The Last Stand (2013) with Sinhala Subtitles | අවසන් නැවතුම… [සිංහල උපසිරැසි සමඟ] (50)

විනෝදයට වගේ පටන් ගත්ත වැඩේ අද එක සංධිස්ථානයකට ලඟා වෙලා නොදැනුවත්වම. එහෙම කියන්නේ පසුගිය අවුරුද්දේ අවසන් මාසයේ 29 දින ආරම්භ කරපු මේ උපසිරැසි යෙදීම අද වෙනකොට එහෙමත් නැතිනම් මාස හතරක් වගේ කාලයකින් 50 වෙනි කඩ ඉම පහු කරන්න තරම් දුරකට ඇවිත් නිසයි.

එදා පුංචි ලැනී කරපු වීරක්‍රියාව නිසා පස්සේ බල්ලො මරලා හරි සල්ලි හොයන් යුධ රාමුවෙන් බලලා ගුවන් ගමනක් යන්න වෙයි කියලා හිතුවේ නැතත්, ගොඩ බහින කොටම ජාන්ගෝ යදම් වලින් මුදවලා හැමෝගෙම හිතේ විශ්වාසයක් ඇති කරන්න මට හැකියාවක් ලැබුනා. එතනින් නතර වෙන්න නොලැබුන මට කල කල දේ පල පල දේ කියලා නිධානයක් හොයන්න යන්න උනා ටැඩ් එක්ක. නිධානය ගොඩ දැම්ම විතරයි “ස්පාටකස්” අරඹපු සටනට සහයක් දෙන්න හිතුවේ ඒක මෙච්චර තරම් දුරක් ඒවි යැයි හිතලා නම් නෙමෙයි, මොකද ඒ වෙනකොටත් සටන ඉවරයක් නැති හින්දයි. එහෙම සටන් වලට උදවු දෙන කොට තමයි “තෝර්” ඇවිත් කිව්වේ එයාටත් සටනක් තියෙනවා ගොඩ දා ගන්න කියලා. මෙහෙම සටන් කරන් යනකොට තමයි පූජකයා ප්‍රශ්නෙකට මැදි වෙලා ඉන්නවා දැන ගත්තේ. ඒ උදව්වත් කරන් ආපහු එනකොට තමයි දැන ගත්තේ දේශප්‍රේමියෝ ටිකක් ඇමෙරිකාව බේරා ගන්න සටනක් කරනවා කියලා. ඒ සටනින් පස්සේ තවත් සටනක් පුංචි ළමයින්ගේ හිතට ඇතුළු උන බියට එරෙහිව. සටන් වලින් හෙම්බත් වෙලා හිටපු මට එන ගමන ඉන්දියාවට ගොඩ බහින්න උනේ මන්දෝලා ගමේ වෙන අසාධාරණේ ගැන අහක නොබලා ඉන්න බැරිම තැනයි. ඒ උදව්වත් කරගෙන එනකොට තමයි දැක්කේ සර්කස් කණ්ඩායමක් ආදරය සොයා ලෝකේ වටේ යනවා කියලා. ඒකෙන් මේකෙන් ඉන්දියාවෙන් එන්න උනේ භූතාගමනය නිසා ඇති උන බය නිසා නම් නෙමෙයි. ඒ වෙනකොටත් හිරෙන් පැනපු දරුණු මිනීමරුවෙකු අල්ලන්න කරපු ලුහුබැඳිමක් නිසයි. එහෙම කියලා සහෝදරත්වය වෙනුවෙන් කරපු රාජාසන තරඟයට ඇතුළු උනේ අපි හැමෝගෙම තිබුන එකමුතුකමම නිසයි. ඒ වෙලාවේ තමයි අහන්න ලැබුනේ අළුයට ගිනි තියාගෙන උන්න ඉන්දියාවේ ප්‍රහාරයක් වෙලා කියලා. ඒ ප්‍රහාරේට යොදාගත්ත ආයුධ ඩා වින්සි කලින් හදපු ආකෘති කියල දැන ගත්තේ ඉතාමත් මෑතකදී. එහෙම වෙලාවක තමයි සිද්ධ උනේ 50 වෙනි පියවර අවසන් නැවතුම නොකරගෙන තවදුරටත් යන්න ඕනේ කියල අදිටන් කර ගත්තේ. මොකද තාම රෝමයේ යුද්ධය ඉවරත් නැහැ. ලුහුබැඳපු මිනීමරුවා අල්ල ගත්තෙත් නැහැ. යන්න යන්න දුර අඩුවෙන පාටක් නම් නැහැ. ඊටත් වඩා හති වැටීමකුත් නැති නිසා තව පුළුවන් තරම් දුර යන්න තමයි හිතන් ඉන්නේ.

අද වෙනකන් පැමිණි ගමන තමයි මම මේ එකින් එක අර ගත්තේ. මේ ගමනට අත් උදවු දුන්න අය අතරින් මම විශේෂයෙන්ම සහ මුලින්ම මතක් කරන්න ඕනේ දෙදෙනෙක් ඉන්නවා. මොකද එයාලගේ කාලය තමයි මම මේ අකුරු කරන්න යොදා ගන්නේ. ඒ තමයි මගේ ආදරණිය බිරිඳත් පුංචි පුතත්. එයාලට වෙන් උන කාලය මට මේ වෙනුවෙන් පරිත්‍යාග කලාට. විදේශගතව ඉන්න ගමන් ඒ රැකියා කටයුතු සහ අනෙක් වැඩ අතරේ මාස 4 අඩු කාලයකින් මේ පියවර තබන්න ලැබුන එකම හයිය ඒ දෙන්නා නිසා. විනෝදාංශයක් කියන්නේ නිදහස් කාලය ගෙවන්න කරන දෙයක් උනත් අවසානයේ විනෝදාංශය වගකීමක් බවට පත් උනා. එහෙම කියලා කිසිම දුකක් නැහැ. මොකද මගේ දැනුමෙන් වෙනත් කවදාවත් අහලා දැකලා පිරිසකට උපකාරයක් වෙලා ඒ අය ලබන සතුටෙන් පුළුවන් මට හිත ඇතුලෙන් අහිංසක සතුටක් විඳින්න. ගුණකථනය එහෙම අවසන් කරන්න බැහැ මොකද හැමෝම විශේෂ නිසා. මේ වගේ දෙයක් කරන්න මුල්ම උපදෙස ලබා ගත්ත රොයිලි අයියා, ඒ වගේම අපි හැමෝටම ඉලක්ක ලබා දෙන තරිඳු (විකියා), කාගේත් දුක් ගන්නාරාළ වගේ ඉඳන් නිහඬ සේවයක් කරන අපේ වාසල අයියා සහ අපේ පුංචි මීටරේ උදා මතක් නොකරමත් බැහැ.

ඒ අතරේ හමු උන අනෙක් සහෝදරයෝ හැමෝමත් එහෙමයි. මොකද මෙතන නිතර දකින නම් සහිත පිරිස එක පවුලක් වගේ වැඩ කරන්නේ කෙනෙකුගෙන් අතපසු වෙන වැඩක් තව පිරිසක් එකතු වෙලා ඉවර කරන්නේ ගොඩ වැඩි කිරීමේ පරමාර්ථයෙන් නම් නොවේ. අනික මෙතන අපි අතරේ තරඟයක් නැහැ. ඒ නිසා අපේ කාටවත් මේ දවස් වල දකින්න ලැබෙනවා වගේ තනතුරු තාන්න මාන්න වලට ඇනකොටා නොගන්න දිය යටින් ගින්දර ගෙනි යන්නේ නැති, එකා වගේ සයිට් එකට ආදරය කරන සහෝදරයෝ පිරිසක් ඉන්නේ, අපිත් එක්ක එකතු වෙලා ඉන්න ලංකාවේ මෙන්ම මම වගේ වෙනත් රටවල ඉන්න සහෝදර ලාංකිකයන් අපි කෙරෙහි තැබූ විශ්වාසය සදහටම රඳවා ගන්නයි. එහෙව් සහෝදර පිරිසක් එක්ක එකතු වෙලා මේ ගමන එන්න ලැබීම එක අතකින් ලොකු වාසනාවක්. මොකද මේ එක කෙනෙක් වත් හැබැහින් දැකලා මිතුරු උන අය නෙමෙයි. අන්තර්ජාලය තුල ගොඩ නැගුනු සහෝදර කමක් මත තමයි මේ හැම දෙයක්ම වෙන්නේ. හැම දෙයක්ම මුදල්වෙන මේ ලෝකයේ මිලක් නැතුව කරන මේ වැඩෙන් ඒ හැමෝගෙම ජිවිත යහපත් වෙන්න කියලත් මම ප්‍රර්ථනා කරනවා. ඒ වගේම තමයි මගේ උපසිරැසි බලා ඉන්න හැම මිතුරෙකුටත් මිතුරියකටත් ස්තුති වන්ත වෙනවා, මොකද ඔයාල මම කරපු දේ අරගෙන ඒ ගැන විශ්වාසයක් තියලා නැවත නැවත ඒ දේ ඉල්ලලා කරන සහ ඒ වෙනුවෙන් දෙන අගය කිරීම් සහිත කොමෙන්ටු තමයි අපේ ධෛර්ය වෙන්නේ ඊළඟ උපසිරසට. හැමෝම හිතනවානම් අපි කොමෙන්ට් වලට මේවා කරනවා කියලා ඒක එහෙම හිතන්න එපා. මොකද මේ නොමිලේ කරන දේට යම් ඇගයීමක් ලැබුනොත් තමා අපිට දහිරියක් ඇති වෙන්නේ තවත් පියවරකට. ඒක අහිංසක ඉල්ලීමක් හැමෝම වගේ කරන. එහෙනම් හැමෝටම කෘතඥතාවය පල කරන අතරතුර මගේ උපසිරසක් සම්බන්ධව යම් හෝ ගැටළුවක් ඇතිනම් මේ මුහුණු පොතේ පිටුවට යොමු කරන මෙන් කාරුණිකව ඉල්ලා සිටින ගමන් මම අද චිත්‍රපටය දෙසට හැරෙන්නම්.

මෙන්න මේකයි වෙන්නේ ඇමෙරිකාවේ තියෙනවනේ ඇරිසෝනා කියලා ප්‍රාන්තයක්. එකේ කෙරවලේ තියෙනවා සමර්ටන් කියලා ගමක් මෙක්සිකානු දේශ සීමාවට ලංවෙලා. මේ ගමේ ඉන්නේ ටිකක් පරණ මිනිස්සු නගරෙන් ඈත් වෙලා නිදහස අගය කරන පිරිසක්. ඉතින් නගරේ ඉන්නවා ෂෙරිෆ් කෙනෙක් සහ ගෝලයෝ තුන් දෙනෙක්. ඒ කිව්වේ අපේ ආරච්චිලා වගේ ගමේ සාමය ආරක්ෂා කරන්න ඉන්න ඒ ගමේ පොලිසිය තමයි මෙයාල. ප්‍රධාන චරිතය වන ෂෙරිෆ් තමයි හැට පැන්නත් වීරයා වීරයමයි කියල ඔප්පු කරන ආර්නෝල්ඩ් ස්වාසර්නේගර් නගරාධිපති තුමා. ඉතින් මේ අතරේ මේ නගරයට යම් පිරිසක් එනවා දවසක, එදා මේ ෂෙරිෆ් මහත්තයාගේ නිවාඩු දවස. මේ මිනිස්සු ටිකක් අමුතුයි. එත් එක්කම ඇමෙරිකානු FBI එකෙන් දරුණු අපරාධ ලෝකේ රජෙක් වන මෙක්සිකානු සිරකරුවෙක් ඉතාම රහසිගත ලෙස මාරු කරවන්න හදනවා. ඉතින් අවසානයේ මේ සිරකරුවා ඉතාමත් සූක්ෂම ලෙස හිරෙන් පනිනවා අතරමගදී. මෙයා විශේෂ දක්ෂතා තියෙන කෙනෙක්. ඒ වගේම හොඳ රථ ධාවකයෙක්. එතනදී තමයි ඔන්න වැඩේ පටන් ගන්නේ. කලින් ගොඩක් කිව්ව් නිසා අද මොකුත් කියන්නේ නැහැ. ඔන්න එහෙනම් බලන්නම වෙනවා කවුද මේ සිරකරුවා මොකටද සමර්ටන් වලට අර මිනිස්සු ආවේ? අපේ ෂෙරිෆ් මහත්තයා මොනවා කරයිද සමර්ටන් වල සාමය ආරක්ෂා කරන්න? මේ ප්‍රශ්න ඉතුරු කරන්නේ ඔයාලගේ කුතුහලයට.

පසුගිය ජනවාරි 23 තිරගත් කිරීම් ආරම්භ කල් මේ කතාව IMDb දර්ශකයේ ලකුණු 6.9ක් අරගත් ක්‍රියාදාම සාගරයකින් යුතු කතාවක්. ඒ වගේම අධ්‍යක්ෂණය කරලා තියෙන්නේ Jee Woon Kim විසින්. රංගන දායකත්වය Arnold Schwarzenegger, Forest Whitaker, Peter Stormare වගේ දක්ෂ නළුවන්ගෙන්.

මම නම් කියන්නේ නැහැ ඔන්න මම 100% පරිපූර්ණයි කියලා. එත් මම මේ වැඩේ කරන්න අරන් මේ මොහොත වෙනකන්ම ඉංග්‍රීසි උපසිරසක් අන්තර්ජාලයේ හොයා ගන්න ලැබුනේ නැහැ. හැබැයි වෙන භාෂා වල ඒවා තිබ්බා. ඔයාල හොඳටම දන්නවා වෙන භාෂාවක දෙයක් ගූගල් මගින් පරිවර්තනය කලාම එකෙන් එන්නේ කතාවේ දෙබස් වලට ගැලපෙන සහ අරුතට ගැලපෙන විදිහෙන් 30% හෝ ඊටත් අඩු ප්‍රමාණයක්. ඒ නිසා මම මේ හැම දෙබසක්ම අහලා ඔයාල හැමෝටම කතාව තේරුම් ගන්න පුළුවන් විදිහට පරිවර්තනය කරලා ඉවර උනේ අද උදේ 4 ට විතර. මොකද මම අර වචන අඩු ගූගල් පරිවර්තනය ඔයාලට සිංහලට දුන්න නම් ඔයාල මේ කතාව නෙමෙයි වෙන කතාවක් තමයි තෙරුම් ගන්න ඕනේ. මම පෙරේදා ඉඳන් බලන් හිටියා ඉංග්‍රීසි උපසිරසක් නිකුත් වේවි කියලා. කොහොද මගේම වෙලාවද කොහෙද එහෙම උනේ නැහැ. ඉතින් ඊයේ රෑ පටන් ගත්ත මෙහෙයුම උදේ අවසන් කලේ තනිවම හොඳේ ;).

තව දෙයක් මේ කතාවේ පටන් ගන්නකොටම කාර් එකක් යනවා පැයට කිලෝමීටර් 197 ක වේගෙන්, 317ක වේගෙන නෙමේ කියලා හැමෝටම දකින්න ලැබේවි. මොකද මේවා තමා ගූගල් පරිවර්ථන දෝෂ. අනිත් එක මේකේ පෙන්වනවා විශේෂිත රථයක්, ඒක නමින් Corvette ZR1. සීරෝ වන් කියන එක තමයි ZR1 මගින් පෙන්වන්නේ. අනිත් දේ තමයි ගූගල් පරිවර්තනය කරන උපසිරසේ තිබුන ලයින් ගාන 933ක් ඒ වෙනත් බාශාවකින් තිබුන නිසාත් සමහර ලයින් මඟ හැරි තිබුන නිසාත්. එත් මම මේක සවන් දීමෙන් කල නිසා මට මඟ හැරුණු ලයින් 130 කට වඩා හොයා ගන්න ලැබුනා. මොකද කරන දේ හරියට කරලා සතුටක් ලබන ඒක මගේ පුරුද්ද නිසා. සමර විට වචන අඩුවෙන් බලන්න දුන්නා නම් වෙන්නේ ඔයාලව නොමඟ යැවීමක්. එහෙනම් මෙතරම් දුරක් එන්න අපේ වෙබ් අඩවිය සහ මම එක්ක අත් වැල් බැඳ ගත් සහෝදර ඔයාලා හැමෝටම ගොඩක් ස්තුතියි වගේම මගේ කෘතඥතාවය පල කරන්නත් අවස්තාවක් කර ගන්නවා. එහෙනම් හැමදාම කියනවා වගේ හැමෝටම ජය වේවා කියලා ප්‍රාර්ථනා කරන්නේ 51 ළඟ ලඟම එනවා කියන පොරොන්දුවත් සමඟම.

 

 

” Due to copyright issues, we do not provide any torrent links. “

සියලුම බ්ලුරේ(BR) පිටපත් සඳහා අදාළ වේ.

9,237 downloadsDownload The.Last_.Stand_.2013.zip141 KB

https://d36zzuvfojr38z.cloudfront.net/wp_content/uploads/2012/12/හසන්ත-වික්‍රමරත්න.jpg මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.