Tom Clancy’s Jack Ryan [S01: E01] Sinhala Subtitles | ව්‍යසනයක පෙරලකුණු…. [සිංහල උපසිරැසි සමඟ]

Tom Clancy’s Jack Ryan එහෙමත් නැති නම් සරලව කියනවා නම් ජැක් රයන් කියන්නේ ඇමෙරිකානු ක්‍රියාදාම, දේශපාලනික ත්‍රාසජනක වෙබ් ටෙලිවිෂන් කතා මාලාවක්. එහි ආරම්භය මීට දින දෙක තුනකට කලින් සිද්ධ උනා. ඉතින් මේ කතා මාලාවේ නිර්මාතෘ තමයි Tom Clancy කියල කියන්නේ. ඔහු විසින් නිර්මාණය කරන ලද  “Ryanverse” නමැති මනංකල්පිත  විශ්වය තුල ඔහු විසින් රචිත කෘති  රාශියක් අපට හමුවෙනවා. ඔහුගේ පළමු කෘතිය උනේ The Hunt for Red October නමින්න් 1984 වසරේ ඔක්තෝබර් 1 වැනිදා පොත් පරිශීලකයන්ගේ අතට පත් වූ කෘතියයි. ඉන්පසු 2003 දක්වා ඔහු විසින් කෘති රාශියක් එළිදක්වනු ලැබුවා. පසුව ඔහු  Grant Blackwood, Mark Greaney, Mike Maden සහ Marc Cameron යන රචකයන් සමඟින් එක්වී පොත් එලි දැක්වුවා. ඒවා තමයි එකින් එක පහලින් පහලට දකින්න ලැබෙන්නේ.

• Hunt for Red October (1984)
• Patriot Games (1987)
• The Cardinal of the Kremlin (1988)
• Clear and Present Danger (1989)
• The Sum of All Fears (1991)
• Without Remorse (1993)
• Debt of Honor (1994)
• Executive Orders (1996)
• Rainbow Six (1998)
• The Bear and the Dragon (2000)
• Red Rabbit (2002)
• The Teeth of the Tiger (2003)
• Dead or Alive (2010, with Grant Blackwood)
• Locked On (2011, with Mark Greaney)
• Threat Vector (2012, with Mark Greaney)
• Command Authority (2013, with Mark Greaney)

Post-Clancy Ryanverse novels

• Full Force and Effect (2014, by Mark Greaney)
• Commander in Chief (2015, by Mark Greaney)
• True Faith and Allegiance (2016, by Mark Greaney)
• Point of Contact (2017, by Mike Maden)
• Power and Empire (2017, by Marc Cameron)
• Line of Sight (2018, by Mike Maden)
• Oath of Office (November 2018, by Marc Cameron)

අද අපි මෙසේ රූපවාහිනී කතා මාලාවක් ලෙසින් දකින්න යන මේ කතාව මීට පෙර චිත්‍රපට වශයෙන් පස් වතාවක් ඔබ අප අතට පත් උනා. ඉන් චිත්‍රපට දෙකකට අප විසින් ඔබට සිංහල උපසිරසි මේවනවිට ලබා දී අවසන්. ඒ චිත්‍රපට ගැන කිව්වොත්,

1. The Hunt for Red October (1990)
2. Patriot Games (1992)
3. Clear and Present Danger (1994)
4. The Sum of All Fears (2002)
5. Jack Ryan: Shadow Recruit (2014)

ඉහත කි චිත්‍රපට වල ජැක් රයන්ගේ චරිතයට අනුපිළිවෙලින්  පණ පෙව්වේ ඉතාමත් ජනප්‍රිය නළුවන් වන Alec Baldwin, Harrison Ford, Ben Affleck සහ Chris Pine යන නළුවන් පිරිස විසින්.  විවිධ කොමික් විශ්වයන් ගැන කතා කරන අද කාලයේ මේ රයන් වර්ස් එක තවත් එවැනිම විශ්වයක්. ඉතින් මේ ජැක් රයන් නමැති CIA නිලධාරියා ප්‍රධාන කරගෙන නිර්මාණය වූ කතාව විශාල පරාසයක් දක්වා දිවෙනවා. ඊට අමතරව මේ චරිත අනුසාරයෙන් වීඩියෝ ක්‍රීඩා පවා නිර්මාණය වී තිබෙනවා. සමහර ගේම් ඔබ මේවනවිට අවසන් කරලත් ඇති. මුලින්ම Red Storm Entertainment සමගම විසින් ආරම්භ වූ මේ පරිගණක ක්‍රීඩා අයිතිය පසුව ඔබ අප කවුරුත් දන්න Ubisoft ආයතනයට හිමි උනා. මෙතෙක් නිර්මාණය වූ වීඩියෝ ක්‍රීඩා වල නම් මෙසේ පෙළගස්වන්න පුළුවන්. 

• Rainbow Six
• Rainbow Six Mission Pack: Eagle Watch
• Rainbow Six: Rogue Spear
• Rainbow Six: Rogue Spear Mission Pack Urban Operations
• Rainbow Six: Rogue Spear Covert Ops Essentials
• Rainbow Six: Take-Down – Missions in Korea
• Rainbow Six: Rogue Spear Black Thorn
• Rainbow Six: Lone Wolf
• Rainbow Six 3: Raven Shield
• Rainbow Six 3: Athena Sword
• Rainbow Six 3: Black Arrow
• Rainbow Six 3: Iron Wrath
• Rainbow Six: Lockdown
  Rainbow Six: Critical Hour
• Rainbow Six: Vegas Rainbow Six: Vegas 2
• Rainbow Six: Shadow Vanguard
• Rainbow 6: Patriots
• Rainbow Six Siege

එහෙනම් වටපිටාව ගැන කියවල මහන්සි නොකර කෙලින්ම මාතෘකාවට බහිමු. මේ කතාව අපට ලැබෙන්නේ Amazon Video ආයතනය යටතේයි. පළමුව කොයස් 8 කින් සමන්විත මේ කතා මාලාවේ මීළඟ කොටස්  8 හෙවත් දෙවන කතා සමය  අපට 2019 වසර අග බාගයේදී ලැබෙනවා ඇති. මුලින්ම මම කියන්නම් කවුද මේ ජැක් රයන් කියන්නේ කියල. ඔහු CIA නිලධාරියෙක්. දැනට තොරතුරු විශ්ලේෂණ නිලධාරියෙක් ලෙසින් CIA ප්‍රධාන කාර්යාලයේ රාජ කාරී කරන ඔහුට ලැබී තිබෙන්නේ යේමනය සම්බන්ධ සිදුවන මුදල් ගනුදෙනු ගැන පරීක්ෂාවෙන් ඉඳල සැක කටයුතු යමක් වේ නම් ඒ ගැන ඉහල අංශ දැනුවත් කරන්න. දැනට විශ්ලේෂකයෙක් විදිහට ක්‍රියාත්මක උනත් ඔහු මීට කලින් මැරීන් සෙබලෙක් ලෙසින් සේවය කල අයෙක්. ඉතින් යේමනයේ සිද්ධ වෙන ගනුදෙනු ගැන සැලකිල්ලෙන් ඉන්න රයන්ට විශේෂ ගනුදෙනු කීපයක් ගැන ඇස ගැටෙනවා. ජැක් ප්‍රමුඛ කණ්ඩායම CIA එක තුල ක්‍රියාත්මක වෙන්නේ T-FAD නම් අනුවර්ත නාමයක් සහිත කණ්ඩායමක් ලෙසින්. ඒ තුල ලෝකයේ විවිධ කලාප ආවරණය වන ලෙසින් මෙසේ තොරතුරු විශ්ලේෂණය කරන පිරිසක් රාජකාරි වල නියැලෙනවා. ඒ වගේම ප්‍රධානියෙක් නොමැතිව දැනට රාජකාරි කෙරෙන මේ කණ්ඩායමට අලුත් ප්‍රධානියෙක් අද කොටසේදී ලැබෙනවා. රයන් කියන්නේ දක්ෂ නිලධාරියෙක් නමුත් නවක ප්‍රධානියාට රයන්ව මුලින්ම මුණ ගැහෙන්නේ යහපත් පසුබිමකදී නෙමෙයි. එහෙනම් මේ සියල්ලම සමඟින් මේ කොටස් 8 බලන්න ඔයාලට ආරාධනා කරනවා. ඉතාමත් ඉක්මනින් මේ උපසිරසි 8 ඔබට ලැබෙනවා ඇති. දැනටමත් මාත් ඇතුළුව අශාන්, චාමර, ලහිරු යන පිරිස මීට සහබාගි වෙනවා. එහෙනම් ගිහින් එන්නම් හැමෝටම ජය!!!

 

 

 

Due to copyright issues, we no longer provide any torrent links.

ලබා දී ඇති උපසිරසි WEB පිටපත් සඳහා අදාළ වේ.

13,130 downloadsDownload Tom.Clancys.Jack_.Ryan_.S01E01.zip27 KB

මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

ADMIN MEMBER
JOINING DATE – 2012-12-29
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.