The Taking of Pelham One Two Three (1974) Sinhala Subtitles | පැල්හැම් උමං දුම්රිය [සිංහල උපසිරසි]

ආයුබෝවන්… සුබ දවසක් වේවා යාළුවෝ හැමෝටම..

අපි හැමෝම චිත්‍රපටි බලන්න කැමතියි. ආසයි. ඒ කැමැත්ත ආසාව එකිනෙකාට වෙනස්. කෙනෙකුට හොඳයි කියන චිත්‍රපටියක් තව කෙනෙකුට හොඳ නැතිවෙනවා. හොඳද නරකද කියලා බලන්න අපිට ඒ චිත්‍රපටිය බලන්නම වෙනවා. පුද්ගලිකව මම, තව කෙනෙක් කිව්වටවත්, රේටින් අඩු වුනත්, වැඩි වුනත් බලලම තමයි තීරණය කරන්නේ ඒක හොඳද නැද්ද කියලා. වැදගත්ම දේ, පැරණි සිනමාව අළුත් සිනමාව කියලා මගේ බේදයක් නැහැ. මම කොයිකත් රස විඳිනවා. හැබැයි 70/80/90 දශකයේ චිත්‍රපටි වලට ටිකක් බර වැඩියි. ඉතින් ඒක නිසාම වෙන්න ඇති මං ටිකක් පරණ චිත්‍රපටි තෝරගන්නේ උපසිරසි හදන්න. ඒකේ මට පොඩි වාසියකුත් තියනවා. මගේ වැඩත් එක්ක කලබලයක් නැතුව මට හිමීට උපසිරසිය හදන්න පුළුවන්.

මම උපසිරසි හදන්න පටන් ගත්ත දවසේ ඉඳන් මේ අඩවියේ මාව දිරිමත් කරන, මගේ උපසිරසි අගයන පුංචි සාමාජික කොටසක් ඉන්නවා. මං බලපු, තාමත් සිංහල උපසිරසි නැති එවැනි චිත්‍රපටි වලට උපසිරසි හදලා මං ඒවා ඒ අයත් එක්ක බෙදාගන්නවා. මං වගේම මේ අඩවියේ මේ වගේ පැරණි සිනමා නිර්මාණ වලට උපසිරසි හදන අය හැමෝමත් එහෙමයි.

පරණයි කියලා අපිට මිම්මක් තියන්න බැහැ හොඳ උසස් නිර්මාණයකට. තාක්ෂනික පැත්තෙන්, ඒ කියන්නේ කළුසුදු, ටෙක්නිකලර්, වෛවර්ණ, පුළුල් තිර විදිහට එක එක අවධි තිබුණත්, හොඳ චිත්‍රපටයක් නම් ඒක කවදාවත් පරණ වෙන්නේ නැහැ. කවදා හරි දවසක නිර්මාණය වෙන සියළුම චිත්‍රපට 3D තාක්ෂනයටත් එහා ගිය තාක්ෂනයකට ආවොත්, අද අපි බලන චිත්‍රපටි පරණයි කියලා අයින් කරන්නේ නැහැනේ. දවසක අපිට පස්සේ එන පරපුරට, අපි අද ආසාවෙන් බලන චිත්‍රපටි, එදාට අපි බලපු චිත්‍රපටි වෙනවා මිසක් පරණයි, සීයලගේ කාලේ ඒවා කියලා අයින් කරන්නේ නැහැ.

ඒ මොන දේටත් වඩා, දවසක… සිංහල උපසිරසි මහගෙදර, බයිස්කෝප් අඩවියේ අපි හොයන ඕනෑම චිත්‍රපටියකට සිංහල සබ් තියේවි. අද වගේම එදාටත් මේ අඩවිය ඉහළින්ම වැජබේවි..

මං වගේම සෑම උපසිරසි නිර්මාණකරුවෙක්වම ඔයාලගේ පුංචිම පුංචි කමෙන්ට් එකකින් දිරිමත් කරන්න. අපේ අඩු පාඩු පෙන්නලා දෙන්න. ඒ වචන වල අගය අපිට කියලා නිම කරන්න බැහැ. අපිට වටින්නේ ඔයාලගේ අදහස්. ඒක තමයි අපේ සතුට.

The Taking of Pelham One Two Three (1974) චිත්‍රපටයේ අවුරුද්ද කොහොම වුනත් චිත්‍රපටයේ නම නම් ඔයාලට හුරු ඇති. ඒ 2009 ආපු චිත්‍රපටය නිසා. මේ චිත්‍රපටයත් සල්ලි වෙනුවෙන් උමං දුම්රියක් පැහැරගන්න කතාවක් රැගත් චිත්‍රපටයක්.

1973 වසරේ Morton Freedgood, ඔහුගේ John Godey යන අන්වර්ථ නාමය යටතේ මේ නමින්ම නවකතාවක් ලියලා තියනවා. ඒ අනුසාරයෙන් Peter Stone විසින් තිර රචනය කර, Gabriel Katzka සහ Edgar J. Scherick ගේ නිෂ්පාදනයෙන් මෙම චිත්‍රපටය Joseph Sargent විසින් අධ්‍යක්ෂණය කර ඇත. චිත්‍රපටය ආරම්භයේදීම අපිට 70 දශකයේ David Shire ගේ මිහිරි සංගීතයක් රසවිඳින්නත් පුළුවන්. චිත්‍රපටයේ රංඟනයෙන් Walter Matthau, Robert Shaw, Martin Balsam සහ Héctor Elizondo ඇතුළු රංඟන ශිල්පීන් රැසක් දායක වෙනවා.

(Mort Künstler නිර්මාණය කල චිත්‍රපටයේ මුල්ම පෝස්ටරය)

1974 ඔක්තෝබර් 02 වන දින මුලින්ම තිරගතවූ The Taking of Pelham One Two Three චිත්‍රපටය විනාඩි 104ක ධාවන කාලයකින් යුක්තය. ඩොලර් මිලියන 3.8ක නිෂ්පාදන පිරිවැයක් ඇති මේ චිත්‍රපටයේ බොක්ස් ඔෆීස් ආදායම ඩොලර් මිලියන 18.7 කි.

එවකට විචාරකයින් කීප දෙනෙක්ම මෙම චිත්‍රපටය 1974 හොඳම චිත්‍රපටය විදිහට නම් කරලා තියනවා. ඊට අමතරව මෙම චිත්‍රපටය සඳහා IMDb දර්ශකයේ 7.7ක්, Rotten Tomatoes 100% ක අගයක් ලැබී ඇත. Google පරිශීලිකයින්ගෙන් 91%ක කැමැත්ත මෙම චිත්‍රපටයට ලැබී ඇත.

The Taking of Pelham One Two Three, 1998 වසරේදී රූපවාහිනී චිත්‍රපටයක් ලෙස ප්‍රතිනිර්මාණය කල අතර නැවතත් 2009 දී සිනමා නිර්මාණයක් ලෙස ප්‍රතිනිර්මාණය කර ඇත.

එහෙනම් අදට මං ගිහින් එන්නම්. ආපහු දවසක මේ වගේම තවත් චිත්‍රපටයකට සිංහල උපසිරසියක් අරන් එනකන් ඔයාල හැමෝටම නිරෝගිමත් සුබ දවසක් වේවා…

~ ජය වේවා ~

 

 

 

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

1,322 downloadsDownload The-Taking-of-Pelham-One-Two-Three-1974.zip55 KB

මේ ලබා දී ඇති සිංහල උපසිරැසි පිළිබද “ රොෂාන් ශමීර ජයසිංහ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2019-03-30
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.