Underwater (2020) Sinhala Subtitle | සාගර ගැඹුරේ සිටින අත්භූත සත්වයා… [සිංහල උපසිරැසි සමඟ]

පෘථිවිය කෙතරම් විශ්‍මයජනකද? එය සමහර අවස්ථාවදී වචන වලට පෙරලන්න බැහැ. පෘථිවිය කියන්නෙ ගුප්ත ස්ථානයක්. අදටත් මනුෂ්‍යයින් වෙන අපි හොයාගෙන නැති දේවල් බොහෝමයි. පෘථිවි පෘෂ්ඨයෙද වගේම සාගරයෙ.

පෘථිවියෙ විවිධ භූ විෂමතා අනුව කඳු සහ ආගාධ වැනි දේවල් නිර්මාණය වී තිබෙනවා. ඒ අනුව ලොව උසම කන්ද ලෙස හඳුන්වන්නෙ එවරස්ට් කන්දයි. මෙහි උස ප්‍රමාණය දළ වශයෙන් අරගත්තොත් මීටර් 8848 ක ප්‍රමාණයක් අරගන්නවා. ඒවගේම ලොව ගැඹුරුම ස්ථානය ලෙස හඳුන්වන්නෙ මරියානා ආගාධයයි. සාගරයෙ ඇති ගැඹුරුම ස්ථානය. එහි ගැඹුර මීටර් 10,994 ක ප්‍රමාණයක්. ඉතිං එය ලොව උසම කන්ද වෙන එවරස්ට් කන්දත් පරාජය කරනවා. එවරස්ට් කන්ද මරියානා ආගාධයෙ ගිල්ලුවත් ඒ කඳු මුදුන මුහුදු මට්ටමේ මීටර් 2146 ක් පහළින් තමයි පවතින්නෙ. ඉතිං ඔයාලටම තේරෙනවා ඇතිනෙ එය කොච්චර ගැඹුරු ස්ථානයක්ද කියලා.

~ මරියානා ආගාධයෙ පිහිටුම ~

මරියානා ආගාධය ප්‍රථම වර හොයාගෙන වගේම එහි ගැඹුර හොයාගෙන ඇත්තෙ 1875 වර්ෂයෙදීය. ඒ ශබ්ද තරංග උපයෝගී කරගනිමින්. ඉන්පසුව 1899 වර්ෂයෙදී නැවත වරායක් මෙය ශබ්ද තරංග උපයෝගී කරගෙන සිදු කරනවා. ඉන්පසුව නැවතත් සිදු කරන්නෙ 1957 වර්ෂයෙ සෝවියට් පර්යේෂණ නැවක් පාවිච්චි කරමින්. මොවුන් කලින් සිදු කරනු ලැබූ ගැඹුරකට වඩා ගැඹුරක් ඇති බව සනාථ කළා. ඒ මීටර් 10,990 ක්. පසුව නව තාක්‍ෂණයෙ ඇති දියුණුවත් සමඟ ඔවුන් වැරදි බවටත් ඔප්පු කිරීමට පුළුවන් වුණා. ඉතිං මේ මරියානා ආගාධය නිර්මාණය වී ඇත්තෙ පෘථිවි පෘෂ්ඨ දෙකක් එකිනෙක ඝට්ටනය වීමෙන්. මේවා හඳුන්වන්නෙ භූ තැටි ලෙසයි. ඒ ඝට්ටනය නිසා එක් පෘෂ්ඨයක් අනිකෙන් ඈත් වී මුහුදට කිදාබැස ඇත. මෙලෙස පෘෂ්ඨය පෘතුවියේ බාහිර ස්ථරයෙන් යටට කිඳා බැසීමක් සිදු වී තිබෙනවා. මෙලෙස ගැටුණු පෘෂ්ඨ හේතුවෙන් විශාල ආගාධයක් නිර්මාණය වුණා. එය තමයි ”මරියානා ආගාධය” ලෙස හඳුන්වන්නෙ.

~ මරියානා ආගාධයෙ භූ පිහිටුම ~

ඉතිං මේ මරියානා ආගාධයෙ පහළට ගමන් කරන්න කරන්න කළුවර වැඩිවෙනවා. මොකද මුහුදට හිරු එළිය වැටෙන්නෙ කිලෝමීටර් ගාණක් වෙනකම් පමණයි. ඉතිං සූර්ය රෂ්මිය ක්‍රමයෙන් අඩු වෙනවාත් එක්කම එහි තිබෙන උෂ්ණත්වයද අඩු වෙනවා. ඒවගේම තමයි එහි තිබෙන පීඩනයත් ගොඩක් වැඩිවෙනවා. මරියානා ආගාධයෙ උෂ්ණත්වය සෙල්සියස් අංශක 1-4 ප්‍රමාණයක් තමයි තිබෙන්නෙ. ඉතිං මේ මරියානා ආගාධය 1960 වර්ෂයෙදී ගවේෂණය කිරීමක් සිදු කර තිබෙනවා. ඒ ”Jacques Piccard” හා ”Don Walsh” පුද්ගලයින් විසින්. නමුත් මොවුන්ට ගැඹුරුම ස්ථාන වල ජයාරූප අරගන්න පුළුවන්කමක් ලැබුණේ නැහැ.

~ මරියානා ආගාධයට යැවු ප්‍රථම යාත්‍රාව ~

 

කොහොමහරි මෙලෙස ගවේෂණ කිහිප වතාවක් සිදු වි තිබෙනවා. ඉතිං මෙලෙස ගවේෂණ කටයුතු සිදු කිරීමට හැකියාවක් ලැබුණේ මීටර් 10,902 සිට මීටර් 10,916 ක් දක්වා ඇති ගැඹුරක්. ඉන්පසුව 2012 වර්ෂයෙදී තාක්‍ෂණය අතින් දියුණුවක් ඇති වකවානුවේ කැනේඩියානු චිත්‍රපට අධ්‍යක්ෂකවරයෙක් වෙන ”James Cameron” එහෙම නැත්තම් ”Avatar” සහ ”Titanic” චිත්‍රපට අධ්‍යක්ෂකවරයා විසින් ඩොකියුමන්ටරි චිත්‍රපටයක් නිර්මාණය කරනවා ”The Deepsea Challenger” නමින්. ඔහු එහිදී මරියානා ආගාධයෙ මීටර් 10,908 ක ගැඹුරකට ගොස් තිබෙනවා.

~ චිත්‍රපටය සඳහා නිකුත් වුණු පෝස්ටරය ~

ඉතිං මෙලෙස පහළට ගමන් කරන්න එක්තරා විශේෂ ආකරායෙ මත්සයින් දකින්න පුළුවන්කමක් ලැබෙනවා. ඇත්තටම එවැනි පිඩනයකට සහ එවැනි අඩු උෂ්ණත්වයත තුළ ජීවින් හැඩගැසී තිබෙනවා කියන එක ඇත්තටම විශ්මයජනකයි. හැබැයි දැනට හොයාගෙන ඇත්තෙ අල්ප ප්‍රමාණයක මත්සයින්.

~ සාගර ගැඹුරේ ජිවත් වෙන ජීවින් ~

ඒවගේම කියන්න ඕනෙ උඩ ඉන්නෙ සාගර ගැඹුරේ ජිවත් වෙන ජීවින් කිහිප දෙනෙක් විතරයි. තවත් ජීවින් ඉන්නවා. ඒවගේම තමයි මේ වෙනකොටත් සොයාගෙන නැති ජිවිනුත්. හැමදාටමත් මිත්‍යාවක් ලෙස ජිවත් වෙන ජීවින්. මනුෂ්‍ය වර්ගයට තර්ජනයක් වෙන ජීවින්. එහෙනම් මේ අරගෙන එන්නෙ එවැනි ආකාරයෙ මනුෂ්‍ය වර්ගයට තර්ජනයක් වෙන බයානක ජිවිතෙක් මනුෂ්‍යයින් වන අපෙ වැරදි වලින් මතුපිටට අරගන්නා චිත්‍රපටයක් සමඟයි.

”Unterwater” මේ වෙනකොට හැමෝම වගේ චිත්‍රපටය ගැන දැනුවත්වත් ඇති. කොහොමහරි චිත්‍රපටය එන්න තිබුණේ 2019 වර්ෂයෙ දෙසැම්බර් මස. නමුත් ”ඩිස්නි” සහ ”ෆොක්ස්” ගණුදෙනුවක් නිසා තිබිච්ච හැම චිත්‍රපටයක්ම වගේ නිකුත් වීමට තිබුණු දින වෙනස් වුණා. මේ වෙනකොට ”IMDb දර්ශකයෙ 6.1” වැනි අගයකුත්,”Rotten Tomatoes දර්ශකයෙ අගය 46%” වැනි අගයකුත් ලබාගැනීමට සමත් වී තිබෙනවා. පැයයි විනාඩි 35 ක් පුරාවට දිවෙන මෙම චිත්‍රපටය අයිති වෙන්නෙ Action l Drama l Sci-Fi l Horror l Mystery l Thriller යන කාණ්ඩ වලටයි. අධ්‍යක්ෂණය කටයුතු සිදු කරන්නෙ ”William Eubank” විසින්. ඒවගේම තමයි රංගනයෙන් Kristen Stewart l T.J. Miller l Jessica Henwick l Vincent Cassel l John Gallagher Jr. l Mamoudou Athie l Mamoudou Athie දායක වෙනවා. එහෙනම් අපි දැන් කතාව පැත්තට හැරෙමුකො.

නෝරා කියන්නෙ යාන්ත්‍රික ඉංජිනේරුවරියක්. ඒවගේම තමයි ඇය තමන්ගෙ කසාඳය ගැන ගොඩක් ලතැවුලෙන් ඉන්නෙ. මොකද ඔහු වෙන් වෙච්ච කෙනෙක්. කොහොමහරි මැය මුහුදෙ පතුලෙ ඇති විදුම් මධ්‍යස්ථානයක තමයි වැඩ කරන්නෙ. ඔන්න දවසක් ඒ හැමදේම කණපිට පෙරෙලෙනවා. කිසිම කෙනෙක් නොහිතපු දෙයක් සිද්ධ වෙනවා. මුළු විදුම්යතයෙම ජල කාන්දුවක් ඇති වෙනවා. කොහොමහරි නෝරා ඉන්න තට්ටුවෙන් බේරෙන්න වෙන්නෙ ඇයටයි තව කෙනෙක්ටයි විතරයි. පස්සෙ මෙයාලා මතුපිටට ගමන් කරන්න මාර්ගයක් හොයන අතරේ අනතුරේ වැටිච්ච කට්ටියට උදව් කරනවා. කොහොමහරි මේකෙන් ඉතුරු වෙන්නෙ කිහිප දෙනෙක් විතරයි. ඒවගේම තමයි මතුපිටට යන්න තිබුණු සෑම කුටිරයක්ම වගේ ඉවර වෙනවා. පස්සෙ මෙයාලා කරන්නෙ මුහුදු පතුලටම ගිහිං අනිත් ස්ටේෂන් එකට යන්න. ඒක හැතැප්ම ගාණක් එහායින් තියෙන එකක්. ඒවගේම මොහුන්ට කිසිම යාත්‍රාවක් නැහැ එහාට යන්න. ඇවිදගෙන තමයි යන්නෙ. මෙහෙම ටික වෙලාවක් යද්දී මෙයාලට අමුතු දෙයක් දකිනවා. ඒ මොවුන් කෙදිනකවත් දැකල නැති ජීවියෙක්. ඒවගේම තමයි අමුතුම ස්වරුපයක් අරගන්න සත්වයෙක්. ගොඩක්ම බයානක දේ වෙන්නෙ මොවුන් මාංශ භක්ෂකයින් වීම. ඉතිං මෙවැනි වාතාවරණයකදී මෙයාලාට දුවල බේරෙන්න පුළුවන් වෙයිද? ඇත්තම කවුද මේ අමුතු ගුප්ත සත්වයා? කියන හැමදේම පිළිතුරු ලැබෙයි අවසානය වෙනකම් නැරඹුවොත්.

තවත් උපසිරැසකින් හම්බවෙනකම් හැමෝටම ජය!!

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය HD / WEB / Blu-Ray පිටපත් සඳහා ලබා දි ඇත.

36,781 downloadsDownload Underwater-2020-Blu-Ray.zip141 KB

මේ ලබා දී ඇති සිංහල උපසිරැසි පිළිබද “රවිදු රුක්ෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2016-08-20
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.