Red Dawn (2012) Sinhala Subtitles | දේශප්‍රේමියෝ [සිංහල උපසිරැසි සමඟ]

ඔයාලට මොකද හිතෙන්නේ රෑට නිදාගෙන උදයේ අවදි වෙන කොට අපේ රට වෙන රටකින් ආක්‍රමණය කරලා තිබුනොත්. හිතා ගන්නත් අමාරුයි නේද මොනවා කරන්නද කියලා. රටම හිරගෙයක් උනා වගේ. හරියට අතීතයේ අපේ මුතුන් මිත්තෝ සුද්දෝ, පරංගි එක්ක සටන් වැදුන හැටි මනසේ ඇඳෙනවා. මම මේක බලන්කොටත් මට ආවේ ඒ වගේ හැඟීමක්. මොන දේ උනත් හැම කෙනෙක්ම තමන්ගේ රට ගැන කැක්කුමක්,හැඟීමක් තියෙනවා. මොකද මොන රටක හිටියත් කාටත් තමන් ඉපදුන රට තරම් ඉස්තරම් රටක් මේ විශ්වයෙන්ම හොයා ගන්න බැහැ ඒක මම හොඳින් අත්විඳින නිසා මේ කතාව හිතට වැදුනා.

අද දෙන්න යන මේ අලුත් සලරුවත් ඒ වගේ කතාවක් පදනම් කරගෙන් නිපදවුන එකක්. මෙහි එන කතාව අර මම කියපු මුල් වාක්‍යය මගින් හොඳට තේරුම් ගන්න පුළුවන්. මේ සලරුව මීට කලින් 1984 දී මේ නමින්ම නිෂ්පාදනය වෙලා තිටෙනවා. එහි නැවත නිෂ්පාදනයක් විදිහට තමයි Red Dawn (2012) අද අපිට දකින්න ලැබෙන්නේ. 2012 නොවැම්බර් 21 ඇමෙරිකාවේ තිරගත කිරීම් ආරම්භ කල මේ කතාව Dan Bradley ගේ අධ්‍යක්ෂණය යටතේ සහ Chris Hemsworth, John Hutcherson සහ Jefrey Dean Morgan කියන දැකලා පුරුදු රංගන ශිල්පීන් ගේ රංගන දායකත්වයෙන් හැඩ වෙලා තියෙනවා. Chris Hemsworth ඔයාලට මතක ඇති Thor(2011), Cabin in the Woods(2011), Snow White and Huntsman(2012) සහ Avengers (2012) යන සලරූ වල ප්‍රධාන චරිත නිරූපණය කළා. John Hutcherson මෑතකදී දකින්න ලැබුනා The Hunger Games (2012) චිත්‍රපටයේදී.

එහෙනම් කතාව ටිකක් විතර කියන්නම්, මේක ඇමෙරිකාවට උතුරු කොරියාව සහ රුසියාව එකතු වෙලා කරන ආක්‍රමණයක් ගැන කියන්නේ. මෙහෙම කිව්වට ඇත්තටම නම් ඒක කරන්න පුළුවන් පහසු දෙයක් නෙමේ. ඉතින් ආරම්භයේදී පෙන්වන්නේ මව මිය ගිය පවුලක පිරිමි ළමයි දෙන්නෙක් ඉන්නවා එක්කෙනෙක් ඇමෙරිකානු නාවික හමුදා සෙබලෙක්. මල්ලි තවමත් පාසල් යන වයසේ ඉන්න ඇමෙරිකානු පාපන්දු ක්‍රීඩකයෙක්. මෙයාලගේ පියා පොලිස් නිලධාරියෙක්. ඉතින් මේ නාවික සෙබලා තමන්ගේ නිවාඩුවට ගෙදර එනවා. ඇවිත් මල්ලිගේ තරඟයක් එහෙමත් බලලා ගෙදර එන අතර තුර මුළු ප්‍රදේශය  පුරාම විදුලි විසන්ඳි වීමක් වෙනවා. පසුව මෙයාලගේ පියා ඒ රාජකාරී වලට යනවා පුත්තු දෙන්නව නිවසේ රඳවලා. ඊට පසුදා උදේ බලන කොට අර රෑ නිදා ගන්න කොට තිබුණ රට නෙමේ තියෙන්නේ, රට ආක්‍රමණයකට ලක් වෙනවා.

ඉතින් මෙයාල මේ අතරතුර කෙසේ හෝ ගැලවිලා තැනින් තැන සැඟවෙලා ඉන්න ගමන් අර ආක්‍රමණය කල උතුරු කොරියා කපිතාන් කෙනෙක් ගේ අතින් පියා මරුමුවට පත් වෙන්නේ දෑස් ඉදිරිපිටමයි. එතනින් තමා මෙයාල සටන් අරඹන්නේ. අර බාල සහෝදරයාගේ පෙම්වතිය සතුරු හමුදාවේ හිරකාරියක් බවටත් පත් වෙනවා. මෙයාල තමන්ගේ රට රැක ගන්න, තමන්ගේ පවුල් රැක ගන්න, ඉන්න තැන රැක ගන්න කරන්නේ මොනවද කියලා බලලම දැන් ගනිමු. මේ චිත්‍රපටයේ DVD කොපිය අන්තර්ජාලයට නිකුත් උනේ ඊයේ උදේ දවසකින් වැඩේ අහවර කර ගන්න හැකි වුනා. මොකද අපේ යාලුවෝ අපේ සබ් එකක් එනකන් බලන් ඉන්නවා මේ වගේ ඒවා බලන්න. ඔන්න එහෙනම් බලන්න තමා තියෙන්නේ, යන එන ගමන් ගුණ දොස් කියල යන්නත් අමතක කරන්න එපා. එහෙනම් නැවතත් මේ වගේ නවතම චිත්‍රපටි උපසිරසියක් සමඟ මුණ ගැසෙන තුරු ඔබ සැමට ජයෙන් ජය !!!

 

 

Due to copyright issues, we do not provide any torrent links.

මෙම ලබා දී ඇති උපසිරැසි BR පිටපත් සඳහා අදාළ වේ.

7,044 downloadsDownload Red.Dawn_.2012.zip73 KB

https://d36zzuvfojr38z.cloudfront.net/wp_content/uploads/2012/12/හසන්ත-වික්‍රමරත්න.jpg මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2012-12-29