගු වේ.

2,728 downloadsDownload Rocky-V-1990.zip76 KB

මේ ලබා දී ඇති සිංහල උපසිරැසි පිළිබද “මධුභාෂණ බණ්ඩාර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
BRONZE MEMBER
JOINING DATE – 2017-10-16
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.