Under the Hawthorn Tree (2010) AKA Shan zha shu zhi lian Sinhala Subtitles | බලා හිදිමි යලි ඔබ පැමිණෙතැයි කියා…… [සිංහල උපසිරසි සමඟ]

මුලින්ම ස්තූතිවන්ත වෙන්න ඕනෙ මම කලින් කරපු “Birds of Passage (2018) ලොවට කියනු මැන විහඟුනි….” උපසිරැසියට එක වචනෙකින් හරි මට ස්තූති කරපු හැම දෙනාටම. මොකද ඒ දිරි ගැන්වීම් නිසා තමයි මොන තරම් කාර්යබහුල උනත් මේ වෙනුවෙනුත් කාලය වෙන් කර ගන්න පුලුවන් උනේ.

සෑම වසරකදීම ලෝකය පුරාවට විවිධාකාර රටවල් වල විවිධාකාර භාෂා වලින් නිර්මානය වන්නාවූ දස දහස් ගනනක් වූ සිනමා පට අතුරින් බොහෝවිට අපේ නෙත ගැටෙනුයේ ඉංග්‍රීසි, කොරියානු, හිංදි, දමිළ ආදී සීමිත භාෂා ගණනකින් නිර්මාණය වූ එකම වර්ගයකට අයත් සිනමා නිර්මාණයන් කොටසක් පමණයි. මේ හේතුව නිසාවෙන්ම වෙනත් භාෂා වලින් නිර්මාණය කෙරෙන්නාවූ විශිෂ්ට සිනමාපට රැසක් අපට නොදැනීම මගහැරී යනවා. මේ උත්සාහය එසේ මගහැරී යන්නාවූ වෙනස්ම ආකාරයේ සිනමා සිත්තමක උපසිරැසියක් ලබා දෙන්නයි.

ලෝකෙ වටේ විවිධාකාර භාෂා වලින් නිර්මාණය උන සිනමා නිර්මාණ රසවිඳිනකොට හම්බ උන වෙනස්ම විදියේ චීන සිනමා නිර්මාණයක් තමයි මේ පාර උපසිරැසියක් කරන්න තෝර ගත්තෙ. මේක IMDb දර්ශකයේ 7.1ක් rotten Tomatoes වර්ගීකරනයේ 76%ක් එක්කම ලෝකෙ වටේම සිනමා සම්මාන උලෙළවල් නියෝජනය කරලා සම්මාන 7ක් සහ තවත් නිර්දේශවීම් 7ක් ලබාගත්තු සුපිරිම චීන සිනමා සිත්තමක්. මේ සිනමා සිත්තම ගැන මටත් දැන ගන්න ලැබුනේ මුහුණු පොතේ මිතුරෙකු වූ Renuka Dinupa විසින් තියපු සටහනකින්. ඔහු නොවන්නට මටත් මේ සිනමා සිත්තම ගැන දැන ගන්නට නොලැබී යන්නට ඉඩ තිබුනා. ඒ වෙනුවෙන් ඔහුට ස්තූතියි…!

මේ සිනමා සිත්තම නිර්මාණය වෙලා තියෙන්නේ (1960 – 1970) අතර කාලයේදී චීනයේ සිදුවූ සංස්කෘතික විප්ලව සමය තුල සිදුවූ සත්‍ය සිදුවීම් පෙළක් පදනම් කරගෙන 2007 වසරේදී Ai Mi විසින් රචිත “Hawthorn Tree Forever” නවකතාව පාදක කර ගනිමිනුයි. තවත් දෙයක්, මේ ආදර කතාවේ සැබෑ ආදරවන්තිය මේ නවකතාවේ කතුවර Ai Mi ගේ සැබෑ දිවියේ මිතුරියක්ද වන බව ඇය විසින් පසුව ප්‍රකාශ කර තිබුනා. මේ සිනමා සිත්තමේ කතාව කියන එක නං හරිම අමාරු වැඩක්. මොකද මේක නරඹලා මිසක් කියවලා රසවිඳින්න පුලුවන් ජාතියේ සිනමා සිත්තමක් නොවෙන නිසා.

හමුවීමක් නැති, දුරින් හිද මැවූ හීන
කොච්චරක් නම් ඇත්ද….
හුස්මකින් ඉපදී, හුස්මක් දුරින් නැවතුනු හැඟීම්
කොච්චරක් නම් ඇත්ද….
හිතේ ඉපදී හිතේම මිය ගිය, ආදර කතා නම්
කොච්චරක් නම් ඇත්ද….
නොහිතපු වෙලාවක සොයාන ආ, ආත්මීය බැඳීම් නම්
කොච්චරක් නම් ඇත්ද….
ආදරය මෙකී නොකී ලෙස හදෙහි ඉපදී
සිත් සතන් කොපමනක් නම්
රිදවන්න ඇත්ද…..
සුව කරන්න ඇත්ද….
ඉතින් සමහර ඒ මැරුණ මතකයන්ට,
පණ දෙන්න පුලුවන් මහා ඝන අන්ධකාරයට….
සෙමෙන් හමන සීතල සුළගත් එක්ක,
ඒ මතකයන්ට පන ආවාම….
හිත අතීතෙටම ඇදිල යනව හීන් සීරුවට….
ඒ මතකයන් හදවත රිද්දනව හරිම අපූරුවට….

ආදරය විඳින, විඳවන, සොයන,
හැම ආදරණීය හදවතකටමයි මේ ආරාධනය….
එන්න හාතෝර්න් ගස පාමුලට,
ඒ ආදරය ආයෙමත් විඳ ගන්න….
” බලා හිදිමි යලි ඔබ පැමිණෙතැයි කියා…. “

තවමත් මේ ෆිල්ම් එක බලන්න ඕනෙ කියල හිතුනෙ නැත්තන් ෆිල්ම් එකේ ට්‍රේල බලලම තීරණයක් ගන්න. නැත්නම් මගේ ලිපි ලිවීමේ නොහැකියාව නිසා පට්ටම ෆිල්ම් එකක් මිස් වෙයි. තවත් වෙනස්ම විදියේ නෝර්වීජියානු සිනමා නිර්මාණයක උපසිරැසියත් සමඟින් නැවත හමුවෙමු. ඔබට ජය….!

ප.ලි
සබ් කරන්න මග ඇරුන පරන උනත් හොද ෆිල්ම් තියෙනවා නං පහලින් කමෙන්ට් එකක් දාලා යන්න. පුලුවන් විදියකට කරන්නම්….

 

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

3,861 downloadsDownload Under_the_Hawthorn_Tree_2010.zip44 KB

මේ ලබා දී ඇති සිංහල උපසිරැසි පිළිබද “හසිත මධුෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-01-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.