Sathriyan (2017) with Sinhala Subtitles | රක්ත වර්ණ රුධිරයෙන් සිත්තම් කළ ආදර අන්දරය! [සිංහල උපසිරැසි සමඟ]

තිචී. මලකොට්ටයි වල සුන්දර කඳු යායක් අතර තමයි පිහිටා තියෙන්නෙ. මේ කන්ද මුදුනේ වැඩ වසන්නා වූ මහානුභාවසම්පන්න ගණ දෙවිඳුන් තමයි මේ ත්‍රිචී ප්‍රදේශය පාලනය කරනු ලැබුවේ. හැම ආගමකම වගේ මිනිස්සු මේ නගරයේ ජීවත් වුණා. නමුත්, මෙම ප්‍රදේශය පුරාවටම නිරන්තරයෙන් භක්තිය සහ විනය රඳා පැවතුණා. හැම ආගමකම මිනිස්සු කිසිම රණ්ඩු සරුවලක් නැතුව සමාදානයෙන් ජීවත් වුණා. ඒ වගේම, ත්‍රිචි කියන්නෙ බුද්ධිමතුන් සහ දර්ශනවාදීන් රාශියක් භාරත මාතාවට දායාද කරපු භූමියක්. හිටපු ජනාධිපති අබ්දුල් කලාම් මහත්මයා අධ්‍යාපනය ලැබුවෙත් මේ ත්‍රිචි නගරයෙන් තමයි. බොහොම ලස්සනට සහ සංසුන් විදියට පේන්න තියෙන මේ ත්‍රිචි පුරවරය බොහොම උෂ්ණාධික ප්‍රදේශයක්. ඒ නිසාමද, නැත්නම් වෙනත් හේතුවක් නිසාද කියලා නම් කියන්න දන්නේ නැහැ, මැරයන්ගේ ප්‍රශ්න බොහොම දරුණු විදියට මේ ප්‍රදේශය පුරාවට මුල් බැසගෙන තිබුණා. මූලිකවම මේක මැර කල්ලි දෙකක් අතර යුද්ධයක් කියලා කිව්වොත් හරි. මේ නිසාම ත්‍රිචි මිනිස්සුන්ට රුධිරය කියන දේ කොච්චර සාමාන්‍ය දෙයක් වෙලාද කියනවා නම්, මැරයින්ගේ තියුණු ආයුධ වලින් ගලා යන්නා වූ රුධිරය තවදුරටත් මිනිසුන්ගේ ඇස් වලට වේදනාවක් ගෙනදුන්නේ නැහැ. නමුත්, මේ රුධිරය නිසාවෙන් හැම තැනකම නොමැකෙන පැල්ලම් ඇති වුණා. මේ කියන්න හදන්නෙත් කෝලාහලයක් දක්වාම දුර දිග ගියපු, රුධිර පැල්ලම් වලින් සිත්තම් වූ ආදර අන්දරයක් පිළිබඳවයි.

සමුද්‍රම්! වෙනත් විදියකින් කියනවා නම් “ත්‍රිචි නගරයේ මැර රජා” විදියට තමයි සමුද්‍රම්ව හඳුන්වන්නෙ. කිසිම කෙනෙකුගේ අණසකට අවනත නොවෙන, මරණයට වූවත් නොබියව පා තබන්නා වූ මේ සමුද්‍රම් පිළිබඳව මිනිසුන් තුල පැවතියේ අති මහත් භීතියක්. නමුත්, කිසිම පොත පතක හෝ, පුවත් පතක ජායාරූපයක් හෝ සමුද්‍රම් මෙන්න මේ වගේ කෙනෙක් යැයි හරියාකාරව කිවහැකි පුද්ගලයෙක් හිටියෙ නැහැ. ලොවෙන් වසන්වී, සමස්ත ත්‍රිචි නගරය පුරාවටම සිය අණසක පැතිරවූ අදෘෂ්‍යමාන රජෙකු ලෙස තමයි මේ සමුද්‍රම් සැලකුවේ. නමුත්, සමුද්‍රම්ගේ දියණියට කළහකාරී තරුණයින් පිරිසකගෙන් සිදුවන්නා වූ කරදර හිංසාවන් නිසාවෙන් ඇයගේ මව විසින් තම දියණියගේ ආරක්ෂාව පිණිස පෞද්ගලික ආරක්ෂකයෙකු යොදවනවා.

ගුණා! කිසිම හිතක් පපුවක් නැති දරුණු අපරාධකාරයෙක්. මිනිහෙක්ගේ ජීවිතය නැති කරලා දාන එක බොහොම සුළු දෙයක් වෙච්ච පුද්ගලයෙක්. වෙනත් වචන වලින් කියනවා නම්, හදවත ගලක් බඳු වූ, අතිශය දරුණු ඝනයේ මිනීමරු අපරාධකාරයෙක්. නමුත්, කතාවක් තියෙනවා ගින්දර සහ පුළුන් කවදාවත් එක ලඟින් තියන්න එපා කියලා. මොකද, ලං වෙච්ච ගමන්ම ගිණි ගන්නවා. සමුද්‍රම්ගේ දියණිය ගින්දර නම්, මේ ගුණා තමයි පුළුන්. නිකන්ම නිකන් පුළුන් නෙමෙයි. “තෙත පුළුන්”. තෙත පුළුන්  වලට කොච්චර ගින්දර ලං වුනත් ගිණි ගන්නේ නැහැ. නමුත්, සමුද්‍රම්ගේ දියණියගේ ආදරය හමුවේ ගුණාගේ යකඩ හදවත මෙලෙක් වුණා. මෙතෙක් කාලයක් පුරාවට හදවතේ ලැගුම් ගෙන සිටි දරුණු යක්ෂයා පිටව ගියා. වෙනත් වචන වලින් කියනවා නම්, “තෙත පුළුන් වේලුනා”. මොකද වුනේ? ගිණිගත්තා!

ත්‍රිචි නගරයම හොල්ලගෙන හිටපු සමුද්‍රම්ට තමන්ගේ දියණිය වෙනුවෙන් පෞද්ගලික ආරක්ෂකයෙකු යෙදවීමට තරම් සිදුවූ විනාශය කුමක්ද? සමුද්‍රම්ගේ දියණියට සහ ගුණාට ඔවුන්ගේ ආදරය කරදර බාධාවකින් තොරව පවත්වාගෙන යෑමට හැකියාව ලැබේද? අවසානයේ කුමක් වේවිද?

ඔන්න එහෙනම් ඉක්මණටම තවත් චිත්‍රපටියක් අරගෙන ආවා. 2017 වර්ෂයේ ජුනි මස 9 වැනි දින තිරගතවීම ආරම්භ කරන ලද මෙම සිනමා සිත්තම Action, Romance යන කාණ්ඩ සඳහා අයත් වෙනවා. ඒ වගේම, Imdb දර්ශකය තුල 5.0 ක අගයකින් සමන්විත වෙනවා. චිත්‍රපටය තුල ප්‍රධාන රංගන දායකත්වය සපයන්නේ, Kumki (2012) චිත්‍රපටය තුලින් දමිල සිනමා ක්ෂේත්‍රය වෙත පා තබමින්, Ivan Veramaathiri (2013), Arima Nambi (2014), Vellaikaara Durai (2014), Idhu Enna Maayam (2015), Wagah (2016), Veera Sivaji (2016) ආදී චිත්‍රපට තුලින් අති සාර්ථක ගමනක් පැමිණි, මේ වන විට දමිල සිනමා ක්ෂේත්‍රයේ ජනප්‍රියම රංගන තාරකාවක් වන, Vikram Prabhu විසිනි. ප්‍රධාන නිළිය ලෙස, Aaradhu Sinam (2016), Paayum Puli (2015) සහ Press 1 for Tamil (2015) යනාදී චිත්‍රපට තුලින් ප්‍රේක්ෂක ජනාදරයට පත්වූ Aishwarya Dutta රංගනයෙන් දායක වෙනවා. චිත්‍රපටයේ මියුරු ගීත සඳහා සංගීත අධ්‍යක්ෂණය සපයනු ලබන්නේ Yuvan Shankar Raja විසිනි.

එහෙනම්, කැමති අය අරගෙන බලන්න. රේටින්ග් යකාට ගියාවේ කියලා චිත්‍රපටිය නරඹන අයට, පළවෙනි විනාඩියේ ඉඳලා කිසිම කම්මැලිකමක් නැතුව නරඹන්න පුළුවන් චිත්‍රපටයක් නරඹන්න හැකියාව ලැබේවි. ඒ වගේම කියන්න ඕනේ, මේක මීට කලින් වෙන කෙනෙක් උපසිරසි ගන්වන්න බාරගෙන තිබුනේ. ඒත්, සෑහෙන කාලයක් ගතවෙලත් කිසිම ප්‍රතිචාරයක් නැති නිසා තමයි මං බාර අරගෙන උපසිරැසි ගන්වලා ගෙනාවේ.

ඒ වගේම විශේෂයෙන් කියන්න දෙයක් තියෙනවා. ලිපිය ටිකක් දිග වැඩි වුනත් මේ දේ කියන්නම ඕනේ. පහුගිය දවස් කීපයේදී, ලංකාවේ ඉන්න, තමන් ජාත්‍යන්තර මට්ටමේ සිනමා විචාරකයෝ කියලා තමන්ම හිතාගෙන, බොහොම උද්දච්ච මනසකින් ඉන්න පුද්ගලයෝ වගයක් උපසිරසිකරුවන්ට බොහොම දරුණු විදියට චෝදනා කරලා තිබුණා. එක චෝදනාවක් තමයි, උපසිරැසිය තුල උපසිරසිකරුවාගේ නම යෙදීම මේ උගත් කියලා හිතාගෙන ඉන්න උදවියට ලොකු ප්‍රශ්නයක් වෙලා තිබුණා. අපි ගොඩක් දෙනෙක් උපසිරැසිය ආරම්භයේ සහ අවසානයේ විතරයි නම දාන්නේ. ඒකත්, දෙබස් වලට කිසිම බලපෑමක් වෙන විදියට නෙමෙයි දාන්නේ. මං හිතන්නේ, මේ උදවියට තියෙන්නේ උපසිරසිකරුන්වගේ නම දකින්න හිරිකිතකමක් වෙන්න ඕනේ. එහෙම නැත්නම් නිකරුනේ මේ වගේ දෙයක් සම්බන්ධයෙන් මේ වගේ පහත් විදියට චෝදනා කරන්නේ නැහැ. අනිත් චෝදනාව තමයි, උපසිරසි වල එක එක වචන අල්ලාගෙන, මේක අරහෙම පරිවර්තනය කරන්න තිබ්බේ, මෙහෙම පරිවර්තනය කරන්න තිබ්බේ කිය කියා බොහොම ලොකුවට වීරකම් පෙන්නලා තිබුණා. හැබැයි මේ බණ කියන උදවිය ජීවිතේටවත් එකම එක උපසිරසියක් වත් කරලා නැහැ. මේ උදවිය හිතාගෙන ඇත්තේ උපසිරසියක් කරන එක බොහොම ලේසි පහසුවට කරන්න පුළුවන් දෙයක් කියලා වෙන්න ඇති. කකුළුවා ඇදේට යනගමන් අනිත් උන්ට කෙලින් යන්න කියනව වගේ වැඩක් මේක. මේ වගේ උදවියට කියන්න තියෙන්නේ මෙච්චරයි. දෙයියන්ගේ නාමෙට ඉංග්‍රීසි උපසිරසියක් දාගෙන බලන එකක් බලන්න. මෙතන ඇවිල්ලා අපිට පව් පුරවන්න හදන්න එපා. මොකද, නිකං දෙන අශ්වයාගේ දත් ගණන් කරන මේ වගේ දෙකයි පනහේ අය නැතුවට, මේ කරන සේවය හදවතින්ම අගය කරන බොහොම විශාල පිරිසක් ඉන්නවා කියලා හොඳටම දන්නවා. ඒ නිසා මේ වගේ උදවිය මේ පැත්තේ නාවයි කියලා අපි කාගේවත් තරහක් නම් නැහැ. අදාළ අය මේක කියවනවා නම් දැනගනීවි මේක කියන්නේ තමන්ටයි කියලා. අනිත් කිසිම කෙනෙක්ට නෙමෙයි මේක කිව්වේ.

ජයවේවා!

 

 

 

Due to copyright issues, we do not provide any torrent links.

www.TamilRockers.nu – Sathriyan (2017)

ලබා දී ඇති උපසිරසිය ඉහත පිටපත සඳහා අදාළ වේ.

14,102 downloadsDownload Sathriyan-2017.zip60 KB

https://d36zzuvfojr38z.cloudfront.net/wp_content/uploads/2017/09/Sisila-prasad-new.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2015-01-24
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.