DCs Legends of Tomorrow [S05 : E09] Sinhala Subtitles | ඇය නොවන ඇය!!! [සිංහල උපසිරැසි සමඟ]

ඔන්න එහෙනම් දීර්ඝ පමාවකට හසුවෙච්ච ලෙජන්ඩ්ස් කතාමාලාවේ පස්වැනි කතාසමයේ නවවැනි කතාංගය ඔබ වෙත රැගෙන ඒමේ වගකීම පැවරුනේ මට. ඉතින් අපේ රවිදු මළයාගෙන් බේරෙන්නම බැරි තැන මේ උපසිරැසිය කළා මිසක් කරන්න හිටි එකක්නම් නෙවේ මේ. හොදයි එහෙනම් බලමු කතාවේ මොකෝ වෙන්නෙ කියලා.

අද කොටස ගැන කිව්වොත් දෛවයේ ගෙත්තම්කාර දෙවගණන් තිදෙනාගෙන් ක්ලොතෝ, ඒ කියන්නෙ ලෙජන්ඩ්ලාගෙ චාලිව හොයාගන්න චාලිගෙ අක්කා, ඒ කියන්නෙ ඇට්‍රොපොස් හොදටම ලං වෙලා ඉන්නෙ. ඉතින් මේ නිසාම චාලි කලින් හිටිය සංගීත කණ්ඩායම පවා ඇට්‍රොපොස් මරා දමනවා. ඉතින් මේ ආරංචිය සැළ වීමත් සමග සාරා කියන්නෙ දෛවයෙ ගෙතුම් යන්ත්‍රයේ කොටස, ඒ කියන්නෙ කතාවේ හැටියටනම් ලූම් එක හොයන වැඩේ ටික දවසකට නවත්තන්න ඕන කියලා. මොකද තාම රේ පාමර් නැතිවෙලාත් වැඩි දවසක් නෑනේ. හැබැයි ජෝන් කොන්ස්ටන්ටයින් මේ කිසිවක් කණකට ගන්නේ නෑ.

ඉතින් ඇස්ට්‍රාගෙ අම්මාට වෙච්ච පොරොන්දුව ඉෂ්ට කරන්න ජෝන් තනිවම යනවා ලූම් කොටස සොයන්න. ඉතින් මේ අතරේ යානය තුළ ඉන්න සාරි දැඩි දෙගිඩියාවකින් ඉන්නෙ තමන්ට මේ සිද්ධ වෙන දේවල් ගැන. මොකද ඇය නිතරම කරන්නෙ ඇය අකමැති දේවල්. ඉතින් මේ නිසාම බෙහාර්ඩ් යෝජනා කරනවා ටෝටම් එක ඇතුළට ගිහින් මුතුන්මිත්තන්ගෙන් ඊට අවශ්‍ය පිළිතුරු ලබාගන්න කියලා. ඉතින් ඔය අතරෙම මික් සෑහෙන්න වෙහෙස මහන්සියක් දරනවා තමන්ගෙ දියණිය එක්ක මිත්‍ර වෙන්න. අපරාදෙ කියන්න බෑ ඉතින් ඒවා සෑහෙන්න උදව් කරනවා මේ වැඩේට.

කොහොමින් හෝ අද කොටසින් ඔන්න ජෝන්ගෙ වැඩේ නිසා, ඇට්‍රොපොස්ට කණ්ඩායම අහු වෙනවා. ඉතින් ඒ වගේම තමා කෙනෙක්ට ජිවිතයෙන් වන්දි ගෙවන්නටත් සිද්ධ වෙනවා. එහෙමනම් ඉතින් ඇට්‍රොපොස් මරන්නෙ කාවද වගේම අද ඇය ලූම් එක යළි ලබාගනීවිද නැද්ද යන්න ඔබම බලලා දැනගන්න. එහෙනම් ඉතුරු කොටස් සියල්ලම රවිදු මළයා රැගෙන ඒවි. යළි උපසිරසියකි හමුවෙන තුරු ඔබ සැමට ජයෙන් ජය!

 

ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මීට සති දෙකකට කලින් මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහ මෙතනින් එක්වෙන ලෙසින් හැමෝටම ආරාධනා කරනවා.

 

 

 

Due to copyright issues we don’t provide any torrent links.

(පස්වන කතාසමය සදහා කොටස්වල අංක නම් කරනු ලබනුයෙ මේ වසරේදී නිකුත් වූ මෙම කතාමාලාවට අදාල “ක්‍රොස්ඕවර් කතාංගය” පළමුවන කොටස ලෙස ඇතුලත් කර බව සලකන්න.)

ලබා දී ඇති උපසිරසි WEB පිටපත් සඳහා අදාළ වේ.

3,068 downloadsDownload DCs-Legends-of-Tomorrow-S05-E09.zip28 KB

මේ ලබා දී ඇති සිංහල උපසිරැසි පිළිබද “මධුකප්‍රිය පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2015-04-19
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.