Money Heist aka La casa de papel [S02 : E06] Sinhala Subtitles | කෙලින්ම සිංහයාගේ ගුහාවට..! [සිංහල උපසිරැසි සමඟ]

ඔන්න ඉතිං කට්ටිය සෑහෙන උනන්දුවකින් බලපු Money Heist කතා මාලාවේ දෙවනි කතා සමයේ හයවන කතාංගය කරන්න බාර ගත්තෙ මම. හැමෝම දන්නව වගේ තරිඳු සහෝ මේ කාලෙ සෑහෙන කාර්‍යබහුල වෙලා ඉන්න නිසා දෙවනි කතා සමය අපි කීපදෙනෙක් එකතුවෙලා තමයි කරගෙන ආවෙ. හැබැයි ඉතිං කියන්න සෑහෙන කණගාටුයි මම දැක්ක පහුගිය කතාංගයකදි තරිඳුට සෑහෙන අඩුකුලේ කමෙන්ට්ස් දාල කොල්ලව සෑහෙන දිරිගන්වපු පිරිසකුත් හිටිය.. ඒ ගැන කතා කරන්න ගියොත් අපිත් ඒ කුලේටම වැටේවි කියල හිතෙන නිසා මම තවත් ඒ ගැන මොකුත් කියන්නෙ නෑ.. ඉතිං මේ වෙලාවෙ මම සෑහෙන හෘදයාංගමව කවිෂල් රසින්ත මලයව සිහිපත් කරන්න ඕනෙ, පහලින් ලියල තියෙන සම්පූර්ණ ලිපිය ලියල දුන්නට. කිව්ව ගමන් “හා අයියේ, ලියල දෙන්නං” කියල බාර අරන් විනාඩි ගාණක් ඇතුළත ලිපියත් ලියල මට එව්ව. ඉතිං කවිෂල් මලය ගොඩක් ස්තූතියි ලිපියට.. එහෙනං කවිෂල්ගෙ ලිපිය බලල කතාව බලන්න පටන් ගමු නේහ්..

පසුගිය කොටසින්…

පහුගිය කොටස නූල් පොටකින් සූක්ෂම වුනත් ලොකු වුනත් ඕනිම සැලැස්මක් විනාශ වෙනවා කියලා ඔප්පු කරපු කොටසක්. ප්‍රොෆෙසර් තමන්ගේ හැදුනුම් කම දන්න එකම කෙනා ඒ කියන්නේ ඒන්ජල් කෝමා එකෙන් නැගිටලා කියලා පොලිසිය ප්‍රචාරය කරපු තොරතුර ඇත්තද නැත්තද කියලා ඉතා ලෙහෙසියෙන් තමන්ගේ මොළය පාවිච්චි කරලා හොයාගන්නේ පොලිසිය තව තවත් අඩියටම ඇද දමමින්. එහෙත් මේ අතරතුර රෝයල් මින්ට් එක ඇතුලේ ප්‍රාණ ඇපකාරයෝ ගෙනගියපු කැරල්ලෙන් ආර්තුරෝ ඩෙන්වර්ව තම ග්‍රහණයට ගත්තත්, ඒත් ප්‍රාණ ඇපකාරියක් වුන මොනිකා නිසා ඒ ප්‍රාණ ඇපකාරයන්ගේ සියලුම අවස්ථා මග ඇරි යන්නේ අර්තුරෝගේ ඔලුවට පොල්ලකින් ගහලා ඩෙන්වර්ව බේරගත්තට පස්සෙයි. ප්‍රොෆෙසර් තමන්ගේ පෙම්වතිය රැකල් එක්ක ඉන්න වෙලාවේ තමයි රැකල්ට ඔක්කම තේරුම් යන්න පටන ගත්තේ. ඒ නූල් පොටක් හින්දා. රෝහලට ඇතුල් වෙලා ඒන්ජල් කෝමා එකෙන් නැගිටලද කියලා බලන්න කවටයෙක් වෙලා තමයි ප්‍රොෆෙසර් ගියේ. ඒ විකටයගේ කොණ්ඩේ නූල් පොටක් තමයි ප්‍රොෆෙසර්ගේ ඇගේ ඒ වෙලාවේ තිබුනේ. එතනින් පස්සේ රැකල්ට එකින් එක හැමදෙයක්ම තේරුම් යන්න පටන් ගත්තා. ඒ විතරක් නෙමෙයි ප්‍රොෆෙසර්ව රැකල් අත් අඩංගුවට අරගෙන පොලිසියට අරගෙන යන්නේ නැතුව ටොලෙඩෝ වල ප්‍රොෆෙසර්ලා සැලැස්ම හදපු ගෙදරට එක්කගෙන යන්නේ වෙන උවමානවක් හින්දා වෙන්න පුලුවන්, ටෝකියෝ තමන්ට කලින් ලැබුනු උපදෙස් අනුව ක්‍රියාත්මක වෙමින් තමන්ගේ ආරක්ෂක දේවදූතයා තමාව බේරගන්න ඒවි කියලා අපේක්ෂාවෙන් මහාධිකරණයට යන්න පිටත් වෙන්නේ පොලිස් ආරක්ෂාව මැද්දේ. මොනිකා තමන් අපරාධ කාරයෙක් විදිහට හිතාගෙන කළකිරිලා ඉන්නවා පෙන්නුවත් ඒකට වගකියන්න ඕනි ආර්තුරෝ කියලා හැමෝම දන්නවා. ආර්තුරෝගේ නායකත්වයෙන් කරගෙන ගියපු කැරල්ල මැඩ පැවත්තුවත් ඒකෙන් වඩාත් කම්පනයට පත් වෙන්නේ නයිරෝබි, මොකද ඇය ප්‍රාණ ඇපකරුවන්ට පොරොන්දු වෙලා තිබ්බ දේවල්, නිදහස සියල්ල කඩ කරපු නිසත්, ඇයගේ සැලැස්ම විනාශ කරලා දාපු නිසාත්. ඇය අන්තිමේ එතනින් අයින් වෙන්නේ ආපහු රෝයල් මින්ට් එක ඇතුලේ මංකොල්ලකරුවන්ගේ බොස් බර්ලින්ව කරලයි. ඒ වගේම හෙල්සින්කි සහ බර්ලින් අර්තුරෝව පුපුරන ද්‍රව්‍ය ඇගට තියලා ගැට ගහලා ඔහුගේ දඩුවම ඔහුට ලබාදුන්නා ඔහුගේ ක්‍රියාව නිසා. අන්තිමේ ප්‍රාණ ඇපකාරයන්ට වුනේ තමන්ට තිබුන සියලුම නිදහස සහ සියලූ දේවල් නැති කරගත්ත එකයි.

අද කොටසින්…

අද කොටස වෙන් වෙන්නේ ටෝකියොගේ ගැලවීමට සහ ප්‍රොෆෙසර් රැකල්ට කොටු වීමෙන් පසු සිදු වූ සිදුවීම් වලටයි.ප්‍රොෆෙසර් තමන් ටෝකියෝට හැමවෙලේම දීලා තිබුන පොරොන්දුව වුනේ ඇයව හැමවෙලේම ආරක්ෂා කරවනවා කියන එකයි. ඉතින් කලින් කොටසේ ප්‍රොෆෙසර් රැකල්ගේ ග්‍රහණයට පත් වුනාට පස්සේ ඒ ටෝකියෝව ගලවගන්න සැලැස්ම හරියට ක්‍රියාත්මක වෙයිද? ප්‍රොෆෙසර්ව පොලිසියට රැගෙන යන්නේ නැතුව ටොලේඩෝවල නිවසට රැගෙන ගියේ මොකක් නිසාද? ප්‍රොෆෙසර්ගෙ අවසානය මෙය වෙයිද? මංකොල්ලයේ මහ මොළකරු නොමැතිව සැලැස්මවල් කෙරීගෙන යනවද? ඒ වගේම ඔබ ඇතැම්විට ප්‍රොෆෙසර් නොකරයි කියල හිතපු වැඩකුත් අද ප්‍රොෆෙසර් කරනව.. ඒ මොකද්ද? අද කොටස ගත්තොත් බොහෝ ක්‍රි‍යාදාම සපිරි කොටසක්. අද මංකොල්ල පිරිසගෙන් එක් අයකුට අවසානයේ වෙඩි වැදෙන්නේ මරණය ලගා කරලා. ඉතින් ඒ කවුද? ඔහු හෝ ඇය මැරෙයිද? මේ කොටස අරගෙනම බලන්න මොකක් වෙයිද කියලා? රෝයල් මින්ට් මහා මංකොල්ලයේ අවසාන අදිය‍රට කෙමින් කෙමින් ලගා වෙනවා.

ඊලඟ කොටසත් අරගෙන සුපුරුදු විදියට තරිඳු සහෝ ඒවි. මම ගිහින් එන්නම්.. කවිෂල් ආයෙත් ස්තූතියි ලිපියට.. ජය වේවා..!

 

 

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

49,808 downloadsDownload Money-Heist-aka-La-casa-de-papel-S02-E06.zip24 KB

මේ ලබා දී ඇති සිංහල උපසිරැසි පිළිබද “උදයංග සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-07-03
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.