The Vatican Tapes (2015) with Sinhala Subtitle | යක්ෂයාට එරෙහිව [සිංහල උපසිරැසි සමඟ]

මෙම සිනමාපටයට උපසිරසිකරුවන් දෙදෙනෙකු උපසිරසි ඒවා ඇති බැවින් දෙදෙනාටම අසාධාරණයක් නොවන පරිදි උපසිරසි දෙකම පල කිරීමට තීරණය කළෙමු…

 

සිසිල ප්‍රසාද් සොයුරා ලියන ලද ලිපිය.

ඔන්න එහෙනම් තවත් චිත්‍රපටියක් අරගෙන ආවා.ළඟ ලඟම තෙලිඟු චිත්‍රපටි දෙකක් දීපු නිසා මේ සැරේ ඉංග්‍රීසි එකක් කරන්න හිතුවා.දවසින් දෙකෙන් කරනවා කියලා හිතාගෙන බාරගත්තට මොකද, කරන්න ගත්තාම තමයි ඒකෙ රඟේ දැනුණේ.මොකද කියනවනම් චිත්‍රපටයේ ගොඩක් තැන්වල ක්‍රිස්තියානි ආගම සම්බන්ධව, යක්ෂයා සම්බන්ධව කරුණු යෙදී තිබුණා.ඉතින් සමහර වාක්‍ය පරිවර්තනය කරන්න විනාඩි 10-15 ගතවුණු වෙලාවල් තිබුණා.ඒ වුණත් යම් යම් දෝෂ සහිත තැන් තිබුනොත් සමාවෙන්න කියලා මුලින්ම කියනවා.නමුත් සමස්තයක් වශයෙක් ගත් කළ හැකි උපරිම අයුරින් චිත්‍රපටියට සාධාරණයක් ඉෂ්ට කල බවටනම් මට සහතික වශයෙන් කියන්න පුළුවන්.ඒ වගේම අන්තිමට කල චිත්‍රපට දෙක වන Kshanam (2016) සහ Dohchay (2015) යන චිත්‍රපට දෙකටම හොඳ ප්‍රතිචාර ලැබුණා. ඒ හැමෝටම ගොඩක් ස්තුතියි. චිත්‍රපටියේ පසුබිම ගැන කතා කරනවානම්, 2015 ජූලි මස 24 වෙනි දින ලොව වටා තිරගත වීම ආරම්භ කල මෙම චිත්‍රපටිය, පළමු සතිය තුලදී ඇමරිකානු ඩොලර් ලක්ෂ 8 ඉක්මවාද, 2015 අගෝස්තු 20 වෙනි දින සිය දර්ශන සමය නිමාකරන විට, මාසයක කාලයක් ඇතුළතදී ඇමරිකානු ඩොලර් මිලියන 13.5 ඉක්මවා යාමටද සමත්කම් දැක්වූවා.චිත්‍රපටය අධ්‍යක්‍ෂණයෙන්, Jonah Hex (2010), Ghost Rider: Spirit of Vengeance (2012) වැනි සුපිරි ඝණයේ චිත්‍රපට අධ්‍යක්‍ෂණය කල Mark Neveldine ද, රංගනයෙන්, Paranormal Activity: The Ghost Dimension (2015) චිත්‍රපටයේ ප්‍රධාන චරිතයට පණ පෙවූ Olivia Taylor Dudley ද, Ant-Man (2015), Fury (2014), The Martian (2015) යන චිත්‍රපටයන්හි රංගනයෙන් දායක වූ Michael Peña ද, Guardians of the Galaxy (2014), Furious 7 (2015), Gladiator (2000) යන චිත්‍රපටයන්හි රංගනයෙන් දායක වූ Djimon Hounsou ද, Taken 3 (2014), Hitman (2007), Mission: Impossible 2 (2000) යන චිත්‍රපටයන්හි රංගනයෙන් දායක වූ Dougray Scott ද, මෙම චිත්‍රපට තුල උප ප්‍රධාන චරිතයන් හට පණ පොවනු ලබනවා.

චිත්‍රපටයේ අඩංගු කතාවට මූලික පදනම වන්නේ වර්තමාන ලෝකයට යක්ෂයාගේ සම්ප්‍රාප්තිය.ඇන්ජෙලා කියන්නේ බොහොම කෙළිදෙලෙන් පසුවන ඇමරිකානු තරුණියක්.මෙයාගේ 25 වෙනි උපන්දිනය දවසේ මෙයාට පුදුම කරවීමේ උපන්දින් පාටියක් (Suprice Birthday Party) ලැබෙනවා.ඒත් මෙතැනදී සිදුවන අත්වැරදීමකින් ඇන්ජෙලාගේ ඇඟිල්ලක් කැපිලා තුවාල වෙනවා.මේ සිදුවීමෙන් පස්සේ තමයි ඇන්ජෙලාගේ ජීවිතය උඩි යටිකුරු වෙන්නෙ.ඇයගේ හැසිරීම ක්‍රම ක්‍රමයෙන් හිතාගත නොහැකි මට්ටම දක්වා අමුතු වෙන්න පටන් ගන්නවා. මොකක්ද මේකට හේතුව…. ඇන්ජෙලා සමගින් යක්ෂයාට ඇති සම්බන්ධය කුමක්ද…අවට සිටින මිනිසුන්ගේ සිත් පාලනය කරමින් ඔවුන් සියදිවි නසා ගන්නා තැනට පත් කරනා මෙම දුෂ්ට බලවේගයේ සැබෑ අරමුණ කුමක්ද….එම දුෂ්ට බලවේගයට එරෙහිව නොබියව නැගී සිටින්නෙ කවුද…මෙයට වතිකානුව සමගින් ඇති සම්බන්ධය කුමක්ද….මේවාට පිළිතුරු ලබා ගැනීම චිත්‍රපටය නරඹන ප්‍රේක්ෂක ඔබට බාරයි.

විශේෂයෙන්ම කියන්න ඕනේ, දුර්වල හදවතක් ඇති අය රාත්‍රී කාලයේදී මේ චිත්‍රපටය නරඹන්නේ නැතිව ඉන්නවනම් ඇඟට හොඳයි. එහෙනම් තවත් චිත්‍රපටයකින් හම්බෙමු. එතකන් හැමෝටම ජයවේවා…!

නිපුන් මිලින්ද සොයුරා විසින් එවන ලද ලිපිය.

හැමදාම වගේ Site එකට ඇවිත්  Sub බාගෙන යන එකේ වෙනසකටත් එක්ක සබ් එකක් ලියන්න හිතුවා. මේ මගේ පළවෙනි සබ් එක. මේකෙ අඩුපාඩු ගොඩක් ඇති මං අලුත් නිසා එව්වා පෙන්නලා දෙන්න කියලා හැමෝගෙන්ම ඉල්ලනවා.ඒවගේම තවත් පොඩි දෙයක් කියන්න තියනවා.මේ ෆිල්ම් එක ක්‍රිස්තියානි ආගමට ගොඩක් දුරට සම්බන්දයි. මං ඒ ගැන ලොකු දැනීමක් නෑ. ඒත් පුලුවන් තරම් හොදට පරිවර්තනය කලා කියලා හිතනවා. එහෙනම් ෆිල්ම් එක පැත්තට පොඩ්ඩක් හැරෙමුකෝ.

කතාවට පාදක වෙලා තියෙන්නේ Christopher Bo විසින් රචනා කරන ලද කතාවක්.ඒ කතාව ඇසුරු කරගෙන Chris Morgan විසින් පිටපත ලියා තිබෙන අතර Mark Neveldine විසින් චිත්‍රපටය අධ්‍යයක්ශනය සිදු කර තිබෙනවා.මේකට 4.5 IMDb අගයක් තමා ලැබී තියෙන්නේ. මේ සේයා පටය මිනිත්තු 91ක කාලයක් ධාවනය වෙනවා.මේ චිත්‍රපටයේ රංගනයෙන් දායක වන්නන් ගැන කිව්වොත්,

Olivia Dudley        -Anjela Dougray Scott       -Roger Holmes Micheal Pena         -Father Lozano Jhon Patrick          -Pate Peter Andersson    -Cardinal Bruun

මේ ඉන්නෙ මේකෙ ඉන්න ප්‍රධාන නලු නිලියන් කිහිපදෙනෙක් විතරයි. කොහොම උනත් ඔයාල ඉන්න නලු නිලියො ගැන වැඩිය හිතන්නෑනෙ…

කථාවේ සාරාංශය කෙටියෙන් ගත්තොත් ඇන්ජෙලා නම් තරුණියට යක්ශයෙකු ආවේස වීමක් හා ඇයව බේරා ගැනීමට දරන උත්සහය මේ චිත්‍රපටිය පුරා, දැකගන්න පුලුවන්.කේක් කෑල්ලක් කපන්න යෑමේදී සිදුවන පුංචි තුවාලයක් නිසා මේ යක්ශයා ඇතුලුවෙනවා.ඒ වගේම  Raven  යනුවෙන් හදුන්වන කලු කපුටාගේ බලපෑම නිසා තත්වය එන්න එන්නම දරුනු වෙනවා.

ඇත්තටම කිව්වොත් මේක තරමක් බිය උපදවන සුලු ෆිල්ම් එකක් කිව්වොත් නිවැරදියි.ඉතින් මේ යක්ශයා සමග සටන් කර ඇන්ජෙලාගේ දිවි බේරා ගැනීමට හැකිවේද ? ඉතින් කාටත් බලන්න කියල ආරාධනා කරනව ෆිලුම. එහෙනම් ඉතින් අදට සමුගන්නව. ආපහු ඉක්මනින්ම එන්නම්…

සියලු දෙනාටම ජය…෴

 

 

 

 

 

 

 

මෙම ලබා දී ඇති උපසිරැසි සියළුම Blu-Ray පිටපත් සඳහා අදාළ වේ.

2,297 downloadsDownload The.Vatican.Tapes_.2015.Baiscopelk.com_.rar56 KB

 

https://d36zzuvfojr38z.cloudfront.net/wp_content/uploads/2014/09/Normal.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සහ “නිපුන් මිලින්ද” යන සොහොයුරන් හට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.