Theeran Adhigaaram Ondru (2017) Sinhala Subtitles | දාම මංකොල්ලය හඹා යාම [සිංහල උපසිරැසි සමඟ]

දිනය:- 1995.06.07
ස්ථානය:- වලජපෙට්,වෙල්ලෝර් දිසාව
චෙන්නායි- බැංගලෝර් අධිවේගී මාර්ගයට නුදුරු නිවෙසක්

රෙදි කඩෙන් මුහුණු වසා ගත් පිරිසක් මහා රාත්‍රියේ එක්තරා නිවෙසකට කඩා වදියි.නිවසේ සිට ඔවුන් හමුවට ආ වයසක මිත්තණියක් ඔවුන්ගෙන් එක් අයෙකුගේ යකඩ පොලු පහරින් බිම ඇද වැටෙයි.ඇයගේ ගෙල බැඳි රන් මාලයද මොහු විසින් ගලවා ගනියි.තම මිත්තණිය ගැන බැලීමට පැමිණි ඇයගේ මුණුබුරා මංකොල්ලකරුවෙක් විසින් තදින් තල්ලු කිරීම නිසා ඔහු ද බිම ඇද වැටී හිස බිම හැපෙයි.මෙලෙස නිවස තුල නිදා සිටි කිහිපදෙනෙක්ම මොවුන්ගේ පොලු පහරින් මරණයට පත් වේ.එක් මංකොල්ලකරුවෙක් විසින් තරුණ කාන්තාවකගේ මුහුණ නිවසේ ජල ටැංකියකට ඔබාගෙන සිට ඇයගේ හිසට වෙඩි තබයි.අවසානයේ නිවස එකම මළ කඳන් ගොඩක් වේ,මේ මළ කඳන් මැද හිඳිමින් නිවසේ ඇති ධනය-මිල මුදල්,රත්තරන් ආදිය මංකොල්ලකරුවන් විසින් තමන් ගෙන ආ මළු වලට අසුරනු ලබයි.මෙතෙක් නිදා සිටි මහළු පුද්ගලයෙක් කාමරයක සිට නිවසේ සාලයට පැමිණෙන්නේ මේ කිසිත් නොදැනය.තමන්ව මරන්න එපා යැයි ඔහු පින්සෙන්ඩු වුවත් අවසානයේ ඔහුට ද හිමිවන්නේ වෙඩි පහරයි.

දිනය:- 2003.02.05
ස්ථානය:- චෝලවරුම්,තිරුවලුර් දිසාව
අධිවේගී මගට ආසන්න නිවෙසක්

පසුදින පුවත් විකාශයෙන් උපුටා ගැනීම-
“ඊයේ රාත්‍රියේ තිරුවලුර් දිසාවේ චෝලවරුම් හි අධිවේගී මාර්ගයට සමීප හුදෙකලාව තිබූ නිවසක භයානක මංකොල්ලයක් සිදු වී ඇත.පුද්ගලයින් පස් දෙනෙක් කපා කොටා ඝාතනය කර ඇත.එමෙන්ම ඇතැම් අයගේ පපු ප්‍රදේශයටම වෙඩි තබා ඔවුන් සාහසික ලෙස ඝාතනය කර ඇත……”

වසර 10ක පමණ කාල සීමාවක් ඇතුලත ඉන්දියාවේ තමිල්නාඩුවේ එකම ආකාරයේ දරුණු මංකොල්ලකෑම් කිහිපයක්ම සිදුවේ.මේ එයින් මංකොල්ලකෑම් දෙකකි.’95 වර්ෂයේ ප්‍රථමයෙන් වාර්තා වූ මෙම මංකොල්ලකෑම් 2000න් පසු වර්ෂ වලදී කිසියම් උච්ඡ තත්ත්වයකට පත්වන්නේ මහජනයාගේ බිය සහ සැකය ද ඊට සමානව ඉහළ දමමිනි.මෙම භයානක මංකොල්ලකෑම් හමුවේත් පොලිස් දෙපාර්තමේන්තුව තව දුරටත් මුනිවත රැකීම පිලිබඳ මහජනයාගෙන් දැඩි විරෝධයක් එල්ලවන අවධියක නියෝජ්‍ය පොලිස් අධිකාරී ධීරන් තිරුමාරන් හට මේ සම්බන්ධ පරීක්ෂණ කටයුතු භාර වේ.නීති රීති ගැන පමණක් නොසිතමින් එයින් ඔබ්බට ගොස් මහජනයාට යුක්තිය පසඳලීම සඳහා කටයුතු කරනා පොලිස් නිලධාරියෙක් ලෙස මේ වනවිටත් මාධ්‍ය හරහා ජනප්‍රියව සිටි ධීරන් කෙලෙසකින් මේ අබිරහස විසඳාවි ද? මෙලෙස කෘර අන්දමින් මිනිසුන් ඝාතනය කරමින් කිසිම බියක් සැකක් නොමැතිව,බලධාරීන්ගේත් ඇස් වසා වසර කිහිපයක සිට මෙම මිලේච්ඡ මංකොල්ලයන් සිදු කරන්නේ කවුරුන්ද?

මෙකී කාල සීමාවන් තුල ඉන්දියාවේ සත්‍ය ලෙසම සිදු වූ සිද්දීන් අළලා නිර්මාණය වූ දමිළ සිනමා පටය, Theeran Adhigaaram Ondru (2017)

ඔන්න සති කිහිපයක නිහැඬියාවකින් පසුව මේ සති අන්තයේත් ඔබේ රස වින්දනය වෙනුවෙන් සිනමාපටයක් අරගෙන එන්න අවස්ථාව උදා වුනා.මේ දමිළ සිනමා රසිකයින් මේ වසරේ නොඉවසිල්ලෙන් බලාගෙන සිටි තවත් එක් සිනමාපටයක් කිව්වොත් ඒකෙ වැරැද්දක් නැහැ. Action, Crime, Thriller යන ගණයන් ඔස්සේ වර්ගීකරණය වෙමින් නොවැම්බර් 17 තිරගතවීම් ඇරඹූ මෙය මේ වනවිට දහසකට වැඩි මනාපයෙන් IMDb හි 8.7ක අගයක්, Times of Indiaහි 3.5/5 ක අගයක් සහ 96%ක ගූගල් පරිශීලක මනාපයක් හිමිකරගෙන තිබෙනවා. දමිළ සිනමාවේ සුපිරි නළු Karthi මෙහි ප්‍රධාන චරිතයට පණ පොවනවා. Spyder (2017) [දමිළ/තෙලිඟු] සහ Dhruva (2016) [තෙලිඟු] වැනි මෑත කාලීයේ තිරගත වූ චිත්‍රපට සඳහා රංගනයෙන් දායක වූ Rakul Preet Singh මෙහි ප්‍රධාන නිළිය ලෙස රංගනයෙන් දායකවනවා.එමෙන්ම Mom (2017) [හින්දි] සහ 10 Enradhukulla (2015) වැනි සිනමාපට සඳහා රංගනයෙන් දායක වූ Abhimanyu Singh මෙහි ප්‍රතිවීර චරිතයට පණ පොවනවා.

ගොඩක් දමිළ චිත්‍රපට වල වගේ මේකෙත් නිකුත්වුනේ හාඩ් කෝඩඩ් ඉංග්‍රීසි උපසිරැසියක්.ඒ නිසා අසා සහ බලා ලිවීමක් තමයි කරන්න වුනේ.මූලිකවම මේ කාරණා නිසා තමයි වීඩියෝ පිටපත නිකුත්වෙලා සතියකට පමණ පස්සේ මේ විදියට උපසිරැසිය පළවෙන්නේ.ඉතින් මේ ත්‍රාසය,කුතුහලය,ආදරය පිරි දමිළ සිනමා පටය සති අන්තයේ රස විඳින්න ආරාධනා කරමින් ඔබට සමු දෙනවා!

තවත් ෆිලුමකින් ආයෙත් හමුවෙමු!ඔබට ජය!

 

 

Due to copyright issues, we do not provide any torrent links.

මෙම ලබා දී ඇති උපසිරසි HDRip පිටපත් සඳහා වලංගු වේ.

37,851 downloadsDownload Theeran-Adhigaaram-Ondru-2017.zip74 KB

https://d36zzuvfojr38z.cloudfront.net/wp_content/uploads/2017/01/TharinduRRasanga1-e1485642059118.jpg මේ ලබා දී ඇති සිංහල උපසිරැසි පිළිබද “තරිඳු රසාංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-01-29
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.