TENET (2020) Sinhala Subtitles | හැම දෙයක්ම වෙන්නෙ ආපස්සටද? [සිංහල උපසිරසි සමඟ]

ක්‍රිස්ටෝපර් නෝලන් කිව්වම මේ වෙනකොට කවුද නොදන්නේ? සිනමාවට පෙම් බදින වැඩි දෙනෙකුගේ ප්‍රියතම අධ්‍යක්ෂකවරුන් අතර ඉහලින්ම ඉන්න කෙනෙක් තමයි ක්‍රිස්ටෝපර් නෝලන් කියන්නෙ. මේ තමයි ඔහුගේ එකොළොස්වැනි චිත්‍රපට අධ්‍යක්ෂණය. මිට කලින් ඔහුගේ නිර්මාණ නරඹල තියෙන හැමෝම දන්නවා මෙයාගේ නිර්මාණයක් බලල එක සැරේ නම් තේරුම් ගන්න බැරිවෙන බව. ඉතිං මේකත් එක සැරයක් බැලුවම තේරුම් යාවි කියල නම් හිතන්න එපා ඔන්න.

කොරෝනා ව්‍යසනය අතරමැද උනත් පහුගිය සැප්තැම්බරයෙදි සිනමාපටය සිනමාශාලාවන් සඳහා නිකුත් කරන්න WB සමගම සහ මෙහි නිර්මාපකයන් විසින් අධි අවධානම් තීරණයක් අරගත්තා. ඒ තීරණය වෙනුවෙන් ලොව පුරා වෙසෙන නෝලන් රසිකයන් ඔවුන්ට හැකි උපරිමයෙන් සාධාරණය ඉටු කරන්න පෙළ ගැසුනා. ඒ අනුව ඉතාම අමාරුවෙන් ඩොලර් මිලියන 350කට එහා ගිය ආදායමක් ඔවුන් විසින් මේකට ලබා දුන්නා. ඉතිං ඒ මුදලින් යාන්තමට බජට් එක කවර් කරගන්න ලැබුනත් ප්‍රචාරක වියදම් වැනි ඊට එහා ගිය වියදම් ටික කවර් කරගන්න නම් ඒ මුදල් ප්‍රමාණවත් නොවෙන්න ඇති. ඉතිං එතනින් එහාට මුදල් සොයාගැනීම වෙනුවෙන් මේ සිනමාපටයෙහි ඩිජිටල් නිකුත් කිරීමක් සිදුකරන්න මොවුන් විසින් මුලදීම තීරණය කරලා තිබ්බ. ඒ අනුව නිකුත් වෙන්න ඩිජිටල් වෙබ් කොපිය තමයි අද මේ අරගෙන එන්නෙ. 

සිනමාපටයේ විස්තර ගැන කිව්වොත් සුපුරුදු පරිදිම 7.8ක් වැනි ඉහළතම IMDB අගයක් හිමිකරගනිමින්, ටොමැටො මීටරේ 71%කට කරකවාගනිමින් ටොමැටො ඕඩියන්ස් එකේ මීටරයත් 76%කට කරකවාගෙන ඉහළතම ප්‍රතිචාර ලබාගත්ත මෙහි අධ්‍යක්ෂණය සහ රචනය ක්‍රිස්ටෝපර් නෝලන් විසින් සිදුකරලා තියෙනව. ඊට අමතරව මෙහි නිෂ්පාදනය වෙනුවෙන් නෝලන් සහ ඔහුගේ බිරිඳ එමා තෝමස් විසින් දායක වෙලා තියෙනව. ඒ වගේම නෝලන්ගේ සිනමාපට නරඹපු හැමෝම වගේ දන්නවා මිනිහගේ හැම ෆිල්ම් එකකම වගේ ඉන්න සෙට් එකක් ඉන්න බව. ඉතිං ඒ පිරිස මේකෙත් ඉන්නවා. 🙂 ඊට අමතරව නෝලන් විසින් රොබට් පැටින්සන්ව මේකේ ප්‍රධාන චරිතයකට තෝරාගැනීම සම්බන්ධව ප්‍රේක්ෂයන් විමතියට පත්කලා. රොබට් වගේ මල් කොල්ලෙක්ව නෝලන්ගේ සිනමාපට සඳහා ගැලපෙයිද කියල විවිධාත්මක තත්වයක් ඇතිවුණා. හැබැයි නෝලන් විසින් රොබට්ගේ Good Time (2017) සහ The Lost City of Z (2016) සිනමාපට නැරඹීමෙන් අනතුරුව තමයි ඔහුව තමන්ගේ සිනමාපටයේ මේ චරිතය සඳහා තොරගන්නව කියල තීරණය කරලා තියෙන්නෙ. ඒ අනුව අපි දන්න කියන ඩෙන්සිල් වොෂින්ටන්ගේ පුත්‍ර රත්නය ජෝන් ඩේවිඩ් වොෂිංටන්, රොබට් පැටින්සන්, එලිසබෙත් ඩෙබිකි,ඩිම්පල් කපාඩියා, මයිකල් කේන් සමගින් කෙනත් බ්‍රනාග් ප්‍රධාන වශයෙන් දායක වෙනව. ඒ වගේම 2006 වසරට පසුව Hans Zimmer විසින් නෝලන්ගේ සිනමාපටයක සංගීත නිර්මාණය සිදු නොකරන පළමු අවස්ථාව වෙමින්, මෙහි සංගීත නිර්මාණය The Mandalorian, Black Panther, Creed වැනි සිනමාපටවල සංගීත නිර්මාණ ශිල්පී, ඔස්කා සම්මානලාභී Ludwig Göransson විසින් සිදුකරලා තියෙනව.

සිනමාපටයේ නම වෙන TENET කියන එක ආපිට කියවනකොටත් අපිට කියවන්න වෙන්නේ TENET කියලමයි. ඉතිං නමෙන් පවා එහෙම දේවල් කරන නෝලන් ඇයි මේ තරම්ම විශේෂ කියල ඔයාලට දැනගන්න ඕනද? හරි එහෙනම් සිනමාපටය නරඹන්න කලින් මෙන්න මේ ටිකත් කියවලම යන්න. එතකොට ඔයාලට හොඳටම දැනේවි ක්‍රිස්ටෝපර් නෝලන් මේ තරම් විශේෂ වෙන්නේ ඇයි කියල. සාමාන්‍ය වර්තමාන රොමැන්ටික් – ද්‍රාමා කැටගරියේ සිනමාපටයක් වෙනුවෙන් VFX 300කට එහා තියෙනව. හැබැයි මේ සිනමාපටය වෙනුවෙන් VFX එහෙම නැත්නම් පරිඝනක දෘශ්‍ය ප්‍රයෝග දර්ශන යොදාගෙන තියෙන්නෙ දර්ශන 280ක් සඳහා පමණයි. ඒ හැරෙන්න ඔබ දකින අන් සියල්ලම සැබෑ පසුතල සහිත සැබෑ දර්ශන. මේකේ එක දර්ශනයක් තියෙනව ලේන් හයක හයිවේ එකක, කිලෝමීටර් 8ක විතර කොටසක් වහගෙන සති තුනක් තිස්සේ සිද්දකරපු. ඒ විතරක් නම් මදැයි. ගුවන්යානයක් ගුවන්යානා අංගනයකට කඩා වැදිල පුපුරන දර්ශනයක් වෙනුවෙන්ම බෝයින් 747 යානයක් මිලට අරගෙන, ඒක හප්පලා පුපුරවල තියෙනව. ඒ වගේම මෙහි ඉදිරියට සහ ඒ සිදුවීමම ආපස්සට වෙන දර්ශන ඇත්තටම ආපස්සට රඟපාමින් සහ ආපස්සට දෙබස් කියමින් සිදු කරන්න මෙහි රංගන ශිල්පීන්ට සිද්දවෙලා තියෙනව. මනස කළඹන සිනමාපටයක් වෙනුවෙන්, බලා හිඳින ඔබව මං තවත් නවත්තගෙන ඉන්නෙ නැහැ. එහෙම නම් ඔන්න ඔබගේ අවස්ථාව. අවසාන වශයෙන් සිනමාපටයේ බාබරා විසින් දෙන උපදෙසක් දෙන්නම්, ” තේරුම්ගන්න උත්සහ කරන්න එපා, විඳගන්න.” 🙂

 

බයිස්කෝප් සිංහලෙන් නිල ෆේස්බුක් පේජය සමග එක්වීමට  මෙතනින් පිවිසෙන්න.

බයිස්කෝප් සිංහලෙන් නිල ෆේස්බුක් ගෘපය සමග එක්වීමට මෙතනින් පිවිසෙන්න.

 

 

 

Due to copyright issues, we do not provide any torrent links.

මෙම ලබා දී ඇති උපසිරැසිය ඇතැම් WEB / HD සහ Blu-Ray පිටපත් සඳහා සඳහා අදාළ වේ.

ගැලපෙනම පිටපත බයිස්කෝප් ඩවුන්ලෝඩ් අඩවියෙන් ගන්න.

84,254 downloadsDownload TENET-2020-Blu-Ray.zip185 KB

 

මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2009/03/10
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.