Monarch : Legacy of Monsters [S01 : E07] Sinhala Subtitles | නොදැන හුන් කතාවක්. [සිංහල උපසිරසි]

Monarch: Legacy of Monsters Sinhala Subtitles

කොහොමද හැමෝටම? මේ වෙනකොට නම් මාත් එක්ක අවුලෙන් ඇත්තේ කට්ටිය. පහුගිය ටිකේ හොඳටම අසනීප වුණා, ඒ වෙද්දී සබ් එකෙන් 3/4 කරලා තිබ්බේ. ඉතුරු ටික කොහෙත්ම ඉවර කරගන්න පුළුවන් තත්වයක් තිබුනේ නැහැ නිව්මෝනියාවට හායි කියලා යාන්තම් බායි කියල මෙහාට පැනගත්තේ. ඒ වගේම මට ඉවර කරගන්න බැරි වුණාම බාරදෙන්න කෙනෙකුත් හිටියේ නැහැ. මේ නිවාඩු කාලේ සහ අවුරුද්ද අවසානය නිසා ගොඩක් අය තමන්ගේ පෞද්ගලික සහ රාජකාරි වැඩ ගොඩක ඉන්නෙ. මේක ඉවර කරලා දුන්නෙත් හිරාන් සහෝදරයා.  සාධාරණ හේතුවක් නැතුව අපි සබ් එකක් අක්වදවත් හිතා මතා පරක්කු කරන්නේ නැහැ. ඒ නිසා යම් පමාවක් වෙනවා නම් පොඩ්ඩක් ඉවසන්න කියල ඉල්ලා හිටිනවා. මොකද කවදාවත් සබ් නොලැබී තියෙනවට වඩා යම් කාලයක් පමා වෙලා හරි සබ් ලැබෙන එක වටිනව නේද? උදාහරණයකට මම අතැරලා දැම්මට පස්සෙ වොකින් ඩෙඩ් යුනිවර්ස් එකට අත ගහන්න කැමති කෙනෙක් තාම ඉදිරිපත් වුණේ නැහැනේ. පේනවනේ ඒ බැනිල්ලෙන් වෙලා තියෙන දේ? මහන්සි වෙලා සබ් කරලා බැනුම් අහන්න කවුද කැමති වෙන්නෙ? 🙁

ඒ වගේම මේක එනදාම හෝ ඊට පහුවදා හරි සබ් එක දුන්නම කට්ටිය සද්ද නැතුව සබ් එක නම් අරගෙන යනව කියල පේනවා ඩව්න්ලෝඩ් කවුන්ට් එක බැලුවම. ඒත් ඒකෙන් සියයට එකක්වත් දිරිමත් කරලා කමෙන්ට් එකක් නම් වැටුනේ නැහැ. සාධාරණ හේතුවකට යම් කාලයක් පරක්කු වුණාම කෝල් කරලත් අහනවා 🙁 කමෙන්ට් තමයි මේවා ඉක්මනට දෙන්න ගැම්මා සපයන ඉන්ධන වෙන්නේ හොඳේ.  1990 ගණන්වල ෆිල්ම් එකකට සබ් දුන්නත් කමෙන්ට් 100ක් විතර වැටුණු කාලයක් තිබ්බ මේ උපසිරසි ජිවිතයේ. ඒ කාලේ හිටිය රසිකයෝ තමා අපිට මේ ඇම්ම බෝ කලේ කමෙන්ට් දාලා සලකලා. දැන් අය සබ් එක අරගෙන යනවා විතරයි. සැලකිල්ලට සැලකිල්ල. 😉 ඉතිං, තරහ ගන්න කාරි නැහැ ඉතුරු ටික එන දවසෙම දෙන්නම්.  

පහුගිය කොටස අපේ හිරාන් මල්ලි අරගෙන ආවා. මුලින්ම එයාට ස්තුතිවන්ත වෙන්න ඕනා. ඒ වගේම සමහරු බලාපොරොත්තු වෙනවා මේ වගේ කතාවකින් දැවැන්තයින් අතර ලොකු ගැටුම් ඇතිවෙලා ලොකු සිද්දි දාමයක් වෙයි කියල. හැබැයි එහෙම වෙන්නේ නැහැ. මොකද මේක බැක් ස්ටොරියක් සහ මේකෙන් පෙන්වන්න උත්සහ ගන්නේ ෆිල්ම් එකකින් පෙන්නගන්න බැරි කතාවක්. මොකද ෆිල්ම් එකකින් කවදාවත් පෙන්නගන්න බහ මේ මොන්ස්ටර්ස්ලා නිසා මිනිස් ජිවිත වලට ඇතිවෙන වෙනස් කම් ගැන. ඒ වැඩේ කරන්න තමයි ලෙජන්ඩරිලා මේක නිර්මාණය කරන්නෙ. එයාල ඒක මේ වෙනකම් සාර්ථකව නිර්මාණය කරගෙන ආවා. එහෙනම් මේ වෙනකම් වෙච්ච දේවල් ලාවට මතක් කරගෙන ඉමු,

Monarch: Legacy of Monsters Sinhala Subtitles

පසුගිය මතකයෙන්
කට්ටිය ඇලස්කාවට යන්න තීරණය කරනවා හදිසියේම. මතකද ඇලස්කාවට ගිය හේතුව?. ඒ තමයි මේ වෙනකොට අතුරුදහන් වෙලා ඉන්න හිරෝෂිව හොයාගන්න. හැබැයි යන්නේ නම් තනියම නෙමෙයි, හිරෝශිගේ මිත්‍රයා ලී ෂෝගේ උදව් ඇතිව. හැබැයි ඒ ගමන නම් කෙලවර වුණේ මහා විනාශයකින්. විනාශයට හේතු වුණේ ෆ්‍රොස්ට් වාර්ක් කෙනෙක්. ඉතිං එතැනදී වැඩේ අවුල් වුණා. යාන්තම් මොනාක් එකේ පිහිටෙන් සහ කෙන්ටරෝගේ තැනට සුදුසු නුවන නිසා කට්ටිය පණ බේරාගත්තා. හැබැයි මොනාක් එක එයාලට ඕන වැඩේ කරන්න පුළුවන් වෙන ආකාරයට තමයි අන්තිමේදී මේ හතරදෙනාව නිදහස් කලේ. ඒ අනුව කේට්ගේ අම්ම කෙන්ටරෝ ගැනත් දැනගත්තා. ඒ වගේම ගොඩ්සිලාට කෝල් එකක් දීලා ගෙන්නගන්න පුළුවන් උපකරණයක් සහ ඒ උපකරණයට ගොඩ්සිලා දක්වන ප්‍රතිචාර ගැනත් අපි පහුගිය කොටසේදී දැක බලාගත්තා. ඒ විතරක් නම් මදැයි. හිරෝශිගේ සිතයම අනුව මීළඟට ගොඩ්සිලා මතුවෙන තැනට කට්ටිය ගියහම වුණේ කවුරුත් නොහිතපු දෙයක්.

 

Monarch: Legacy of Monsters [S01 : E07] Sinhala Subtitles

අද කොටසින්
ඉතිං මේ කොටසේදී අපිට දකින්න ලැබෙනවා මේ සම්බන්ධ සම්පුර්ණ ඇත්ත කතාව මොකක්ද කියල. ඒ වගේම අද කොටසේදී හරි අපුරු දෙයක් වෙනවා. ඒ තමයි Apex Cybernetics ආයතනය බිහිවීම ගැන සම්පුර්ණ පසුබිම් කතාව අපිට ගලපලා දෙනවා. ඔයාලට මතක ඇතිනේ මැකාගොඩ්සිලාව? අන්න එයාව නිර්මාණය කලේ මේ ආයතනය විසින්. එහෙනම් බලන්නකෝ අද එපිය. ලබන සුමානේ ආයේ හම්බවෙමු.

Monarch: Legacy of Monsters Sinhala Subtitles

S01.E07 ∙ Will the Real May Please Stand Up?

Director : Matt Shakman

Writers : Chris Black, Matt Fraction

IMDB : 5.9 (Dec.12 2023)

 

 

 

 

 

Due to copyright issues, we no longer provide any torrent links.

ලබා දී ඇති උපසිරැසි WEB පිටපත් සඳහා පමණක් අදාළ වේ.

16,823 downloadsDownload Monarch.Legacy.of_.Monsters.S01E07.zip30 KB

මේ ලබා දී ඇති සිංහල උපසිරැසි පිළිබද “ශාන් විමුක්ති [විමා]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-02-27
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.