Kashmir Ki Kali (1964) Sinhala Subtitles | ඉන්දීය හින්දි සිනමාවේ පැරණි ජනප්‍රිය සිනමාපටයක් නැරඹීමට ආරාධනා! [සිංහල උපසිරසි සමඟ]

මෙය හින්දි සිනමාවේ ජනප්‍රියතම චිත්‍රපට වර්ග කිරීම් අතර ඉහළ ස්ථානයක් ලබා සිටින, IMDb සිනමා දර්ශකයේ 7.1 ක ඉහළ අගය කිරීමක් පවතින, සංගීතාත්මක සුවිශේෂ සිනමා නිර්මාණයකි. මෙහි කතා සාරාංශය වන්නේ, රජීව් ඉතාමත් ධනවත් පවුලක තරුණයෙකි. පියා මියගොස් ඇති අතර මොහුට, ඔහුගේ මව විසින් නිතර මංගල යෝජනා ගෙන එයි. නමුත් මේ සියල්ලටම අකමැති වන රජීව් වෙනත් ප්‍රදේශයක පිහිටා තිබෙන තම පවුලට අයත් තවත් නිවෙසක නැවතීම සඳහා යයි. ඒ තම හිතවතෙක් සමඟය. මෙහිදී මල් අලෙවි කරන දුප්පත් තරුණියක වන ” චම්පා ” නමැති තරුණිය සමඟ පෙමින් බැඳෙයි. ඇය තම අන්ධ පියා සමඟ ජීවත් වෙයි. එම ගමේ ජීවත් වන මොහාන් නැමැත්තා ඇය විවාහ කර ගැනීමේ බලාපොරොත්තුවෙන් සිටියි. නමුත් චම්පා එයට කැමති නොවේ. පසුව ඇයගේ පියා වශයෙන් පෙනීසිටින තැනැත්තා විසින් චම්පාව කුඩා කාලයේදී ධනවත් පවුලකින් පැහැරගත් බවට මොහාන් හෙළි කර ගනී. මෙතැන් සිට “රජීව්ට සහ චම්පාට ප්‍රශ්න රාශියකට මුහුණ දීමට සිදුවේ.

ෂම්මි කපූර්, ශර්මිලා තාගෝර් සහ ප්‍රාන් ප්‍රධාන චරිත නිරූපනයට දායක වි සිටින, කුතුහලයෙන් පිරි සංවේදී කතා පුවතක් රැගත් හින්දි චිත්‍රපටයකි. මෙය ද ශ්‍රී ලංකාවේ ඉතාමත් ජනප්‍රිය වූ චිත්‍රපටයකි. එමෙන්ම මෙහි ඇතුළත් හින්දි ගීත දැනට ද ශ්‍රී ලංකාවේ ඉතා ජනප්‍රියව පවතී. මෙම ගීතවල තනු ආශ්‍රයෙන් නිර්මාණය කළ සිංහල ගීත කීපයක්ම ඇත. “සඳ මෝදු වෙලා නැඟෙනා… රෑ කාලේ වසන්තයේ…” එයින් එක් ජනප්‍රිය සිංහල ගීතයකි.

මා විසින් මීට පෙර සිංහල උපසිරසි යෙදූ “බයිස්කෝප් වෙබ් අඩවිය” තුළ ඇති “දෝස්ති“, “ආයි මිලන් කී බේලා“, ඇන් ඊවිනින් ඉන් පැරිස්“, බූට් පොලිෂ්“, “සංගම්“, “සාති” “මෙරා නාම් ජෝකර්“, “අනාරි“, “දේව්දාස්“, “ආහ්“, “දිල් අප්නා ඕර් ප්‍රීත් පරායේ“, හම් හින්දුස්ථානි“, “හම්රාස්” “සුරාජ්” , “ගීත්” “අප්නා දේශ්” “අර්සු” “කැරවෑන්“,”අල්බේලා“, “ජන්ග්ලී“, චෝරි චෝරි“, “අන්දාස්“, “ආන්” “ජිස් දේශ් මෙන් ගංගා බේති හේ“, “තෙරේ ගර් කී සාම්නේ“,”ගෝරා ඕර් කාලා” “සෝල්වා සාල්“, ”මිලැප්“, “බ්‍රහ්මචාරී” යන පැරණි හින්දි චිත්‍රපට සිංහල උපසිරසි සහිතව ඩී.වී.ඩී. අලෙවි සැල්වල ප්‍රදර්ශනය කර තිබෙනු දැකීමෙන් මා හට අපමණ සතුටක් දැනේ. එක්තරා යුගයක අතිශය ජනප්‍රිය වූ මෙම චිත්‍රපට පසුගිය කාලයේ ඇහැට දකින්නටවත් නොතිබුණි. ජනප්‍රිය පැරණි හින්දි සිනමා චිත්‍රපට ගොනුව හැකි තරමින් රට පුරා සිංහල උපසිරසි සහිතව ව්‍යාප්ත කිරීම මාගේ උපරිම උත්සාහයයි.

මෙය මාගේ “බයිස්කෝප් වෙබ් අඩවිය” හරහා දෙනු ලබන තිස් තුන්වෙනි සිංහල උපසිරසිකරණයයි. පැය දෙකයි, මිනිත්තු තිහයි, තත්පර තිස්තුනක ධාවන කාලයක් සහිත වීඩියෝවක් මෙම සිංහල උපසිරැසිය සඳහා ගැළපෙන බව සලකන්න. එමෙන්ම මෙයට ගැළපෙන, මා විසින් ගූගල් ඩ්‍රයිව් වෙත අප්ලෝඩ් කළ මෙගා බයිට් 532 ක වීඩියෝවක් ද ඇත. මෙම උපසිරැසිය තුළ ද අදාළ වීඩියෝව බාගත කරගත හැකි ආකාරය දක්වා ඇත. පැරණි හින්දි සිනමාපට ප්‍රිය කරනා ඔයාලා වෙනුවෙන්ම 1950, 1960 දශකවල සිනමාපට සඳහා පමණක් සිංහල උපසිරසි නිර්මාණය කිරීම පමණයි මා සිදු කරන්නේ. ඒ නිසා ඒවා බලාපොරොත්තුවෙන් නිතරම මේ වෙබ් එක සමඟ බැඳී සිටින ලෙසින්ද ඉල්ලා සිටින්නෙමි. ඒ වගේම මේවා බාගත කරගන්නා ඔයාලාට සරල යුතුකමක් තිබෙනවා. එනම් මේ උපසිරසියක් වෙනුවන් වචන කිහිපයක අදහස් දැක්වීමක් සිදු කිරීම සහ අවශ්‍ය සිනමාපට පිළිබඳව යෝජනා ඉදිරිපත් කිරීමයි. ස්තූතියි!

මා මීළඟට ලබා දෙන්නේ 1949 වර්ෂයේ තිරගත වූ ” Dulari ” පැරණි හින්දි සිනමාපටයේ සිංහල උපසිරසියයි.

 

 

Due to copyright issues, we do not provide any torrent links.

ගැළපෙන පිටපත බයිස්කෝප් ඩවුන්ලෝඩ්ස් වෙබ් අඩවියෙන් ලබාගන්න.

1,252 downloadsDownload Kashmir-Ki-Kali-1964.zip46 KB

මේ ලබා දී ඇති සිංහල උපසිරැසි පිළිබද “විතානගේ ප්‍රියන්ත දයාකීර්ති” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2015-03-31
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.