Aswathama (2020) Sinhala Subtitles | සමාජය වනසන විකෘතිකයින්… [සිංහල උපසිරසි සමඟ]

ආයුබෝවන් කියල පිලිගන්නවා බයිස්කෝප්වාසී මිතුරන් හැමෝම. මේ වසරේ ආපු තවත් Action Thriller ඝනයට අයත් සුපිරිම චිත්‍රපටයක් ඔබ වෙත රැගෙන එන්නයි මගෙයි තරිඳු අයියගෙයි මේ සූදානම. ඇත්තටම මේක බාරගෙන හිටිය සහෝදරයා මේ දිනවල අත්‍යවශ්‍ය රාජකාරියේ යෙදෙන නිසාවෙන් උපසිරැසි ගැන්වීමට නොහැකි වීම නිසා මමයි තරිඳු අයියයි වැඩේ අතට ගත්තා. සියලු දෙනාම නිවෙස් වල සිටිමින් ආරක්ෂාකාරීව, සෞඛ්‍යමත්ව තමන්ගේ එදිනෙදා වැඩකටයුතු කරගෙන යන ගමන් පවුලේ අය සමග විනෝදයෙන් කාලය ගත කරන අතරතුර මේවගේ මේ වගේ චිත්‍රපටයක් නරඹන්නට අවස්ථාව ලැබෙන එක ලොකු භාග්‍යයක්. වැඩිදුරටත් පවසන්නට කැමතියි රජය සහ සෞඛ්‍ය සේවා අංශයන් විසින් ලබා දෙන උපදෙස් පිළිපදිමින් මේ වසංගත තත්වය සමග ඇති වී ඇති අවදානමෙන් මිදෙන තුරු රජයට සහ අනිකුත් ආරක්ෂක අංශ ඇතුලුව සියලුම දෙනාට නිවෙස්වලම සිට ඔබගේ සහයෝගය ලබාදෙන ලෙසට බයිස්කෝප් සිංහලෙන් කණ්ඩායමේ අප සියලුදෙනාම මුලින්ම මතක් කර සිටින්න කැමතියි.

චිත්‍රපටිය පැත්තට ගියොත් මේක අධ්‍යක්ෂණය කරන්නේ චිත්‍රපට අධ්‍යක්ෂණයට මංගල පියවර තබමින් රාමණා තේජා කියන අධ්‍යක්ෂක වරයා විසින්. සමාජයේ සිටින එක්තරා පහත් මානසිකත්වයෙන් යුතු පුද්ගලයෙකුගේ හැසිරීමක් වටා ගොඩනැගෙන මෙහි කතා වස්තුව සිනමාවට නැගීම වෙනුවෙන් මෙහි ප්‍රධාන චරිතය නිරුපනය කරන්නේ මින් පෙර Chalo සහ Diya වැනි චිත්‍රපට වල රංගනයේ නිරත වුනු Naga Shaurya විසින්. එමෙන්ම Chanakya, Pattas වැනි චිත්‍රපටි වල රංගනයේ නිරත වනු Mehreen Pirzada මෙහි ප්‍රධාන නිළිය ලෙසින් කටයුතු කරනවා Jisshu Sengupta , Sargun Kaur Luthra ඇතුළු නළු නිළියන් රැසක් මේ සඳහා තම රංගන දායකත්වය සපයා තිබෙනවා. මිනිත්තු 133 ක් පුරා දිවෙන මේ සලරුව නුඹට එක දිගට බලා සිටිය හැකි කුතුහලයක්ද සමගින් ඔබව ඒ කාල පරාසය පුරාවට එක තැනක වාඩිකර තබනවා නිසැකයි. IMDB මීටරය 7.2/10 මෙන්ම ඉහල ප්‍රේක්ෂක ප්‍රතිචාර සහ විචාරක ඇගයීම් රැසක් ලැබුණු මේ චිත්‍රපටය මග හැරගන්න එපා කියා ඔබෙන් ඉල්ලා සිටිනවා.

කතාව ගැන කියනවනම් ගුනා සහ ප්‍රියා කියන්නේ පණට පණ වගේ ඉන්න අයියයි නංගියි දෙපලක්. කාලයක් තිස්සේ US ඉන්න ගුනා කෙලින්ම ඉන්දියාවට එන්නේ නංගිගේ විවාහ උත්සවය වෙනුවෙන්. හරිම සතුටින් විවාහ වෙන්න ඉන්න ප්‍රීති තමන්ගේ කසාදෙට දවස් දෙකක් තියල දිවිනසාගන්න උත්සහ කරනවා. එතනින් එහා කතාව කියන්න යන්නේ නැහැ. මොකද එතනින් එහා වෙන්න ඇත්තේ මොකද කියල ඔයාල දැන් හිතන දේ තියෙනව නේද. ඊට වඩා නොසිතු පැත්තකට කතාව මෙතනින් එහාට පෙරළෙනවා. පළමු මිනිත්තු 35න් පසුව චිත්‍රපටය ඔබව නොසිතු පැත්තකට අරන් යනවා වගේම ඉන් පසු කුතුහලය පිරි සෑම විනාඩියක්ම ඔබව චිත්‍රපටය තුළට බැඳ තබාගනිවී. ඒ නිසා ඒ කොලිටිය විනාස කරන්න අපි කැමති නැහැ. ඔබම අරගෙන නරඹන්න කියා ඉල්ලා සිටිනවා. වැඩිය කියන්න යන්නේ නැහැ.

අවසාන වශයෙන් කියන්න තියෙන්නේ අද වනවිට සමාජයේ පහත් විකෘති මානසිකත්ව වලින් පිරි මිනිසුන් බහුලව සැරිසරනවා. ඉතින් ඔබේ දුව, නැගණිය. බිරිඳ, පෙම්වතිය මොවුන්ගේ ගොදුරකට ඕනම වෙලාවක භාජනය වීමට ඉඩ තිබෙනවා. ඔබේ දුව, නැගණිය. බිරිඳ, පෙම්වතිය අහිංසක වෙන්න පුළුවන්, නමුත් ඒ අය නොදැනිම ඒ අයගේ ජිවිතයට මෙවන් හෙනහුරන් නොසිතු මොහොතක කඩා පහත් වෙන්න පුළුවන්. ඉතින් එවන් කාරණාවක් වටා ගොඩනැගුනු මේ චිත්‍රපටය අවසානයේ ඔබට හොඳ ආදර්ශයක් සපයාවී. ඔබට හොඳ පණිවුඩයක් කියා දේවී.

ඉතින් එහෙනම් අපි අදට සමුගන්නවා. ආයෙත් මතක් කරන්න කැමතියි මේ දිනවල ඇති වී තිබෙන ව්‍යසනකාරී වසංගත තත්වය හේතුවෙන් ඔබත් මේ මොහොත වනවිට නිවාසේම රැඳී සිටින අයෙක් වෙන්න පුළුවන්. ඔය අයුරින්ම තව දින කිහිපයක් මේ තත්වය හොඳ අතට හැරෙන තුරු රජයට සහ අනිකුත් ආරක්ෂක අංශ ඇතුලුව සියලුම දෙනාට ඔබට හැකි උපරිම සහයෝගය ලබාදෙමින් නිවෙස්වලම සිට ඔබගේ සමීපතමයන් සමග කාලය ගත කරමින් ඔබගේ සහයෝගය ලබාඩී ඔබත් රටත් ආරක්ෂා කරන මහඟු කාර්යයට උර දෙන ලෙසට බයිස්කෝප් සිංහලෙන් කණ්ඩායම වෙනුවෙන් අප සියලුදෙනාම ඔබට මතක් කර සිටිමු. ජය..!!!

෴ ඔබ සැමට කඳ සුරිඳු පිහිටයි…!!! ෴

 

 

Due to copyright issues, we do not provide any torrent links.

මෙම ලබා දී ඇති උපසිරසි Proper HD පිටපත් සඳහා අදාළ වේ.

20,077 downloadsDownload Aswathama-2020.zip53 KB

මේ ලබා දී ඇති සිංහල උපසිරැසි පිළිබද “M.T.R. තරිදු රුක්ෂාන් පෙරේරා” සොහොයුරාට සහ තා‍ර‍ක ‍නු‍වන්‍” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

Subtitle Contributor Rank

SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.